സ്വകാര്യ ബസ്​ സമരം പിൻവലിച്ചു

തൃശൂർ: ബസ്​ ചാർജ്​​ വർധന ആവശ്യപ്പെട്ട്​ സ്വകാര്യ ബസുടമകൾ നവംബർ ഒന്ന്​ മുതൽ പ്രഖ്യാപിച്ച പണിമുടക്ക് പിൻവലിച്ചു. തൃശൂരിൽ മന്ത്രി എ.കെ. ശശീന്ദ്രനുമായി നടന്ന ചർച്ചയെ തുടർന്നാണ് പണിമുടക്ക് പിൻവലിക്കാനുള്ള തീരുമാനം.

നികുതിയിളവ്, കാലാവധി 20 വർഷമായി ദീർഘിപ്പിക്കുക എന്നിവയടക്കം ഇരുപതിലധികം ആവശ്യങ്ങൾ വേറെയും ഉന്നയിച്ചിരുന്നു. ബസ് വ്യവസായത്തിലെ പ്രതിസന്ധി പഠിക്കാൻ ജസ്​റ്റിസ് രാമചന്ദ്രൻ കമീഷനെ നിയമിച്ചതായും ആവശ്യങ്ങളിൽ ഉടൻ പരിഹാരമുണ്ടാകുമെന്നും മന്ത്രി എ.കെ. ശശീന്ദ്രൻ അറിയിച്ചു. ഒരു മാസത്തിനകം റിപ്പോർട്ട് നൽകാനാണ് നിർദേശിച്ചിട്ടുള്ളത്.

ആവശ്യങ്ങൾ അനുഭാവപൂർവം പരിഗണിക്കാമെന്ന് മന്ത്രി അറിയിക്കുകയും നിരക്ക് വർധന അടക്ക​ം ബസ് വ്യവസായത്തിലെ പ്രതിസന്ധി പഠിക്കാൻ കമീഷനെ നിയമിക്കുകയും ​െചയ്​ത സാഹചര്യത്തിൽ പണിമുടക്കിൽ നിന്നും പിൻമാറുന്നതായി ബസ്​ ഉടമകൾ മാധ്യമങ്ങളെ അറിയിച്ചു. ഉച്ചക്ക് രാമനിലയത്തിൽ വെച്ചായിരുന്നു ബസ് ഉടമ സംഘടനകളുമായുള്ള മന്ത്രിയുടെ ചർച്ച. ട്രാൻസ്പോർട്ട് കമീഷണർ കെ. പത്മകുമാറും മന്ത്രിക്കൊപ്പമുണ്ടായിരുന്നു.