സ്വകാര്യ സർവകലാശാല; മുന്നണിയിൽ പച്ചക്കൊടി, മ​ന്ത്രിസഭയിൽ വിയോജിപ്പ്

തി​രു​വ​ന​ന്ത​പു​രം: സ്വ​കാ​ര്യ സ​ർ​വ​ക​ലാ​ശാ​ല​യു​മാ​യി ബ​ന്ധ​പ്പെ​ട്ട്​ മു​ന്ന​ണി​യോ​ഗ​ത്തി​ൽ നി​ശ്ശ​ബ്​​ദ നി​ല​പാ​ട്​ സ്വീ​ക​രി​ച്ച സി.​പി.​ഐ, മ​ന്ത്രി​സ​ഭ യോ​ഗ​ത്തി​ൽ വി​യോ​ജി​ച്ച​തി​ന്​ പി​ന്നി​ൽ വി​ഷ​യ​ത്തി​ന്‍റെ ഗൗ​ര​വ​വും ഒ​പ്പം ബ്രൂ​വ​റി-​കി​ഫ്​​ബി നി​ല​പാ​ടി​ലേ​റ്റ പൊ​ള്ള​ലു​ക​ളും. ഇ​ട​തു​ന​യ​ത്തി​ന്​ വി​രു​ദ്ധ​മാ​യ തീ​രു​മാ​ന​ങ്ങ​ൾ ആ​വ​ർ​ത്തി​ക്കു​ന്ന​തി​ൽ സി.​പി.​​​ഐ അ​സ്വ​സ്ഥ​മാ​ണ്. ​​

ബ്രൂ​വ​റി വി​ഷ​യ​ത്തി​ലെ ന​യ​പ​ര​മാ​യ പ്ര​ത്യാ​ഘാ​ത​ങ്ങ​ൾ തി​രി​ച്ച​റി​യാ​നോ ത​ട​യാ​നോ ക​ഴി​യാ​ത്ത​തി​​​ന്‍റെ പേ​രി​ൽ വ​ലി​യ തോ​തി​ൽ പ​ഴി​കേ​ൾ​ക്കേ​ണ്ടി വ​ന്നു. കി​ഫ്​​ബി റോ​ഡു​ക​ളി​ലെ ചു​ങ്ക​പ്പി​രി​വ്​ വ​ലി​യ പ്ര​തി​ഷേ​ധ​ങ്ങ​ൾ​ക്കി​ട​യാ​ക്കു​മ്പോ​ഴും എ​ൽ.​ഡി.​എ​ഫ്​ യോ​ഗം പ​രി​ഗ​ണി​ച്ച​താ​ണെ​ന്ന മു​ന്ന​ണി ക​ൺ​വീ​ന​റു​ടെ സ്ഥി​രീ​ക​ര​ണ​ത്തോ​ടെ, സി.​പി.​ഐ​യും ​പ​ങ്കാ​ളി​യാ​ക്ക​പ്പെ​ട്ടു.

മാ​സ​ങ്ങ​ൾ​ക്കു​മു​മ്പാ​ണ്​ സ്വ​കാ​ര്യ സ​ർ​വ​ക​ലാ​ശാ​ല​ക​ൾ​ക്ക്​ അ​നു​മ​തി ന​ൽ​കു​ന്ന വി​ഷ​യം എ​ൽ.​ഡി.​എ​ഫ്​ യോ​ഗ​ത്തി​ന്‍റെ ​പ​രി​ഗ​ണ​ന​ക്കെ​ത്തി​യ​ത്. അ​ന്ന്​ ഘ​ട​ക​ക​ക്ഷി​ക​ളി​ൽ ആ​ർ.​ജെ.​ഡി മാ​ത്ര​മാ​ണ്​ വി​യോ​ജി​പ്പു​ന്ന​യി​ച്ച​ത്. മു​ഖ്യ​മ​ന്ത്രി​യു​ടെ സാ​ന്നി​ധ്യ​ത്തി​ലാ​യി​രു​ന്നു ആ​ർ.​ജെ.​ഡി 20 മി​നി​റ്റോ​ളം പ്ര​ത്യാ​ഘാ​ത​ങ്ങ​ൾ ചൂ​ണ്ടി​ക്കാ​ട്ടി​യ​ത്. അ​തേ​സ​മ​യം, സി.​പി.​ഐ​യു​ടെ ഭാ​ഗ​ത്തു​നി​ന്ന്​ അ​ന്ന്​ കാ​ര്യ​മാ​യ എ​തി​ർ​പ്പൊ​ന്നു​മു​ണ്ടാ​യി​ല്ല. യോ​ഗ​ത്തി​ൽ ഭൂ​രി​പ​ക്ഷ അം​ഗ​ങ്ങ​ളും എ​തി​ർ​ക്കാ​ത്ത സാ​ഹ​ച​ര്യ​ത്തി​ൽ സ്വ​കാ​ര്യ സ​ർ​വ​ക​ലാ​ശാ​ല​ക​ളു​മാ​യി മു​ന്നോ​ട്ടു​പോ​കാ​ൻ ഇ​ട​തു​മു​ന്ന​ണി യോ​ഗം പ​ച്ച​ക്കൊ​ടി കാ​ട്ടു​ക​യാ​യി​രു​ന്നു.

