ഇടുക്കിയിൽ പ്രവേശിക്കാൻ അനുമതി തേടി തമിഴ്നാട്ടിൽ സമരം

കുമളി:​ ലോക്​ഡൗൺ നിയന്ത്രണങ്ങളെത്തുടർന്ന്​ ഇടുക്കി ജില്ലയിലെ ഏലത്തോട്ടങ്ങളിലേക്ക് പോകാൻ അനുമതി നൽകാത്തതിൽ പ്രതിഷേധിച്ച് തമിഴ്നാട്ടിലെ കർഷകർ രംഗത്തെത്തി. ഇടുക്കി ജില്ലയിലെ വിവിധ ഭാഗങ്ങളിൽ ഏലത്തോട്ടം സ്വന്തമായുള്ളവരാണ് പ്രതിഷേധവുമായി രംഗത്തെത്തിയത്.

രണ്ട്​ മാസത്തിലധികമായി ഏലത്തോട്ടങ്ങളിലേക്ക് പോകാനാകാത്തതിനാൽ വിളവെടുക്കാനോ കൃഷി പരിചരണമോ നടക്കുന്നി​െല്ലന്ന് ഇവർ പറയുന്നു. ജില്ലയിലേക്ക് പ്രവേശിക്കാൻ അനുമതി തേടി കർഷകർ കഴിഞ്ഞാഴ്ച തേനി കലക്​ടർക്ക്​ കത്ത് നൽകിയെങ്കിലും നടപടിയില്ലാതെ വന്നതിനെത്തുടർന്നാണ്​ കമ്പം പുതിയ ബസ് ​സ്​റ്റാൻഡിന്​ സമീപം മൗനസമരവുമായി വന്നത്​. ഇവരെ പൊലീസ് എത്തി തിരിച്ചയച്ചു.