പി.ആർ മുതൽ അൻവറും ആർ.എസ്​.എസും വരെ: രേഖ​ തയാർ, മുഖ്യമന്ത്രിക്ക്​ പ്രതിരോധം തീർക്കാർ പാർട്ടി ഇറങ്ങുന്നു

തി​രു​വ​ന​ന്ത​പു​രം: പി.​ആ​ർ വി​വാ​ദ​ത്തി​ലും എ.​ഡി.​ജി.​പി​യു​ടെ ആ​ർ.​എ​സ്.​എ​സ്​ കൂ​ടി​ക്കാ​ഴ്ച​യി​ലു​മ​ട​ക്കം മു​ഖ്യ​മ​ന്ത്രി​യു​ടെ വാ​ദ​ങ്ങ​ൾ​ക്ക്​ പി​ന്തു​ണ ന​ൽ​കി​യും പ്ര​തി​രോ​ധി​ക്കാ​ൻ പാ​ർ​ട്ടി രേ​ഖ ത​യാ​റാ​ക്കി സി.​പി.​എം. മു​ന്ന​ണി​ക്കും സ​ർ​ക്കാ​റി​നു​മെ​തി​രെ അ​തി​രൂ​ക്ഷ പ്ര​ചാ​ര​ണം ന​ട​ക്കു​ന്ന സാ​ഹ​ച​ര്യ​ത്തി​ൽ നി​ല​പാ​ട്​ വി​ശ​ദ​മാ​ക്കി ​ ‘വ​ർ​ത്ത​മാ​ന​കാ​ല രാ​ഷ്ട്രീ​യ​വും പാ​ർ​ട്ടി സ​മീ​പ​ന’​വു​മെ​ന്ന പേ​രി​ൽ രേ​ഖ ത​യാ​റാ​ക്കി​ ത​ഴേ​ത്ത​ട്ടു വ​രെ റി​പ്പോ​ർ​ട്ട്​ ചെ​യ്യാ​ൻ സം​സ്​​ഥാ​ന സ​മി​തി തീ​രു​മാ​നി​ച്ചു.

മ​ത-​വ​ർ​ഗീ​യ രാ​ഷ്​​ട്രീ​യ​ത്തി​നെ​തി​രെ വി​ട്ടു​വീ​ഴ്ച​യി​ല്ലാ​ത്ത സ​മീ​പ​നം മു​ഖ്യ​മ​ന്ത്രി സ്വീ​ക​രി​ക്കു​ന്ന​താ​ണ്​ മു​ന്ന​ണി​ക്കും സ​ർ​ക്കാ​റി​നു​മെ​തി​രാ​യ ക​ട​ന്നാ​ക്ര​മ​ണ​ത്തി​ന്​ കാ​ര​ണ​മെ​ന്നാ​ണ്​ പാ​ർ​ട്ടി വി​ല​യി​രു​ത്ത​ൽ. ഭൂ​രി​പ​ക്ഷ -ന്യൂ​ന​പ​ക്ഷ വ​ർ​ഗീ​യ ശ​ക്​​തി​ക​ൾ ഇ​ക്കാ​ര്യ​ത്തി​ൽ ഒ​രു​പോ​ലെ ആ​വേ​ശം കാ​ട്ടു​ക​യാ​ണ്. കോ​ർ​പ​റേ​റ്റ്​ താ​ൽ​പ​ര്യം കൂ​ടി ചേ​രു​ന്ന​തോ​ടെ ​ ഒ​ന്നാം ക​മ്മ്യൂ​ണി​സ്റ്റ്​ സ​ർ​ക്കാ​റി​നെ​തി​രെ ഉ​ണ്ടാ​യ​തി​ന്​ സ​മാ​ന രീ​തി​യാ​ണ്​ സ​ർ​ക്കാ​റി​നെ​തി​രെ​യു​ള്ള ക​ട​ന്നാ​ക്ര​മ​ണ​ങ്ങ​ൾ. പാ​ർ​ട്ടി​യെ ദു​ർ​ബ​ല​പ്പെ​ടു​ത്തു​ന്ന​തി​ന്​ നേ​തൃ​ത്വ​ത്തെ ക​ട​ന്നാ​ക്ര​മി​ക്കു​ക​യാ​ണ്. ഇ​തി​ന്‍റെ ഭാ​ഗ​മാ​യാ​ണ്​ മു​ഖ്യ​മ​ന്ത്രി​യെ ഉ​ന്നം വെ​ക്കു​ന്ന​ത്.

