കുട്ടിയെ തട്ടിക്കൊണ്ടുപോയത് നവകേരള സദസിന് പണം കണ്ടെത്താനെന്ന് പ്രചാരണം; കേസെടുത്തു

കുട്ടിയെ തട്ടിക്കൊണ്ടുപോയ സംഭവത്തിനെ മറയാക്കി നവകേരള സദസിനെതിരെ വ്യാജപ്രചാരണം.ബമുഖ്യമന്ത്രിക്കും നവകേരള സദസിനും എതിരേ സാമൂഹികമാധ്യമത്തിൽ അപവാദപ്രചാരണം നടത്തിയതിന് പൊലീസ് കേസെടുത്തിരിക്കുകയാണ്. കുഞ്ചത്തൂർ സ്വദേശി അബ്ദുൾ മനാഫി​െൻറ (48) പേരിലാണ് മേഞ്ചശ്വരം പൊലീസ് സ്വമേധയാ കേസെടുത്തത്.

ഐ.ടി. നിയമം, കലാപ ആഹ്വാനം, ഇന്ത്യൻ ശിക്ഷാനിയമം 153-ാം വകുപ്പ് തുടങ്ങിയവ പ്രകാരമാണ് കേസ്. കൊല്ലത്ത് കുട്ടിയെ തട്ടിക്കൊണ്ടുപോയത് നവകേരള സദസിന് പണം കണ്ടെത്തുന്നതിനാണെന്നും മുഖ്യമന്ത്രിക്ക് ഇതിൽ പങ്കുണ്ടെന്നുമായിരുന്നു പ്രചാരണം. മഞ്ചേശ്വരത്തെ ഒരു സമൂഹമാധ്യമ ഗ്രൂപ്പിലാണ് ശബ്ദസന്ദേശം പ്രചരിച്ചത്. ഇയാളെ പൊലീസ് വിളിച്ച് വരുത്തി ഫോൺ പിടിച്ചെടുത്തശേഷം നോട്ടീസ് നൽകി വിട്ടയച്ചു.