പ്രധാനമന്ത്രിയുടെ സുരക്ഷ പദ്ധതി ചോർച്ച: പ്രതിയില്ലാതെ പൊലീസ്​ കേസെടുത്തു ​

തി​രു​വ​ന​ന്ത​പു​രം: പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ കേ​ര​ള സ​ന്ദ​ർ​ശ​ന​ത്തി​ന്റെ സു​ര​ക്ഷാ​പ​ദ്ധ​തി ചോ​ർ​ന്ന സം​ഭ​വ​ത്തി​ൽ കേ​സെ​ടു​ത്തു. തി​രു​വ​ന​ന്ത​പു​രം ക​ന്റോ​ൺ​മെ​ന്റ് പൊ​ലീ​സ്​ ര​ജി​സ്റ്റ​ർ ചെ​യ്ത കേ​സി​ൽ ആ​രെ​യും പ്ര​തി ചേ​ർ​ത്തി​ട്ടി​ല്ല. ഒ​ഫി​ഷ്യ​ൽ സീ​ക്ര​ട്ട് ആ​ക്ട് സെ​ക്‌​ഷ​ൻ (5) (ഔ​ദ്യോ​ഗി​ക ര​ഹ​സ്യ​നി​യ​മം) പ്ര​കാ​ര​മാ​ണ് കേ​സ്. പൊ​ലീ​സ് മേ​ധാ​വി​യു​ടെ നി​ർ​ദേ​ശ​പ്ര​കാ​ര​മാ​ണ്​ ന​ട​പ​ടി. സെ​ക്ര​ട്ടേ​റി​യ​റ്റി​ൽ നി​ന്നാ​കാം റി​പ്പോ​ർ​ട്ട്​ ചോ​ർ​ന്ന​തെ​ന്ന നി​ഗ​മ​ന​ത്തി​ലാ​ണ്​ ക​ന്‍റോ​ൺ​മെ​ന്‍റ്​ പൊ​ലീ​സ്​ കേ​സെ​ടു​ത്ത​ത്. എങ്കി​ലും മൊ​ഴി രേ​ഖ​പ്പെ​ടു​ത്താ​നോ വി​വ​ര​ം ശേ​ഖ​രി​ക്കാ​നോ ആ​രെ​യും വി​ളി​പ്പി​ച്ചി​ട്ടി​ല്ല. സു​ര​ക്ഷ പദ്ധതി ചോ​ർ​ച്ച​യി​ൽ കേ​ന്ദ്ര ഇ​ന്റ​ലി​ജ​ൻ​സ് ബ്യൂ​റോ പ്രാ​ഥ​മി​ക റി​പ്പോ​ർ​ട്ട് കേ​ന്ദ്ര ആ​ഭ്യ​ന്ത​ര മ​ന്ത്രാ​ല​യ​ത്തി​ന് കൈ​മാ​റി​യി​ട്ടു​ണ്ട്. വി.​വി.​ഐ.​പി​ക​ളു​ടെ സു​ര​ക്ഷ​യു​മാ​യി ബ​ന്ധ​പ്പെ​ട്ട ര​ഹ​സ്യ​ങ്ങ​ൾ ചോ​ർ​ത്തു​ന്ന​ത് മൂ​ന്നു​വ​ർ​ഷം ത​ട​വും പി​ഴ​യും ല​ഭി​ക്കാ​വു​ന്ന കു​റ്റ​മാ​ണ്.