മ​ത​രാ​ഷ്​​ട്ര​വാ​ദ​ത്തി​നെ​തി​രെ ശ​ക്​​ത​മാ​യ നി​ല​പാ​ടാ​ണ്​ മു​ഖ്യ​മ​ന്ത്രി സ്വീ​ക​രി​ക്കു​ന്ന​ത്. ഈ ​സ​മീ​പ​ന​ങ്ങ​ൾ ​ മ​ത​നി​ര​പേ​ക്ഷ ക​ക്ഷി​ക​ളി​ലും ന്യൂ​ന​പ​ക്ഷ​ങ്ങ​ളി​ലും വ​ലി​യ പി​ന്തു​ണ നേ​ടി​ക്കൊ​ടു​ത്തു. ഇ​ത്​ ത​ക​ർ​ക്കു​ക​യാ​ണ്​ ആ​ർ.​എ​സ്.​എ​സ്​-​എ.​ഡി.​ജി.​പി കൂ​ടി​ക്കാ​ഴ്ച​യു​ടെ പേ​രി​ൽ മു​ഖ്യ​മ​​ന്ത്രി​ക്കും ആ​ർ.​എ​സ്.​എ​സ്​ ബ​ന്ധം ആ​രോ​പി​ക്കു​ന്ന​തി​ലൂ​ടെ ഉ​ന്നം​വെ​ക്കു​ന്ന​തെ​ന്നു രേ​ഖ വ്യ​ക്​​ത​മാ​ക്കും.

മു​സ്​​ലിം​ലീ​ഗി​നെ ഒ​പ്പം കൂ​ട്ടാ​നു​ള​ള മോ​ഹം ഇ​ട​ക്കാ​ല​ത്ത്​ സി.​പി.​എ​മ്മി​നു​ണ്ടാ​യി​രു​ന്നു​വെ​ങ്കി​ലും അ​ത്​ ഉ​പേ​ക്ഷി​ച്ചു​വെ​ന്നാ​ണ്​ ​പു​തി​യ നീ​ക്ക​ങ്ങ​ളി​ൽ​നി​ന്ന്​ വ്യ​ക്​​ത​മാ​കു​ന്ന​ത്. മ​ല​പ്പു​റ​ത്ത്​ ഇ​ടം നേ​ട​ണ​മെ​ങ്കി​ൽ ലീ​ഗി​നെ രാ​ഷ്​​ട്രീ​യ​മാ​യി ത​ക​ർ​ക്ക​ണ​മെ​ന്ന കാ​ർ​ക്ക​ശ്യ​മേ​റി​യ സ​മീ​പ​ന​ത്തി​ലാ​ണ്​ പാ​ർ​ട്ടി ഇ​​പ്പോ​ൾ. പു​തി​യ വി​വാ​ദ​ങ്ങ​ളു​ടെ പ​ശ്ചാ​ത്ത​ല​ത്തി​ൽ മു​സ്​​ലിം​ലീ​ഗി​നെ​യും ജ​മാ​അ​ത്തെ ഇ​സ്​​ലാ​മി​യെ​യും എ​സ്.​ഡി.​പി.​ഐ​യെ​യും ചേ​ർ​ത്തു​കെ​ട്ടി ആ​ക്ര​മി​ക്കാ​നാ​ണ്​ ശ്ര​മം. ‘‘ലീ​ഗും എ​സ്.​ഡി.​പി.​ഐ​യും ജ​മാ​അ​ത്തെ ഇ​സ്​​ലാ​മി​യും ചേ​ർ​ന്ന്​ ന്യൂ​ന​പ​ക്ഷ​ങ്ങ​ൾ​ക്കി​ട​യി​ൽ വ​ർ​ഗീ​യ ധ്രു​വീ​ക​ര​ണ​ത്തി​ന്​ വേ​ണ്ട ശ്ര​മ​ങ്ങ​ളാ​ണ്​ ന​ട​ത്തു​ന്ന​തെ​ന്ന’’ സി.​പി.​എം സം​സ്ഥാ​ന സെ​ക്ര​ട്ട​റി​യു​ടെ പ​രാ​മ​ർ​ശം ഇ​ത്​ അ​ടി​വ​ര​യി​ടു​ന്നു. ‘ ന്യൂ​ന​പ​ക്ഷ വി​ഭാ​ഗ​ങ്ങ​ളെ ജ​നാ​ധി​പ​ത്യ​വ​ത്​​ക​ര​ണ​ത്ത​ത്തി​ന്‍റെ ഭാ​ഗ​മാ​യി കാ​ര്യ​ങ്ങ​ൾ കൈ​കാ​ര്യം ചെ​യ്യു​ന്ന​തി​ന്​ പ്രാ​പ്ത​മാ​ക്കു​ന്ന​തി​ന്​ പ​ക​രം വ​ർ​ഗീ​യ​ത​യി​ലേ​ക്ക്​ ന​യി​ക്കാ​നാ​ണ്​ ഇ​വ​ർ ശ്ര​മി​ക്കു​ന്ന​തെ​ന്ന ഗൗ​ര​വ​മേ​റി​യ ആ​രോ​പ​ണം കൂ​ടി എ.​വി ഗോ​വി​ന്ദ​ൻ ഉ​ന്ന​യി​ച്ചി​ട്ടു​ണ്ട്.

