പൊതുസ്ഥലങ്ങളിൽ മാലിന്യം ഉപേക്ഷിക്കാൻ ബിന്നുകള്‍ ഉറപ്പുവരുത്താൻ നിർദേശം

പാ​ല​ക്കാ​ട്: ക​ട​ക​ളി​ലും പൊ​തു​സ്ഥ​ല​ങ്ങ​ളി​ലും മാ​ലി​ന്യം ഉ​പേ​ക്ഷി​ക്കാ​നു​ള്ള ബി​ന്നു​ക​ള്‍ സ്ഥാ​പി​ക്ക​ണ​മെ​ന്ന് ന​വ​കേ​ര​ളം കാ​മ്പ​യി​ന്‍ സെ​ക്ര​ട്ടേ​റി​യ​റ്റ് യോ​ഗം. ബി​ന്നു​ക​ള്‍ സ്ഥാ​പി​ച്ചെ​ന്ന് അ​ത​ത് ത​ദ്ദേ​ശ നേ​തൃ​ത്വ​ത്തി​ല്‍ ഉ​റ​പ്പു​വ​രു​ത്താ​നും യോ​ഗ​ത്തി​ല്‍ തീ​രു​മാ​ന​മാ​യി. യൂ​സ​ര്‍ ഫീ ​ക​ല​ക്ഷ​നി​ല്‍ 30 ശ​ത​മാ​ന​ത്തി​ല്‍ താ​ഴെ നി​ല്‍ക്കു​ന്ന പ​ഞ്ചാ​യ​ത്തു​ക​ള്‍ അ​വ 100 ശ​ത​മാ​ന​ത്തി​ല്‍ എ​ത്തി​ക്കാ​നു​ള്ള പ്ര​വ​ര്‍ത്ത​ന​ങ്ങ​ള്‍ കാ​ര്യ​ക്ഷ​മ​മാ​ക്കാ​നും യോ​ഗ​ത്തി​ല്‍ തീ​രു​മാ​ന​മാ​യി.പൊ​തു ഇ​ട​ങ്ങ​ളി​ല്‍ മാ​ലി​ന്യം വ​ലി​ച്ചെ​റി​യു​ന്ന​ത് ക​ണ്ടെ​ത്താ​ൻ സി.​സി.​ടി.​വി കാ​മ​റ​ക​ള്‍ സ്ഥാ​പി​ക്ക​ണം. നി​ല​വി​ല്‍ ജി​ല്ല​യി​ല്‍ വി​വി​ധ ഇ​ട​ങ്ങ​ളി​ലാ​യി ത​ദ്ദേ​ശ സ്ഥാ​പ​ന​ങ്ങ​ളു​ടെ നേ​തൃ​ത്വ​ത്തി​ല്‍ 99 സി.​സി.​ടി.​വി കാ​മ​റ​ക​ളാ​ണ് സ്ഥാ​പി​ച്ചി​ട്ടു​ള്ള​ത്. ഇ​തോ​ടൊ​പ്പം ത​ദ്ദേ​ശ സ്ഥാ​പ​ന​ങ്ങ​ളു​ടെ നേ​തൃ​ത്വ​ത്തി​ല്‍ എ​ല്ലാ വാ​ര്‍ഡു​ക​ളി​ലും മി​നി എം.​സി.​എ​ഫു​ക​ള്‍ സ്ഥാ​പി​ക്ക​ണ​മെ​ന്നും യോ​ഗം നി​ർ​ദേ​ശം ന​ല്‍കി. നി​ല​വി​ല്‍ ആ​റ് ഗ്രാ​മ​പ​ഞ്ചാ​യ​ത്തു​ക​ളി​ലാ​ണ് മി​നി എം.​എ​സി.​എ​ഫു​ക​ള്‍ ഇ​ല്ലാ​ത്ത​ത്. മാ​ലി​ന്യ​ക്കൂ​ന​ക​ള്‍ ഉ​ണ്ടാ​യി​രു​ന്ന ഇ​ട​ങ്ങ​ളി​ല്‍ സ്നേ​ഹാ​രാ​മ​ങ്ങ​ള്‍ സ്ഥാ​പി​ക്കാ​ൻ 264 ഇ​ട​ങ്ങ​ള്‍ ക​ണ്ടെ​ത്തി​യി​ട്ടു​ണ്ട്.

ഡി.​ആ​ര്‍.​ഡി.​എ ഹാ​ളി​ല്‍ ന​ട​ന്ന യോ​ഗ​ത്തി​ല്‍ അ​സി. ക​ല​ക്ട​ര്‍ ഒ.​വി. ആ​ല്‍ഫ്ര​ഡ്, ത​ദ്ദേ​ശ സ്വ​യം​ഭ​ര​ണ വ​കു​പ്പ് ഡെ​പ്യൂ​ട്ടി ഡ​യ​റ​ക്ട​ര്‍ കെ. ​ഗോ​പി​നാ​ഥ​ന്‍, ന​വ​കേ​ര​ള മി​ഷ​ന്‍ ജി​ല്ല കോ​ഓ​ഡി​നേ​റ്റ​ര്‍ പി. ​സെ​യ്ത​ല​വി, കി​ല ജി​ല്ല ഫെ​സി​ലി​റ്റേ​റ്റ​ര്‍ ഗോ​പാ​ല​കൃ​ഷ്ണ​ന്‍, കാ​മ്പ​യി​ന്‍ സെ​ക്ര​ട്ടേ​റി​യ​റ്റ് അം​ഗ​ങ്ങ​ള്‍ എ​ന്നി​വ​ര്‍ പ​ങ്കെ​ടു​ത്തു.