പൊ​ന്ന​മ്പ​ല​മേ​ട്ടി​ൽ  ക്ഷേ​ത്രം നി​ർ​മി​ക്കു​മെ​ന്ന്​  പ​റ​ഞ്ഞി​ട്ടി​ല്ലെ​ന്ന്​ പ്ര​യാ​ർ

പത്തനംതിട്ട: പൊന്നമ്പലമേട്ടിൽ ക്ഷേത്രം നിർമിക്കുമെന്ന് താൻ പറഞ്ഞിട്ടില്ലെന്ന് തിരുവിതാംകൂർ ദേവസ്വംബോർഡ് പ്രസിഡൻറ് പ്രയാർ ഗോപാലകൃഷ്ണൻ വാർത്തസമ്മേളനത്തിൽ പറഞ്ഞു. കേന്ദ്രസർക്കാറിനോട് ഒരു ഏക്കർ സ്ഥലം വേണമെന്ന് ആവശ്യപ്പെട്ടിട്ടുണ്ട്. ഇതിനായി അപേക്ഷയും കൊടുത്തു.

സംസ്ഥാന സർക്കാറി​െൻറ അനുമതിയും ഇക്കാര്യത്തിൽ വേണം. പൊന്നമ്പലമേട് ദേവസ്വം ബോർഡി​െൻറ അധീനതയിലുള്ളതാണെന്ന് ദേവപ്രശ്നങ്ങളിലും തെളിഞ്ഞിട്ടുണ്ട്. ദേവസ്വം ബോർഡിൽ അഴിമതി നടന്നിട്ടുണ്ടെന്നാണ് ചില സംഘടനകൾ പറയുന്നത്. ഇക്കാര്യത്തിൽ വിജിലൻസ് അന്വേഷണത്തെ സ്വാഗതംചെയ്യുന്നതായും പ്രസിഡൻറ് പറഞ്ഞു. 

ദേവസ്വം ബോർഡ് ക്ഷേത്രങ്ങളിലെ വഴിപാട് ഏകീകരണത്തിന് പരിഹാരം കാണണം. മഹാക്ഷേത്രങ്ങളിലെ പൂജാരിമാരെ നറുക്കിെട്ടടുക്കും. കുന്നാർ ഡാമി​െൻറ ഉയരം കൂട്ടാമെന്ന് ദേവസ്വം ബോർഡ് ആവശ്യപ്പെടാതെ തന്നെ മുമ്പ് കേന്ദ്രം തീരുമാനിച്ചതാണ്. എന്നാൽ, ആ തീരുമാനത്തിന് ഇപ്പോൾ മാറ്റമുണ്ടായി. നാലുകോടിയോളം രൂപ ശുദ്ധജലത്തിന് മാത്രമായി ജല അതോറിറ്റിക്ക് നൽകുന്നുണ്ട്. കുന്നാറിലെ ശുദ്ധജലം സന്നിധാനത്ത് മാത്രമല്ല പമ്പയിലും എത്താൻ കഴിയുംവിധം പദ്ധതി തയാറാക്കണമെന്നും പ്രയാർ ഗോപാലകൃഷ്ണൻ പറഞ്ഞു.