ഫാഷിസം: നിലപാട്​ വിശദീകരിച്ച്​ പ്രകാശ്​ കാരാട്ട്

കൊ​ല്ലം: ഫാ​ഷി​സ​ത്തി​ൽ സി.​പി.​എം വെ​ള്ളം ചേ​ർ​ക്കു​ന്നെ​ന്ന ആ​രോ​പ​ണ​ത്തി​ന്​ മ​റു​പ​ടി​യു​മാ​യി​ പി.​ബി കോ​ഓ​ഡി​നേ​റ്റ​ർ പ്ര​കാ​ശ്​ കാ​രാ​ട്ട്. പാ​ർ​ട്ടി ഫാ​ഷി​സ​ത്തോ​ട്​ മൃ​ദു​സ​മീ​പ​ന​മാ​ണ്​ സ്വീ​ക​രി​ക്കു​ന്ന​തെ​ന്ന്​ വി.​ഡി. സ​തീ​ശ​ന​ട​ക്ക​മു​ള്ള​ കേ​ര​ള​ത്തി​ലെ കോ​ൺ​ഗ്ര​സ്​ നേ​താ​ക്ക​ൾ ആ​രോ​പി​ക്കാ​ൻ കാ​ര​ണം അ​വ​ർ പാ​ർ​ട്ടി ന​യ​ത്തി​ന്‍റെ ക​ര​ട്​ രേ​ഖ​പോ​ലും വാ​യി​ക്കാ​ത്ത​തി​നാ​ലാ​​ണെ​ന്ന്​ സം​സ്ഥാ​ന സ​മ്മേ​ള​ന​ത്തി​ന്‍റെ ​ഭാ​ഗ​മാ​യ പ്ര​തി​നി​ധി സ​മ്മേ​ള​നം ഉ​ദ്​​ഘാ​ട​നം ചെ​യ്യ​വേ​ അ​ദ്ദേ​ഹം പ​റ​ഞ്ഞു. ഇ​ന്ത്യ​യി​ൽ ഫാ​ഷി​സ്റ്റ്​ പ്ര​വ​ണ​ത​യു​ടെ സ്വ​ഭാ​വം മാ​റി​യെ​ന്നും അ​ത്​ കു​റേ​ക്കൂ​ടി ശ​ക്​​ത​മാ​യി ന​വ ഫാ​ഷി​സ്റ്റ്​ സ്വ​ഭാ​വം കൈ​ക്കൊ​ണ്ടെ​ന്നു​മാ​ണ്​ പാ​ർ​ട്ടി പ​റ​ഞ്ഞ​ത്. ഫാ​ഷി​സ​ത്തി​നെ​തി​രാ​യ ത​ങ്ങ​ളു​ടെ പോ​രാ​ട്ട​ത്തി​ന്​ കേ​ര​ള​ത്തി​ലെ കോ​ൺ​ഗ്ര​സ്​ നേ​താ​ക്ക​ളു​ടെ സ​ർ​ട്ടി​ഫി​ക്ക​റ്റ്​ ആ​വ​ശ്യ​മി​ല്ലെ​ന്നും പ​റ​ഞ്ഞു.

പ്ര​സം​ഗ​ത്തി​ലു​ട​നീ​ളം ബി.​ജെ.​പി​ക്കെ​തി​രെ ആ​ഞ്ഞ​ടി​ച്ച ​കാ​രാ​ട്ട്, കോ​ൺ​ഗ്ര​സി​ന്‍റെ കേ​ന്ദ്ര നേ​തൃ​ത്വ​ത്തെ വി​മ​ർ​ശി​ക്കാ​ത്ത​ത്​ ​ശ്ര​ദ്ധേ​യ​മാ​യി. ഹി​ന്ദു​ത്വ-​കോ​ർ​പ​റേ​റ്റ്​ സ​ഖ്യ​ത്തി​ന്‍റെ ഏ​കീ​ക​ര​ണ​മാ​ണ്​ രാ​ജ്യ​ത്ത്​ കാ​ണു​ന്ന​ത്. ഹി​ന്ദു​ത്വ വ​ർ​ഗീ​യ​ത​യു​ടെ ത​ള്ളി​ക്ക​യ​റ്റം ആ​ക്ര​മോ​ത്​​സു​ക​മാ​യി തു​ട​രു​ക​യാ​ണ്. അ​മേ​രി​ക്ക​ൻ അ​നു​കൂ​ല വി​ദേ​ശ​ന​യം ശ​ക്ത​മാ​ക്കാ​ൻ മോ​ദി സ​ർ​ക്കാ​ർ ദൃ​ഢ​നി​ശ്​​ച​യം ചെ​യ്തി​രി​ക്കു​ക​യാ​ണ്.

