പി.പി.ഇ കിറ്റ്​: ലോകായുക്ത​ അന്വേഷണം തുടരാമെന്ന്​ ഹൈകോടതി

കൊ​ച്ചി: കോ​വി​ഡ് കാ​ല​ത്ത് പി.​പി.​ഇ കി​റ്റു​ക​ളും മെ​ഡി​ക്ക​ൽ ഉ​പ​ക​ര​ണ​ങ്ങ​ളും വാ​ങ്ങി​യ​തി​ലെ അ​ഴി​മ​തി സം​ബ​ന്ധി​ച്ച പ​രാ​തി​യി​ൽ ലോ​കാ​യു​ക്ത​ക്ക്​ അ​ന്വേ​ഷ​ണം തു​ട​രാ​മെ​ന്ന്​ ഹൈ​കോ​ട​തി. പ​രാ​തി​യി​ൽ ലോ​കാ​യു​ക്ത നോ​ട്ടീ​സ് അ​യ​ച്ച​തി​നെ​തി​രെ ആ​രോ​ഗ്യ​വ​കു​പ്പ്​ മു​ൻ പ്രി​ൻ​സി​പ്പ​ൽ സെ​ക്ര​ട്ട​റി രാ​ജ​ൻ കോ​ബ്ര​ഗ​ഡെ ഉ​ൾ​പ്പെ​ടെ​യു​ള്ള​വ​ർ ന​ൽ​കി​യ ഹ​ര​ജി ചീ​ഫ് ജ​സ്റ്റി​സ് എ​സ്. മ​ണി​കു​മാ​ർ, ജ​സ്റ്റി​സ് ഷാ​ജി പി.​ചാ​ലി എ​ന്നി​വ​ര​ട​ങ്ങു​ന്ന ഡി​വി​ഷ​ൻ ബെ​ഞ്ച് ത​ള്ളി. പ​രാ​തി​യി​ൽ ലോ​കാ​യു​ക്ത ന​ൽ​കി​യ നോ​ട്ടീ​സി​ന്​ മ​റു​പ​ടി ന​ൽ​കാ​ൻ ഹ​ര​ജി​ക്കാ​ർ​ക്ക്​ ര​ണ്ടാ​ഴ്ച സ​മ​യം അ​നു​വ​ദി​ച്ചി​ട്ടു​ണ്ട്.

പി.​പി.​ഇ കി​റ്റ് വാ​ങ്ങി​യ​തി​ൽ അ​ഴി​മ​തി​യു​ണ്ടെ​ന്ന് ആ​രോ​പി​ച്ച്​ കോ​ൺ​ഗ്ര​സ്​ പ്ര​വ​ർ​ത്ത​ക​യാ​യ വീ​ണ എ​സ്.​നാ​യ​ർ ന​ൽ​കി​യ പ​രാ​തി​യി​ലാ​ണ്​ ലോ​കാ​യു​ക്ത ഹ​ര​ജി​ക്കാ​രോ​ട്​ വി​ശ​ദീ​ക​ര​ണം തേ​ടി​യ​ത്. കോ​വി​ഡ് കാ​ല​ത്ത് മാ​ർ​ക്ക​റ്റ്​ വി​ല​യെ​ക്കാ​ൾ ഉ​യ​ർ​ന്ന നി​ര​ക്കി​ൽ​ പി.​പി.​ഇ കി​റ്റ​ട​ക്ക​മു​ള്ള​വ വാ​ങ്ങി​യെ​ന്നാ​യി​രു​ന്നു ആ​രോ​പ​ണം.

