സ​ഹ​ക​ര​ണ സം​ഘം ഭരണസമിതിയിലേക്ക് മത്സര വിലക്ക്: നിയമഭേദഗതി ചോദ്യം ചെയ്ത് ഹരജി

കൊ​ച്ചി: മൂ​ന്നു​ത​വ​ണ തു​ട​ർ​ച്ച​യാ​യി സ​ഹ​ക​ര​ണ സം​ഘം ഭ​ര​ണ സ​മി​തി​യി​ലേ​ക്ക് തെ​ര​ഞ്ഞെ​ടു​ക്ക​പ്പെ​ട്ട​വ​ർ​ക്ക്​ വീ​ണ്ടും മ​ത്സ​രി​ക്കാ​ൻ വി​ല​ക്ക് ഏ​ർ​പ്പെ​ടു​ത്തി​യ നി​യ​മ ഭേ​ദ​ഗ​തി ചോ​ദ്യം​ചെ​യ്ത് ഹൈ​കോ​ട​തി​യി​ൽ ഹ​ര​ജി.

സ​ർ​ക്കാ​റി​ന്‍റേ​ത്​ ഏ​ക​പ​ക്ഷീ​യ ന​ട​പ​ടി​യാ​​ണെ​ന്ന്​ ചൂ​ണ്ടി​ക്കാ​ട്ടി​യാ​ണ്​ വി​വി​ധ സ​ഹ​ക​ര​ണ സം​ഘം ഭ​ര​ണ​സ​മി​തി​യി​ലെ ഭാ​ര​വാ​ഹി​ക​ള​ട​ക്കം ഒ​ട്ടേ​റെ​പ്പേ​ർ ഹ​ര​ജി ന​ൽ​കി​യ​ത്. ഹ​ര​ജി​ക​ൾ വി​ശ​ദ വാ​ദ​ത്തി​നാ​യി ജ​സ്റ്റി​സ്​ ജ​സ്റ്റി​സ്​ ദേ​വ​ൻ രാ​മ​ച​ന്ദ്ര​ൻ ജൂ​ലൈ ഒ​ന്നി​ലേ​ക്ക് മാ​റ്റി. സ​ഹ​ക​ര​ണ നി​യ​മ​ഭേ​ദ​ഗ​തി​യി​ൽ ത​ൽ​ക്കാ​ലം ഇ​ട​പെ​ടാ​നാ​വി​ല്ല​ന്ന്​ വ്യ​ക്ത​മാ​ക്കി​യ കോ​ട​തി, ഹ​ര​ജി​യി​ൽ സ​ത്യ​വാ​ങ്​​മൂ​ലം സ​മ​ർ​പ്പി​ക്കാ​ൻ കോ​ട​തി​യോ​ട്​ നി​ർ​ദേ​ശി​ച്ചു.

ജൂ​ൺ 26ന് ​നാ​മ​നി​ർ​ദേ​ശ പ​ത്രി​ക സ​മ​ർ​പ്പി​ക്കേ​ണ്ട കോ​ട്ട​യം ജി​ല്ല​യി​ലെ നെ​ടു​ങ്കു​ന്നം സ​ർ​വി​സ്​ സ​ഹ​ക​ര​ണ ബാ​ങ്ക് ഭ​ര​ണ​സ​മി​തി തെ​ര​ഞ്ഞെ​ടു​പ്പി​ൽ ഹ​ര​ജി​ക്കാ​രു​ടെ നാ​മ​നി​ർ​ദേ​ശ പ​ത്രി​ക വ​ര​ണാ​ധി​കാ​രി ത​ൽ​ക്കാ​ലം സ്വീ​ക​രി​ക്ക​ണ​മെ​ന്നും തു​ട​ർ​ന​ട​പ​ടി കോ​ട​തി​യു​ടെ തീ​രു​മാ​ന​ത്തി​ന് വി​ധേ​യ​മാ​യി​രി​ക്കു​മെ​ന്നും ഇ​ട​ക്കാ​ല ഉ​ത്ത​ര​വി​ൽ വ്യ​ക്ത​മാ​ക്കി.

വി​ശ​ദ ച​ർ​ച്ച​ക​ൾ​ക്കു​ശേ​ഷം നി​യ​മ​സ​ഭ ഐ​ക​ക​ണ്ഠ്യേ​ന​യാ​ണ് സ​ഹ​ക​ര​ണ നി​യ​മ ഭേ​ദ​ഗ​തി പാ​സ്സാ​ക്കി​യ​തെ​ന്ന് സ​ർ​ക്കാ​ർ അ​റി​യി​ച്ചു.