സ്നേഹത്തിൽ പൊതിഞ്ഞ് പ്രവർത്തകർ; കൂടെയുണ്ടാകുമെന്ന് പ്രിയങ്ക

നി​ല​മ്പൂ​ർ: വ​യ​നാ​ട്ടി​ൽ ക​ന്നി​പ്പോ​രി​നി​റ​ങ്ങി​യ പ്രി​യ​ങ്ക ഗാ​ന്ധി​യെ സ്നേ​ഹം​കൊ​ണ്ട് പൊ​തി​ഞ്ഞ് യു.​ഡി.​എ​ഫ് പ്ര​വ​ർ​ത്ത​ക​ർ. ഹൃ​ദ​യ​ത്തി​ൽ തൊ​ട്ട വാ​ക്കു​ക​ളു​മാ​യി ജ​ന​മ​ന​സ്സു​ക​ളി​ലേ​ക്ക് ഇ​റ​ങ്ങി​യ പ്രി​യ​ങ്ക അ​വ​ർ​ക്കാ​വേ​ശ​മാ​യി. എ​ന്നും കൂ​ടെ​യു​ണ്ടാ​കു​മെ​ന്ന് പ്രി​യ​ങ്ക പ​റ​ഞ്ഞ​പ്പോ​ൾ സ​ദ​സ്സ് ആ ​വാ​ക്കു​ക​ളെ നി​റ​ഞ്ഞ മ​ന​സ്സോ​ടെ എ​തി​രേ​റ്റു. വീ​ട്ട​മ്മ​മാ​രും കു​ട്ടി​ക​ളു​മ​ട​ക്കം വ​ൻ ജ​ന​ക്കൂ​ട്ട​മാ​ണ് പ്രി​യ​ങ്ക​യെ കാ​ണാ​നും ആ​ശീ​ർ​വ​ദി​ക്കാ​നും പാ​ത​യോ​ര​ങ്ങ​ളി​ൽ കാ​ത്തു​നി​ന്ന​ത്.

പ്ല​ക്കാ​ർ​ഡു​ക​ളും ബ​ലൂ​ണു​ക​ളും താ​ള​മേ​ള​ങ്ങ​ളു​മാ​യി ഉ​ജ്ജ്വ​ല സ്വീ​ക​ര​ണ​മാ​ണ് ഏ​റ​നാ​ട്, വ​ണ്ടൂ​ർ, നി​ല​മ്പൂ​ർ മ​ണ്ഡ​ല​ങ്ങ​ളി​ലെ യു.​ഡി.​എ​ഫ് പ്ര​വ​ർ​ത്ത​ക​ർ ന​ൽ​കി​യ​ത്. പ്രാ​യ​മാ​യ​വ​രും കു​ഞ്ഞു​ങ്ങ​ളു​മ​ട​ക്കം നി​ര​വ​ധി​പേ​ർ വെ​യി​ല​ത്തും സ്ഥാ​നാ​ർ​ഥി​യെ കാ​ത്തു​നി​ന്നു. ഇ​രു​വ​ശ​വും ത​ടി​ച്ചു​കൂ​ടി​യ ജ​ന​ക്കൂ​ട്ട​ത്തെ അ​ഭി​വാ​ദ്യം​ചെ​യ്ത് റോ​ഡ്ഷോ​യോ​ടെ​യാ​ണ് പ്രി​യ​ങ്ക വേ​ദി​യി​ലെ​ത്തി​യ​ത്. മു​മ്പ് രാ​ഹു​ലി​ന് വോ​ട്ട​ഭ്യ​ർ​ഥി​ക്കാ​നെ​ത്തി​യ തെ​ര​ട്ട​മ്മ​ൽ മൈ​താ​ന​ത്താ​യി​രു​ന്നു പ്രി​യ​ങ്ക​യു​ടെ ആ​ദ്യ യോ​ഗം. വ​യ​നാ​ടി​ന്റെ സാ​ഹോ​ദ​ര്യ​വും രാ​ഹു​ലി​നോ​ട് കാ​ണി​ച്ച സ്നേ​ഹ​വു​മെ​ല്ലാം പ്രി​യ​ങ്ക​യു​ടെ പ്ര​സം​ഗ​ത്തി​ൽ ക​ട​ന്നു​വ​ന്നു.

കേ​ന്ദ്ര സ​ർ​ക്കാ​റി​നെ​തി​രെ രൂ​ക്ഷ വി​മ​ർ​ശ​ന​മു​യ​ർ​ത്തി​യാ​യി​രു​ന്നു പ്രി​യ​ങ്ക​യു​ടെ പ്ര​സം​ഗ​ങ്ങ​ളേ​റെ​യും. സ്നേ​ഹ​ത്തി​നും ഐ​ക്യ​ത്തി​നും പ​ക​രം വെ​റു​പ്പി​ന്റേ​യും വി​ദ്വേ​ഷ​ത്തി​ന്റേ​യും രാ​ഷ്ട്രീ​യ​മാ​ണ് ബി.​ജെ.​പി പ​യ​റ്റു​ന്ന​തെ​ന്നും ഇ​ത് രാ​ജ്യ​ത്തെ ഇ​ല്ലാ​താ​ക്കു​മെ​ന്നും പ്രി​യ​ങ്ക പ​റ​ഞ്ഞു. നി​ങ്ങ​ൾ ത​ന്ന ഈ ​സ്നേ​ഹം ഒ​രി​ക്ക​ലും മ​റ​ക്കി​ല്ലെ​ന്നും പ്രി​യ​ങ്ക പ​റ​ഞ്ഞു. ചൊ​വ്വാ​ഴ്ച രാ​ത്രി ക​രി​പ്പൂ​ർ വ​ഴി ഡ​ൽ​ഹി​യി​ലേ​ക്ക് മ​ട​ങ്ങി.