മു​ൻ ആ​രോ​ഗ്യ​മ​ന്ത്രി കെ.​കെ. ശൈ​ല​ജ, രാ​ജ​ൻ കോ​ബ്ര​ഗ​ഡെ, മെ​ഡി​ക്ക​ൽ സ​ർ​വി​സ​സ് കോ​ർ​പ​റേ​ഷ​ൻ എം.​ഡി​യാ​യി​രു​ന്ന ബാ​ല​മു​ര​ളി, എ​സ്.​ആ​ർ. ദി​ലീ​പ്കു​മാ​ർ, സ്വ​കാ​ര്യ ക​മ്പ​നി പ്ര​തി​നി​ധി​ക​ൾ എ​ന്നി​വ​ർ​ക്കെ​തി​രെ​യാ​ണ് പ​രാ​തി. ഒ​രു​മാ​സ​ത്തി​ന​കം വി​ശ​ദീ​ക​ര​ണം ന​ൽ​ക​ണ​മെ​ന്നാ​യി​രു​ന്നു ലോ​കാ​യു​ക്ത​യു​ടെ നി​ർ​ദേ​ശം. ദു​ര​ന്ത​നി​വാ​ര​ണ നി​യ​മ​പ്ര​കാ​രം കോ​വി​ഡ് 19 ദു​ര​ന്ത​മാ​യി പ്ര​ഖ്യാ​പി​ച്ചി​രു​ന്ന​തി​നാ​ൽ ഇ​തു​മാ​യി ബ​ന്ധ​പ്പെ​ട്ട്​ സ്വീ​ക​രി​ച്ച ന​ട​പ​ടി​ക്കെ​തി​രാ​യ പ​രാ​തി ലോ​കാ​യു​ക്ത അ​നു​വ​ദി​ക്ക​രു​തെ​ന്നാ​യി​രു​ന്നു ഹ​ര​ജി​ക്കാ​രു​ടെ വാ​ദം.

പൊ​തു​മു​ത​ൽ ദു​രു​പ​യോ​ഗം ചെ​യ്യ​പ്പെ​ട്ടെ​ന്ന്​ പ​രാ​തി ഉ​യ​ർ​ന്നാ​ൽ ഏ​തു സാ​ഹ​ച​ര്യ​ത്തി​ലും അ​ന്വേ​ഷി​ക്കാ​ൻ ലോ​കാ​യു​ക്ത​ക്ക്​ അ​ധി​കാ​ര​മു​ണ്ടെ​ന്ന്​ കോ​ട​തി നേ​ര​ത്തേ വ്യ​ക്ത​മാ​ക്കി​യി​രു​ന്നു. ദു​ര​ന്ത​നി​വാ​ര​ണ നി​യ​മ​പ്ര​കാ​രം സ്വീ​ക​രി​ച്ച ന​ട​പ​ടി​ക​ളെ​യ​ല്ല പ​രാ​തി​യി​ൽ ചോ​ദ്യം​ചെ​യ്യു​ന്ന​തെ​ന്നും ഇ​തി​ന്റെ മ​റ​വി​ൽ അ​ഴി​മ​തി ന​ട​ന്നു​വെ​ന്ന ആ​രോ​പ​ണ​മാ​ണ് ഉ​ന്ന​യി​ച്ചി​രി​ക്കു​ന്ന​തെ​ന്നും കോ​ട​തി ചൂ​ണ്ടി​ക്കാ​ട്ടി.

ദു​ര​ന്ത​നി​വാ​ര​ണ നി​യ​മം ലോ​കാ​യു​ക്ത​യു​ടെ അ​ന്വേ​ഷ​ണ​ത്തെ വി​ല​ക്കു​ന്നി​ല്ല. ഉ​യ​ർ​ന്ന വി​ല​യ്​​ക്കാ​ണ് പി.​പി.​ഇ കി​റ്റ​ട​ക്ക​മു​ള്ള​വ വാ​ങ്ങി​യ​തെ​ന്ന പ​രാ​തി​യി​ലെ സ​ത്യം ക​ണ്ടെ​ത്താ​ൻ ലോ​കാ​യു​ക്ത അ​ന്വേ​ഷ​ണം ആ​വ​ശ്യ​മാ​ണ്. പ​രാ​തി തെ​റ്റാ​ണെ​ങ്കി​ൽ അ​ക്കാ​ര്യം ക​ണ്ടെ​ത്താ​നും ലോ​കാ​യു​ക്ത​ക്കാ​കു​മെ​ന്നും വി​ല​യി​രു​ത്തി​യാ​ണ്​ കോ​ട​തി ഹ​ര​ജി ത​ള്ളി​യ​ത്.