പ്ര​ധാ​ന​മ​ന്ത്രി​ക്കു​ള്ള സു​ര​ക്ഷാ ക്ര​മീ​ക​ര​ണ​വും ഉ​ദ്യോ​ഗ​സ്ഥ വി​ന്യാ​സ​വും വി​ശ​ദീ​ക​രി​ച്ച് പൊ​ലീ​സ് ഇ​ന്റ​ലി​ജ​ൻ​സ് മേ​ധാ​വി ടി.​കെ. വി​നോ​ദ്​​കു​മാ​ർ ത​യാ​റാ​ക്കി​യ 49 പേ​ജ് റി​പ്പോ​ർ​ട്ടാ​ണ് ചോ​ർ​ന്ന​ത്. 43 പൊ​ലീ​സ്​ ഉ​ദ്യോ​ഗ​സ്ഥ​ർ​ക്കാ​ണ്​ ഈ ​റി​പ്പോ​ർ​ട്ട്​ കൈ​മാ​റി​യത്. ​ഇ​ന്റ​ലി​ജ​ൻ​സ് മേ​ധാ​വി ത​യാ​റാ​ക്കി​യ റി​പ്പോ​ർ​ട്ടി​ൽ പ്ര​ധാ​ന​മ​ന്ത്രി പോ​കു​ന്ന വ​ഴി​ക​ൾ, വി​ശ്ര​മ സ്ഥ​ല​ങ്ങ​ൾ, സു​ര​ക്ഷ ചു​മ​ത​ല​യു​ള്ള ഉ​ദ്യോ​ഗ​സ്ഥ​രു​ടെ പേ​രു​ക​ൾ, ഭ​ക്ഷ​ണ പ​രി​ശോ​ധനക്ക് ചു​മ​ത​ല​പ്പെ​ട്ട​വ​രു​ടെ വി​വ​ര​ങ്ങ​ൾ തു​ട​ങ്ങി​യ​വ​യു​ണ്ടാ​യി​രു​ന്നു. പ്ര​ധാ​ന​മ​ന്ത്രി​ക്കു​നേ​രെ ചാ​വേ​ർ ആ​ക്ര​മ​ണ​മു​ണ്ടാ​കു​മെ​ന്ന ഭീ​ഷ​ണി​ക്ക​ത്തി​ന്റെ വി​വ​ര​ങ്ങ​ളും മ​റ്റ്​ സു​ര​ക്ഷാ മു​ന്ന​റി​യി​പ്പു​ം റി​പ്പോ​ർ​ട്ടി​ൽ ഉ​ൾ​പ്പെ​ടു​ത്തി​യി​രു​ന്നു.

അ​തി​നി​ടെ, സു​ര​ക്ഷാ പ​ദ്ധ​തി സ​ന്ദേ​ശം വാ​ട്സ്​​ആ​പ് വ​ഴി പു​റ​ത്തു​കൊ​ടു​ത്തെ​ന്ന്​ സം​ശ​യി​ക്കു​ന്ന ഉ​ദ്യോ​ഗ​സ്ഥ​നെ ക​ണ്ടെ​ത്തി നി​രീ​ക്ഷ​ണ​ത്തി​ലാ​ക്കി​യെ​ന്ന് വി​വ​ര​മു​ണ്ട്​. ഡി​വൈ.​എ​സ്.​പി​ ഓ​ഫി​സി​ലെ സി​വി​ൽ പൊ​ലീ​സ് ഓ​ഫി​സ​റാ​ണ്​ അത്. ഈ ​ഉ​ദ്യോ​ഗ​സ്ഥ​നെ​തി​രെ കേ​സെ​ടു​ക്കു​ന്ന​തി​ന്​ ഉ​ന്ന​ത​ത​ല​ തീ​രു​മാ​ന​മെ​ടു​ത്തി​ട്ടു​ണ്ട്. ഒ​രു ഉ​ന്ന​ത പൊ​ലീ​സ്​ ഉ​ദ്യോ​ഗ​സ്ഥ​ൻ ഡി​വൈ.​എ​സ്.​പി​യെ ഉ​പ​യോ​ഗി​ച്ച്​​ റി​പ്പോ​ർ​ട്ട്​ ചോ​ർ​ത്തിയെ​ന്ന ആ​ക്ഷേ​പ​വും ശ​ക്ത​മാ​ണ്.