നിൽക്കക്കള്ളിയില്ലാതെ... പി.പി. ദിവ്യക്കെതിരായ നടപടി

ക​ണ്ണൂ​ര്‍: അ​ധി​ക്ഷേ​പ വാ​ക്കു​ക​ളി​ൽ മു​റി​വേ​റ്റ് എ.​ഡി.​എ​മ്മി​ന് ജീ​വ​നൊ​ടു​ക്കേ​ണ്ടി​വ​ന്ന സം​ഭ​വ​ത്തി​ൽ ക​ണ്ണൂ​ർ ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് പി.​പി. ദി​വ്യ ഒ​ടു​വി​ൽ പു​റ​ത്ത്. ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് സ്ഥാ​ന​ത്തു​നി​ന്ന് ഇ​വ​രെ നീ​ക്കാ​ൻ സി.​പി.​എം സം​സ്ഥാ​ന നേ​തൃ​ത്വം നി​ർ​ദേ​ശി​ച്ച​തി​നെ തു​ട​ർ​ന്നാ​ണ് ജി​ല്ല സെ​​ക്ര​ട്ടേ​റി​യ​റ്റ് തീ​രു​മാ​നം. രാ​വി​ലെ ന​ട​ന്ന ജി​ല്ല സെ​ക്ര​ട്ടേ​റി​യ​റ്റ് യോ​ഗ​ത്തി​ൽ വി​ഷ​യം സം​സ്ഥാ​ന നേ​തൃ​ത്വ​ത്തി​ന് വി​ടാ​നാ​ണ് ആ​ദ്യം തീ​രു​മാ​നി​ച്ചി​രു​ന്ന​ത്. എ​ന്നാ​ൽ, ഉ​ചി​ത​മാ​യ തീ​രു​മാ​നം ജി​ല്ല സെ​ക്ര​ട്ടേ​റി​യ​റ്റ് ത​ന്നെ കൈ​ക്കൊ​ള്ളാ​ൻ സം​സ്ഥാ​ന നേ​തൃ​ത്വം വൈ​കീ​ട്ട് അ​റി​യി​ച്ച​തോ​ടെ രാ​ത്രി പ​ത്തു​മ​ണി​യോ​ടെ​യാ​ണ് ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് സ്ഥാ​ന​ത്തു​നി​ന്ന് നീ​ക്കി​യ​ത്.

പി.​പി. ദി​വ്യ​യെ ആ​ദ്യ​ഘ​ട്ട​ത്തി​ൽ സം​ര​ക്ഷി​ക്കു​ന്ന നി​ല​പാ​ടെ​ടു​ത്ത ജി​ല്ല നേ​തൃ​ത്വം, എ.​ഡി.​എം മ​രി​ച്ച് മൂ​ന്നാം നാ​ളി​ലാ​ണ് പി.​പി. ദി​വ്യ​യെ ​കൈ​യൊ​ഴി​ഞ്ഞ​ത്. ദി​വ്യ കാ​ണി​ച്ച​ത് അ​പ​ക്വ​മാ​യ നി​ല​പാ​ടാ​​ണെ​ന്നും ഒ​രു​നി​ല​ക്കും പി​ന്തു​ണ​ക്കാ​ൻ ക​ഴി​യി​ല്ലെ​ന്നു​മാ​ണ് ജി​ല്ല നേ​തൃ​ത്വം സ്വീ​ക​രി​ച്ച​ത്. പ​ത്ത​നം​തി​ട്ട ജി​ല്ല ക​മ്മി​റ്റി ദി​വ്യ​ക്കെ​തി​രെ ശ​ക്ത​മാ​യി നി​ല​കൊ​ണ്ട​തി​നാ​ൽ വി​ഷ​യ​ത്തി​ൽ തീ​രു​മാ​ന​മെ​ടു​ക്കു​ന്ന കാ​ര്യം സം​സ്ഥാ​ന നേ​തൃ​ത്വ​ത്തി​ന് വി​ടാ​നും തീ​രു​മാ​നി​ച്ചു. എ.​ഡി.​എ​മ്മി​ന് സ​ഹ​പ്ര​വ​ർ​ത്ത​ക​ർ ന​ൽ​കി​യ യാ​ത്ര​യ​യ​പ്പ് യോ​ഗ​ത്തി​ൽ ക്ഷ​ണി​ക്കാ​തെ പോ​യ​തും അ​വി​ടെ വെ​ച്ച് അ​ദ്ദേ​ഹ​ത്തി​നെ​തി​രെ അ​ഴി​മ​തി ആ​രോ​പ​ണ​മു​ന്ന​യി​ച്ച​തും ശ​രി​യാ​യി​ല്ലെ​ന്ന് സെ​ക്ര​ട്ടേ​റി​യ​റ്റ് വി​ല​യി​രു​ത്തി. ദി​വ്യ​യു​ടേ​ത് സ​ദു​​ദ്ദേ​ശ്യ​പ​ര​മാ​യ പ​രാ​മ​ർ​ശ​മാ​യി​രു​ന്നു​വെ​ന്നും യാ​ത്ര​യ​യ​പ്പ് വേ​ള​യി​ൽ പ​രാ​മ​ർ​ശം വേ​ണ്ടി​യി​രു​ന്നി​ല്ലെ​ന്നു​മാ​ണ് ക​ണ്ണൂ​ർ നേ​തൃ​ത്വം ആ​ദ്യം കൈ​ക്കൊ​ണ്ട നി​ല​പാ​ട്.

