ശബരിമലയിൽ പൊലീസ്​ മനുഷ്യാവകാശ ധ്വംസനം നടത്തുന്നു- ശ്രീധരൻ പിള്ള

പത്തനംതിട്ട: രാജ്യം കണ്ട ഏറ്റവും വലിയ മനുഷ്യാവകാശ ധ്വംസനമാണ് പൊലീസ് ശബരിമലയിൽ നടത്തുന്ന​െതന്ന്​ ബി.ജെ.പി സംസ ്ഥാന അധ്യക്ഷൻ ശ്രീധരൻപിള്ള. ചരിത്രത്തിലെ ദുരന്തമായ അധ്യായമാണിത്​. ശബരിമലയിലെത്തിയ ഭക്തർക്ക്​ മുറികളും കുടിവെള്ളവും സഞ്ചാര സ്വാതന്ത്ര്യവും നിഷേധിക്കപ്പെട്ടു. ശാന്തികിട്ടും വിധം ആരാധന നടത്താനുള്ള അവകാശവും നിഷേധിക്കപ്പെട്ടു. ക്ഷേത്രത്തി​​​​െൻറ ദൈനംദിന കാര്യങ്ങളില്‍ കടന്നുകയറിയതിന് സര്‍ക്കാര്‍ മാപ്പ് ചോദിക്കണം. ഇക്കാര്യങ്ങൾ ചൂണ്ടിക്കാട്ടി മനുഷ്യാവകാശ കമ്മീഷന് പരാതി നൽകുമെന്നും ശ്രീധരൻപിള്ള വാർത്താസമ്മേളനത്തിൽ പറഞ്ഞു.

ആചാരക്രമവും ഈശ്വര വിശ്വാസവും ഇല്ലാതാക്കണമെന്ന കാഴ്ച്ചപ്പാടോടെയാണ് സര്‍ക്കാരിന്റെ പ്രവര്‍ത്തനം. കമ്മ്യൂണിസ്​റ്റ്​ പാർട്ടി ഒരു കാരണവശാലും മതപരമായ പരിപാടികൾ സംഘടിപ്പിക്കാനോ അനുവർത്തിക്കാനോ പാടില്ലെന്നത്​ കേരളത്തിലെ പാർട്ടി പ്രവർത്തകർ ലംഘിക്കുന്നുവെന്ന്​ സി.പി.എം കോയമ്പത്തൂർ പാർട്ടി കോൺഗ്രസിലെ പ്രമേയത്തിൽ പറയുന്നു. വ്യക്തിപരമായി മതപരമായ ആചാരങ്ങൾ അനുവർത്തിക്കരുതെന്നും പ്രമേയത്തിലുണ്ട്​. അതുകൊണ്ട​ു തന്നെയാണ്​ ശബരിമല വിധി വന്നയുടൻ അത്​ നടപ്പാക്കാൻ സർക്കാർ മുന്നിട്ടിറങ്ങിയതെന്ന്​ സംശയിക്കുന്നതായും ശ്രീധരൻ പിള്ള പറഞ്ഞു. വിധിന്യായത്തെ മറയാക്കി സി.പി.എം പ്രവർത്തിക്കുകയാണെന്നും അദ്ദേഹം ആരോപിച്ചു.

ഇന്ന് ശബരിമലയിൽ നടന്ന പ്രതിഷേധ സംഭവങ്ങളെ കുറിച്ചുള്ള മാധ്യമപ്രവർത്തകരുടെ ചോദ്യത്തിന്​ അത്​ സംബന്ധിച്ച്​ തനിക്ക് ഒന്നും അറിയില്ലെന്നും വിശ്വസനീയമായ കേന്ദ്രങ്ങളിൽ നിന്നും വിവരം ലഭിച്ചാൽ പ്രതികരിക്കാമെന്നായിരുന്നു അദ്ദേഹത്തി​​​​െൻറ മറുപടി.