മഴക്കാലപൂർവ ശുചീകരണ പ്രവർത്തനങ്ങൾ ഏപ്രിൽ ഒന്നിന്​ തുടങ്ങും

തി​രു​വ​ന​ന്ത​പു​രം: മ​ഴ​ക്കാ​ല​പൂ​ർ​വ ശു​ചീ​ക​ര​ണ പ്ര​വ​ർ​ത്ത​ന​ങ്ങ​ൾ ഏ​പ്രി​ൽ ഒ​ന്നി​ന് ആ​രം​ഭി​ക്കും. വി​വി​ധ വ​കു​പ്പു​ക​ളു​ടെ ഏ​കോ​പി​ത പ്ര​വ​ർ​ത്ത​ന​ങ്ങ​ൾ ഉ​റ​പ്പാ​ക്കാ​ൻ ഉ​ന്ന​ത​ത​ല യോ​ഗ​ത്തി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ നി​ർ​ദേ​ശി​ച്ചു. വീ​ടു​ക​ളി​ലും ഓ​ഫി​സു​ക​ളി​ലും ഉ​ൾ​പ്പെ​ടെ ശു​ചീ​ക​ര​ണ പ്ര​വ​ർ​ത്ത​ന​ങ്ങ​ൾ ജ​ന​പ​ങ്കാ​ളി​ത്ത​ത്തോ​ടെ ന​ട​ത്ത​ണം. വൃ​ത്തി​യാ​ക്കാ​ൻ നി​ശ്ച​യി​ച്ച ഇ​ട​ങ്ങ​ൾ, മാ​ലി​ന്യ​ക്കൂ​ന​ക​ൾ, ക​വ​ല​ക​ൾ, ചെ​റു​പ​ട്ട​ണ​ങ്ങ​ൾ, പൊ​തു​ഇ​ട​ങ്ങ​ൾ, അ​പ്പാ​ർ​ട്മെ​ന്റ് കോം​പ്ല​ക്‌​സു​ക​ൾ, വ്യാ​പാ​ര കേ​ന്ദ്ര​ങ്ങ​ൾ, ഷോ​പി​ങ്​ കോം​പ്ല​ക്‌​സു​ക​ൾ, ച​ന്ത​ക​ൾ, ക​മ്യൂ​ണി​റ്റി ഹാ​ൾ, വി​വാ​ഹ മ​ണ്ഡ​പ​ങ്ങ​ൾ, ഓ​ഫി​സു​ക​ൾ, വി​ദ്യാ​ഭ്യാ​സ സ്ഥാ​പ​ന​ങ്ങ​ളു​ടെ കാ​മ്പ​സു​ക​ൾ മു​ത​ലാ​യ​വ വൃ​ത്തി​യാ​ക്കി വ​ലി​ച്ചെ​റി​യ​ൽ​മു​ക്ത ഇ​ട​ങ്ങ​ളാ​യി പ്ര​ഖ്യാ​പി​ക്ക​ണം. ത​ദ്ദേ​ശ സ്ഥാ​പ​ന​ങ്ങ​ളു​ടെ നേ​തൃ​ത്വ​ത്തി​ൽ ഇ​ക്കാ​ര്യം ചെ​യ്യ​ണം. മു​ഴു​വ​ൻ വീ​ടു​ക​ളി​ലും സ്ഥാ​പ​ന​ങ്ങ​ളി​ലും ജൈ​വ​മാ​ലി​ന്യം ഉ​റ​വി​ട​ത്തി​ൽ സം​സ്‌​ക​രി​ക്കാ​ൻ ക്ര​മീ​ക​ര​ണം ഏ​ർ​പ്പെ​ടു​ത്ത​ണ​മെ​ന്നും മു​ഖ്യ​മ​ന്ത്രി നി​ർ​ദേ​ശി​ച്ചു.

