കേരള പൊലീസിലെ 10 പേർക്ക്​ രാഷ്​ട്രപതി പുരസ്​കാരം; ഹർഷിത അട്ടല്ലൂരിക്ക്​ സ്‌തുത്യര്‍ഹ സേവനത്തിനുള്ള മെഡൽ

ന്യൂഡൽഹി: റിപ്പബ്ലിക് ദിനാഘോഷത്തി​െൻറ ഭാഗമായുള്ള പൊലീസ് മെഡലുകൾ കേരള പൊലീസിലെ 10 പേർക്ക് ലഭിച്ചു. ഇൻറലിജൻസ് എ.ഡി.ജി.പി ടി.കെ വിനോദ് കുമാർ വിശിഷ്​ട സേവനത്തിനുള്ള രാഷ്​ട്രപതിയുടെ പൊലീസ് മെഡലിന് അർഹനായി. സ്‌തുത്യര്‍ഹ സേവനത്തിനുള്ള പൊലീസ് മെഡൽ ദക്ഷിണമേഖല ഐ.ജി ഹർഷിത അട്ടല്ലൂരി, തിരുവനന്തപുരം പൊലീസ് ട്രെയ്‌നിങ്​ കോളേജ് എസ്.പി കെ.എൽ ജോണിക്കുട്ടി, പട്ടം കെ.പി.എസ്.സി വിജിലൻസ് എസ്.പി എൻ.രാജേഷ്, എം.എസ്.പി മലപ്പുറം ഡെപ്യൂട്ടി കമാൻഡൻറ് ബി. അജിത്കുമാർ, കോഴിക്കോട് അഡിഷണൽ ഡെപ്യൂട്ടി കമീഷണർ കെ.പി അബ്​ദുൽ റസാഖ്, കാസർകോട് സ്പെഷൽ‌ മൊബൈൽ സ്ക്വാഡ് പൊലീസ് സ്​റ്റേഷൻ ഡെപ്യൂട്ടി സൂപ്രണ്ട് കെ. ഹരീഷ് ചന്ദ്ര നായ്‌ക്, കരുനാഗപ്പള്ളി എസ്.ഐ, എസ്. മഞ്​ജുലാൽ, വൈക്കം എസ്.ഐ (ജി.ആർ),കെ.നാസർ, മലപ്പുറം സീനിയർ പൊലീസ് ഓഫീസർ കെ.വത്സല എന്നിവർക്ക് ലഭിച്ചു.

സി.ബി.ഐയിൽ മെഡൽ നേടിയവർ

സി.ബി.ഐയിൽ സ്തുത്യർഹ്യത്ത ിനുള്ള മെഡൽ കൊച്ചി യൂനിറ്റിലെ ഡിവൈ.എസ്.പി ദേവരാജ് വക്കട, ഹെഡ്കോൺസ്​റ്റബിൾ പ്രസാദ് തങ്കപ്പൻ, ബാംഗ്ലൂർ യൂനിറ്റിലെ ഹെഡ്‌കോൺസ്​റ്റബിൾ കെ.കെ ശശി, ഗാസിയാബാദ്​ യൂനിറ്റിലെ ഹെഡ്‌കോൺസ്​റ്റബിൾ എ. ദാമോദരൻ എന്നിവർക്കും വിശിഷ്​ട സേവനത്തിനുള്ള രാഷ്​ട്രപതിയുടെ പൊലീസ് മെഡലിന് ഹിമാചൽ പ്രദേശ് ഷിംലയിലെ സി.ഐ.ഡി എ.ഡി.ജി.പി എൻ.വേണുഗോപാലും അർഹരായി.

സി.ആർ.പി.എഫ്​ ,ബി.എസ്​.എഫ്​, എൻ.ഐ.എ

സി.ആർ.പി.എഫിൽ രാജസ്​ഥാനിലെ മൗണ്ട്​ അബുവിൽ ഡെപ്യൂട്ടി എസ്.ഐ ആയ കെ.തോമസ് ജോബിന്​ വിശിഷ്​ട സേവനത്തിനുള്ള പുരസ്​കാരം ലഭിച്ചു, ഡൽഹി പൊലീസിലെ എസ്.ഐ കെ.സന്ദേശ് ധീരതക്കുള്ള പൊലീസ് മെഡലിന്​ അർഹനായി. സ്തുത്യർഹ സേവനത്തിനുള്ള പൊലീസ് മെഡലിന് ചെന്നൈ സ്‌പെഷൽ ബ്രാഞ്ചിലെ ആർ. കരുണാകരൻ, ബി.എസ്.എഫിൽ ബാംഗ്ലൂർ എസ്.ഐ കെ.എൻ. കേശവൻകുട്ടി നായർ, ആഭ്യന്തരമന്ത്രാലയത്തിൽ സുനിൽകുമാർ നാരായണൻ ( തിരുവനന്തപുരം), എൻ.ഐ.എയിൽ പി.കെ ഉത്തമൻ (ഡൽഹി), റെയിൽവെയിൽ സീനിയർ ഡിവിഷണൽ സെക്യൂരിറ്റി കമീഷണർ കെ.കെ അഷ്‌റഫ് (മും​ൈബ), ഹോംഗാർഡ് ആൻഡ് സിവിൽ ഡിഫൻസ് വിഭാഗത്തിൽ മെഡൽ ആൻഡമാൻ നിക്കോബാറിൽ സേവനം ചെയ്യുന്ന അന്നക്കുട്ടി തോമസ് എന്നിവർക്കും ലഭിച്ചു.

