![paloli muhammed kutty paloli muhammed kutty](https://www.madhyamam.com/h-upload/2021/05/28/1023950-paloli-muhammed-kutty.webp)
ക്ഷേമ പദ്ധതികളിലെ അനുപാതം: ഹൈകോടതി വിധി തെറ്റായ നടപടിയെന്ന് പാലോളി മുഹമ്മദ് കുട്ടി
text_fieldsകോഴിക്കോട്: ന്യൂനപക്ഷ ക്ഷേമ പദ്ധതികളിലെ 80:20 അനുപാതം റദ്ദാക്കിയ ഹൈകോടതി വിധി തെറ്റായ നടപടിയെന്ന് മുൻ ന്യൂനപക്ഷക്ഷേമ മന്ത്രിയും സി.പി.എം നേതാവുമായ പാലോളി മുഹമ്മദ് കുട്ടി. സച്ചാര് കമ്മിറ്റി റിപ്പോര്ട്ടിെൻറ അടിസ്ഥാനത്തില് മുസ്ലിം ന്യൂനപക്ഷത്തിന് വേണ്ടി മാത്രമാണ് എൽ.ഡി.എഫ് സര്ക്കാര് ക്ഷേമ പദ്ധതികള് ആരംഭിച്ചത്.
2015ല് യു.ഡി.എഫ് സർക്കാർ ഈ പദ്ധതികളില് 20 ശതമാനം മുസ്ലിം ഇതര വിഭാഗങ്ങള്ക്ക് നല്കാന് തീരുമാനിച്ചതാണ് വിവാദങ്ങള്ക്ക് ഇടയാക്കിയത്. ആ തീരുമാനമാണ് ഇപ്പോള് കോടതി റദ്ദാക്കിയത്. ഇത് എല്ലാ ജനവിഭാഗങ്ങൾക്കുമുള്ള ആനുകൂല്യമല്ലെന്ന് സർക്കാർ കോടതിയെ ബോധ്യപ്പെടുത്തണമെന്നും അദ്ദേഹം പറഞ്ഞു.
ക്രിസ്ത്യന് അവശവിഭാഗങ്ങള്ക്ക് ആനുകൂല്യങ്ങള് നല്കേണ്ടത് അനിവാര്യമാണ്. ഈ വിഭാഗങ്ങള്ക്കായി സര്ക്കാര് പ്രത്യേക പദ്ധതികള് ആവിഷ്കരിക്കണം. തുടര്ന്നു വരുന്ന അനുപാതം നിലനിര്ത്തിയാല് വീണ്ടും ആക്ഷേപം ഉയർന്നേക്കുമെന്നും പദ്ധതികൾ നടപ്പാക്കാൻ സർക്കാർ മറ്റു വഴികൾ ആലോചിക്കണമെന്നും അദ്ദേഹം പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.