എ​ന്നാ​ൽ, എ.​ഡി.​എ​മ്മി​ന്റെ മ​ര​ണം സം​സ്ഥാ​ന​ത്ത് ക​ടു​ത്ത പ്ര​തി​ഷേ​ധ​ത്തി​ന് കാ​ര​ണ​മാ​യ​തും ഇ​ട​ത് സ​ർ​വി​സ് സം​ഘ​ട​ന​ക​ൾ ഉ​ൾ​പ്പ​ടെ രം​ഗ​ത്തു​വ​ന്ന​തും കാ​ര്യ​ങ്ങ​ൾ കൈ​വി​ട്ടു. പാ​ർ​ട്ടി​കു​ടും​ബാം​ഗ​മാ​യ എ.​ഡി.​എ​മ്മി​നെ അ​നു​കൂ​ലി​ച്ചും മ​ര​ണ​ത്തി​ന് കാ​ര​ണ​മാ​യ പ​രാ​മ​ർ​ശം ന​ട​ത്തി​യ ദി​വ്യ​ക്കെ​തി​രെ ന​ട​പ​ടി വേ​ണ​​മെ​ന്ന നി​ല​ക്ക് സി.​പി.​എം പ​ത്ത​നം​തി​ട്ട ജി​ല്ല ക​മ്മി​റ്റി ശ​ക്ത​മാ​യ നി​ല​പാ​ട് എ​ടു​ത്തു. ഇ​ക്കാ​ര്യം ജി​ല്ല സെ​ക്ര​ട്ട​റി ഉ​ൾ​പ്പെ​ടെ​യു​ള്ള​വ​ർ സം​സ്ഥാ​ന നേ​തൃ​ത്വ​ത്തെ അ​റി​യി​ക്കു​ക​യും ചെ​യ്തു. തു​ട​ർ​ന്ന് കേ​ന്ദ്ര​ക​മ്മി​റ്റി​യം​ഗം പി.​കെ. ശ്രീ​മ​തി ഉ​ൾ​പ്പ​ടെ​യു​ള്ള​വ​ർ ദി​വ്യ​ക്ക് വീ​ഴ്ച​പ​റ്റി​യെ​ന്ന് വ്യ​ക്ത​മാ​ക്കി. വ്യാ​ഴാ​ഴ്ച സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​നും ഇ​തേ നി​ല​പാ​ട് ആ​വ​ർ​ത്തി​ച്ചു.എ.​ഡി.​എ​മ്മി​ന്റെ സ​ഹോ​ദ​ര​ൻ പൊ​ലീ​സി​ൽ പ​രാ​തി ന​ൽ​കു​ക​യും ചെ​യ്തു. തു​ട​ർ​ന്നാ​ണ് ദി​വ്യ​ക്കെ​തി​​രെ ആ​ത്മ​ഹ​ത്യ ​​പ്രേ​ര​ണ​കു​റ്റ​ത്തി​ന് കേ​സെ​ടു​ക്കാ​മെ​ന്ന നി​യ​മോ​പ​ദേ​ശ​വും പൊ​ലീ​സി​ന് ല​ഭി​ച്ച​ത്.

ആ​ത്മ​ഹ​ത്യ പ്രേ​ര​ണ​ക്കു​റ്റ​ത്തി​ല്‍ കേ​സെ​ടു​ത്ത​തോ​ടെ​യാ​ണ് ഇ​നി കാ​ത്തി​രി​ക്കേ​ണ്ടെ​ന്നും പ്ര​സി​ഡ​ന്റ് സ്ഥാ​ന​ത്തു​നി​ന്ന് നീ​ക്കാ​നും സി.​പി.​എം തീ​രു​മാ​നി​ച്ച​ത്.