ജയിൽ ഉദ്യോഗസ്ഥർക്കുള്ള പുരസ്​കാരം അഞ്ചു പേർക്ക്​

ന്യൂഡൽഹി: റിപ്പബ്ലിക് ദിനം പ്രമാണിച്ച് ജയിൽ ഉദ്യോഗസ്ഥർക്കുള്ള രാഷ്​ട്രപതിയുടെ മെഡലുകൾക്ക് കേരളത്തിൽനിന്ന് അഞ്ചുപേർ അർഹരായി. ജെ. സജികുമാർ (അസി. സൂപ്രണ്ട് ഗ്രേഡ് 2), എം.വി. തോമസ് (ഡെപ്യൂട്ടി സൂപ്രണ്ട്) എന്നിവർക്ക് വിശിഷ്​ട സേവനത്തിനുള്ള മെഡൽ ലഭിച്ചു. മധ്യമേഖല ജയിൽ ഡി.ഐ.ജി സാം തങ്കയ്യൻ, അസി.​ സൂപ്രണ്ട് (ഗ്രേഡ് 2) കെ. ആൻറണി, ഡെപ്യൂട്ടി സൂപ്രണ്ട് ടി.കെ. ജനാർദനൻ നമ്പ്യാർ എന്നിവർ സ്തുത്യർഹ സേവന മെഡലിനും അർഹരായി.

ഫയർ സർവിസിൽ പുരസ്​കാരം മൂന്നുപേർക്ക്​

ന്യൂഡൽഹി: ഫയർ സർവിസ് മെഡലുകൾക്ക് കേരളത്തിൽനിന്നു മൂന്ന് ഉദ്യോഗസ്ഥർ അർഹരായി. വിശിഷ്​ട സേവന മെഡൽ അസിസ്​റ്റൻറ്​ സ്‌റ്റേഷൻ ഓഫിസർ ടി.എ. ജോർജിനും സ്തുത്യർഹ സേവന മെഡൽ റീജനൽ ഫയർ ഓഫിസർ കെ. അബ്​ദുൽ റഷീദ്, സീനിയർ ഫയർ ആൻഡ് റസ്‌ക്യൂ ഓഫിസർ പി. നാസർ എന്നിവർക്കും ലഭിച്ചു.

ധീരതക്കുള്ള പുരസ്‌കാരം അഞ്ചു മലയാളികള്‍ക്ക്

ന്യൂഡല്‍ഹി: രാഷ്​ട്രപതിയുടെ ധീരതക്കുള്ള ബഹുമതി അഞ്ചു മലയാളികള്‍ക്ക്. മുഹമ്മദ്​ മുഹ്​സിൻ​ മരണാനന്തര ബഹുമതിയായി സർവോത്തം ജീവന്‍ രക്ഷാ പതക് പുരസ്​കാരത്തിന്​ അര്‍ഹനായി. അരുൺ തോമസ്​, റോജിൻ റോബേർട്ട്​, ഷിജു പി. ഗോപി, എസ്​.വി. ജോസ്​ എന്നിവർ ജീവൻ രക്ഷാ പതക് ​ബഹുമതിക്കും അർഹരായി.

മരണാനന്തര ബഹുമതിയായി ധീരതക്കുള്ള രാഷ്​ട്രപപതിയുടെ പൊലീസ് മെഡൽ

പുൽവാമ ഭീകരാക്രമണം തടയുന്നതിനിടെ വീരമൃത്യുവരിച്ച സി.ആർ.പി.എഫ് എ.എസ്.ഐ മോഹൻലാലിനും മാവോയിസ്​റ്റ്​ ആക്രമണത്തിനിടെ വീരമൃത്യുവരിച്ച ജാർഖണ്ഡിലെ എ.എസ്.ഐ ബനുവ ഉറാവിനുമാണ്​ മരണാനന്തരബഹുമതിയായി ധീരതക്കുള്ള രാഷ്​ട്രപപതിയുടെ പൊലീസ് മെഡൽ ലഭിച്ചത്​.