ബി​.​ജെ.​പി​യെ​യും ആ​ർ.​എ​സ്.​എ​സി​നെ​യും അ​വ​രെ പി​ന്തു​ണ​ക്കു​ന്ന ഹി​ന്ദു​ത്വ കോ​ർ​പ​റേ​റ്റ്​ കൂ​ട്ടു​കെ​ട്ടി​നെ​യും ചെ​റു​ത്തു​തോ​ൽ​പി​ക്കു​ക എ​ന്ന​താ​വ​ണം​ പ്ര​ധാ​ന ല​ക്ഷ്യം. അ​തി​ന്​ ഇ​ട​ത്​-​ജ​നാ​ധി​പ​ത്യ പാ​ർ​ട്ടി​ക​ളു​ടെ ഐ​ക്യം ​ശ​ക്​​തി​പ്പെ​ടു​ത്ത​ണം. കേ​വ​ല പോ​രാ​ട്ടം​കൊ​ണ്ട്​ ഫാ​ഷി​സ​ത്തെ ചെ​റു​ക്കാ​നാ​വി​ല്ല. സാം​സ്കാ​രി​ക, വി​ദ്യാ​ഭ്യാ​സ മേ​ഖ​ല​ക​ളി​ല​ട​ക്കം ബാ​ധി​ച്ച ഫാ​ഷി​സ​ത്തെ ആ ​രം​ഗ​ത്തും പ്ര​തി​രോ​ധി​ക്ക​ണം. ബ​ദ​ൽ ന​യ​രൂ​പ​വ​ത്​​ക​ര​ണ​ത്തി​ൽ പി​ണ​റാ​യി വി​ജ​യ​നും ഇ​ട​ത് സ​ർ​ക്കാ​റും പ്ര​ശം​സ അ​ർ​ഹി​ക്കു​വെന്നും അ​ദ്ദേ​ഹം കൂ​ട്ടി​ച്ചേ​ർ​ത്തു​.

കൊ​ല്ലം ടൗ​ൺ ഹാ​ളി​ൽ കോ​ടി​യേ​രി ബാ​ല​കൃ​ഷ്ണ​ൻ ന​ഗ​റി​ൽ ന​ട​ക്കു​ന്ന സ​മ്മേ​ള​ന​ത്തി​ൽ 530 പ്ര​തി​നി​ധി​ക​ളാ​ണ് പ​ങ്കെ​ടു​ക്കു​ന്ന​ത്. നേ​ര​ത്തേ സ​മ്മേ​ള​ന ന​ഗ​രി​യി​ൽ കേ​ന്ദ്ര ക​മ്മ​റ്റി അം​ഗം എ.​കെ. ബാ​ല​ൻ പ​താ​ക ഉ​യ​ർ​ത്തി. പ്ര​തി​നി​ധി സ​മ്മേ​ള​ന​ത്തി​ലെ താ​ൽ​ക്കാ​ലി​ക അ​ധ്യ​ക്ഷ​നും എ.​കെ. ബാ​ല​നാ​യി​രു​ന്നു. ടി.​പി. രാ​മ​കൃ​ഷ്ണ​ൻ ര​ക്​​ത​സാ​ക്ഷി പ്ര​മേ​യം അ​വ​ത​രി​പ്പി​ച്ചു.