കൊ​തു​ക് നി​വാ​ര​ണ​ത്തി​ന്റെ ഭാ​ഗ​മാ​യി ഞാ​യ​റാ​ഴ്ച​ക​ളി​ൽ വീ​ടു​ക​ളി​ലും വെ​ള്ളി​യാ​ഴ്ച​ക​ളി​ൽ സ്ഥാ​പ​ന​ങ്ങ​ളി​ലും തൊ​ഴി​ലി​ട​ങ്ങ​ളി​ലും ഡ്രൈ ​ഡേ ആ​ച​രി​ക്ക​ണം. മു​ഴു​വ​ൻ ഓ​ട​ക​ളും വൃ​ത്തി​യാ​ക്ക​ണം. മ​ലി​ന​മാ​യി​ക്കി​ട​ക്കു​ന്ന നീ​ർ​ച്ചാ​ലു​ക​ൾ, തോ​ടു​ക​ൾ, കു​ള​ങ്ങ​ൾ, ഓ​ട​ക​ൾ എ​ന്നി​വ​യു​ടെ പ​ട്ടി​ക ത​യാ​റാ​ക്കി പ്ര​വ​ർ​ത്ത​ന​ങ്ങ​ൾ ആ​സൂ​ത്ര​ണം ചെ​യ്യ​ണം. പു​ഴ​ക​ളി​ലെ​യും ന​ദി​ക​ളി​ലെ​യും ച​ളി​യും എ​ക്ക​ലും നീ​ക്കം ചെ​യ്യ​ണം. വൃ​ത്തി​യാ​ക്കി​യ ശേ​ഷ​മു​ള്ള മ​ണ​ലും ച​ളി​യും നി​ക്ഷേ​പി​ക്കാ​നു​ള്ള സൗ​ക​ര്യം പ്രാ​ദേ​ശി​ക​മാ​യി മു​ൻ​കൂ​ട്ടി ത​യാ​റാ​ക്ക​ണം. അ​പ​ക​ട​സാ​ധ്യ​ത​യു​ള്ള മ​ര​ച്ചി​ല്ല​ക​ൾ വെ​ട്ടി മ​ര​ങ്ങ​ൾ കോ​തി​യൊ​തു​ക്കു​ന്ന പ്ര​വൃ​ത്തി ത​ദ്ദേ​ശ സ്ഥാ​പ​ന​ങ്ങ​ൾ സ​മ​യ​ബ​ന്ധി​ത​മാ​യി പൂ​ർ​ത്തീ​ക​രി​ക്ക​ണം.വൈ​ദ്യു​തി ലൈ​നു​ക​ളു​ടെ​യും പോ​സ്റ്റു​ക​ളു​ടെ​യും സു​ര​ക്ഷാ പ​രി​ശോ​ധ​ന കെ.​എ​സ്.​ഇ.​ബി ന​ട​ത്ത​ണം. ഇ​തി​ന് സ​മ​യ​ക്ര​മം നി​ശ്ച​യി​ച്ച് ചു​മ​ത​ല ന​ൽ​ക​ണം. ക​ൺ​ട്രോ​ൾ റൂ​മു​ക​ൾ ആ​രം​ഭി​ക്കാ​നും മു​ഖ്യ​മ​ന്ത്രി നി​ർ​ദേ​ശി​ച്ചു.

എ​ല്ലാ ജി​ല്ല​ക​ളി​ലും ചു​മ​ത​ല​യു​ള്ള മ​ന്ത്രി​മാ​രു​ടെ നേ​തൃ​ത്വ​ത്തി​ൽ പ്ര​തി​മാ​സ മ​ഴ​ക്കാ​ല മു​ന്നൊ​രു​ക്ക അ​വ​ലോ​ക​ന​യോ​ഗം ചേ​രും. മ​ന്ത്രി​മാ​രാ​യ പി. ​രാ​ജീ​വ്, പി.​എ. മു​ഹ​മ്മ​ദ് റി​യാ​സ്, റോ​ഷി അ​ഗ​സ്റ്റി​ൻ, എം.​ബി. രാ​ജേ​ഷ്, വീ​ണാ ജോ​ർ​ജ്, അ​ഡീ. ചീ​ഫ് സെ​ക്ര​ട്ട​റി​മാ​രാ​യ ഡോ.​വി. വേ​ണു, ശാ​ര​ദാ മു​ര​ളീ​ധ​ര​ൻ, വ​കു​പ്പു മേ​ധാ​വി​ക​ൾ, ജി​ല്ല ക​ല​ക്ട​ർ​മാ​ർ തു​ട​ങ്ങി​യ​വ​ർ പ​ങ്കെ​ടു​ത്തു.