സ്വ​കാ​ര്യ സ​ർ​വ​ക​ലാ​ശാ​ല​യു​മാ​യി ബ​ന്ധ​പ്പെ​ട്ട്​ മ​ന്ത്രി​സ​ഭ​യോ​ഗ​ത്തി​ൽ സി.​പി.​ഐ ഉ​ന്ന​യി​ച്ച അ​തേ ആ​ശ​ങ്ക മ​റ്റൊ​രു​വി​ധ​ത്തി​ൽ പാ​ർ​ട്ടി കോ​ൺ​ഗ്ര​സി​ന്​ മു​ന്നോ​ടി​യാ​യി സി.​പി.​എം നേ​തൃ​ത്വം ദി​വ​സ​ങ്ങ​ൾ​ക്കു​മു​മ്പ്​​ പ്ര​സി​ദ്ധീ​ക​രി​ച്ച ക​ര​ട്‌ രാ​ഷ്‌​ട്രീ​യ​പ്ര​മേ​യ​വും അ​ടി​വ​ര​യി​ടു​ന്നു. വി​ദ്യാ​ഭ്യാ​സ​രം​ഗ​ത്തെ സ്വ​കാ​ര്യ​വ​ത്​​ക​ര​ണം പൊ​തു​സ്ഥാ​പ​ന​ങ്ങ​ളി​ൽ നി​ന്നു​ള്ള വി​ദ്യാ​ർ​ഥി​ക​ളു​ടെ കൊ​ഴി​ഞ്ഞു​പോ​ക്കി​ന്​ കാ​ര​ണ​മാ​കു​മെ​ന്നാ​ണ്​ ക​ര​ട്​ ന​യം പ​ങ്കു​വെ​ക്കു​ന്ന ആ​ശ​ങ്ക.

ക​ര​ട്​ പ്ര​മേ​യ​ത്തി​ൽ പ​റ​യു​ന്ന​ത്​

‘സ്വ​കാ​ര്യ​വ​ത്​​ക​ര​ണ നീ​ക്കം സ​ർ​ക്കാ​ർ സ്കൂ​ളു​ക​ളി​ൽ​നി​ന്ന് സ്വ​കാ​ര്യ സ്കൂ​ളു​ക​ളി​ലേ​ക്കു​ള്ള വി​ദ്യാ​ർ​ഥി​ക​ളു​ടെ പ​ലാ​യ​ന​ത്തി​ന് ​കാ​ര​ണ​മാ​കു​ന്നു. ഇ​തേ ത​ത്ത്വം ബി​രു​ദ സ്ഥാ​പ​ന​ങ്ങ​ളി​ലും പ്ര​യോ​ഗി​ച്ച​തി​ലൂ​ടെ കോ​ള​ജു​ക​ളി​ൽ നി​ന്നു​ള്ള കൊ​ഴി​ഞ്ഞു​പോ​ക​ൽ​ നി​ര​ക്കി​ന്‍റെ വ​ർ​ധ​ന​ക്ക്​​ കാ​ര​ണ​മാ​യി. സാ​മൂ​ഹി​ക മേ​ഖ​ല​ക്കു​ള്ള വി​ഹി​ത​വും ​ചെ​ല​വും കു​റ​ക്കാ​നു​ള്ള സ​ർ​ക്കാ​റി​ന്‍റെ നീ​ക്ക​മാ​ണ് ഈ ​പ്ര​തി​കൂ​ല സാ​ഹ​ച​ര്യ​ത്തി​നു​ള്ള ഒ​രു പ്ര​ധാ​ന ഘ​ട​കം’’. വി​ദേ​ശ സ​ർ​വ​ക​ലാ​ശാ​ല​ക​ളെ ഇ​ന്ത്യ​യി​ൽ അ​നു​വ​ദി​ക്കു​ന്ന​തു​മാ​യി ബ​ന്ധ​പ്പെ​ട്ട് 2023 ജ​നു​വ​രി ഏ​ഴി​ന്​ സി.​പി.​എം പോ​ളി​റ്റ് ബ്യൂ​റോ പ്ര​സി​ദ്ധീ​ക​രി​ച്ച പ്ര​സ്താ​വ​ന​യി​ൽ വി​ദേ​ശ സ​ർ​വ​ക​ലാ​ശാ​ല​ക​ൾ​ക്ക് ഇ​ന്ത്യ​യി​ൽ പ്ര​വ​ർ​ത്ത​നാ​നു​മ​തി ന​ൽ​കാ​നു​ള്ള കേ​ന്ദ്ര സ​ർ​ക്കാ​ർ നീ​ക്കം ഒ​രു​കൂ​ട്ടം ഉ​പ​രി​വ​ർ​ഗ വി​ദ്യാ​ഭ്യാ​സ സ്ഥാ​പ​ന​ങ്ങ​ളെ സൃ​ഷ്ടി​ച്ച്, രാ​ജ്യ​ത്തെ ഉ​ന്ന​ത വി​ദ്യാ​ഭ്യാ​സ​മേ​ഖ​ല​യെ ത​ക​ർ​ക്കു​മെ​ന്നും വ്യ​ക്ത​മാ​ക്കു​ന്നു​ണ്ട്