തൃ​ശൂ​ർ പൂ​രം അ​ല​​ങ്കോ​ല​മാ​ക്കാ​ൻ ആ​ർ.​എ​സ്.​എ​സ്​ ഇ​ട​പെ​ട​ലു​ണ്ടാ​യി എ​ന്ന കാ​ര്യം സി.​പി.​എം സ്ഥി​രീ​ക​രി​ക്കു​ന്നു. ആ​ർ.​എ​സ്.​എ​സി​ന്‍റെ രാ​ഷ്ട്രീ​യ താ​ൽ​​പ​ര്യ​മാ​ണ്​ ഇ​തി​ലേ​ക്ക്​ എ​ത്തി​ച്ച​തെ​ന്നാ​ണ്​ പാ​ർ​ട്ടി വി​ല​യി​രു​ത്ത​ൽ. പി.​ശ​ശി​ക്കെ​തി​രെ പ​ര​സ്യ​യു​ദ്ധം പ്ര​ഖ്യാ​പി​ച്ച പി.​വി അ​ൻ​വ​ർ പു​റ​ത്തു​പോ​യ സാ​ഹ​ച​ര്യ​ത്തി​ൽ അ​തി​ലു​ള്ള അ​ന്വേ​ഷ​ണ​വും പാ​ർ​ട്ടി അ​വ​സാ​നി​പ്പി​ച്ചു. പി.​ആ​ർ വി​വാ​ദ​ത്തി​ൽ മു​ഖ്യ​മ​ന്ത്രി​യു​ടെ വാ​ദ​ങ്ങ​ൾ മു​ഖ​​വി​ല​ക്കെ​ടു​ത്തെ​ങ്കി​ലും ഉ​രു​ണ്ടു​ക​ളി​ക്ക​ല​ല്ലാ​തെ കൃ​ത്യ​മാ​യ വി​ശ​ദീ​ക​ര​ണ​ത്തി​ന്​ ഇ​പ്പോ​ഴും പാ​ർ​ട്ടി മു​തി​ർ​ന്നി​ട്ടി​ല്ല.