ഒഴിവുകൾ റിപ്പോർട്ട് ചെയ്യാതെ സർവകലാശാലകളുടെ കൊലച്ചതി

തി​രു​വ​ന​ന്ത​പു​രം: സ​ർ​വ​ക​ലാ​ശാ​ല​ക​ൾ ഒ​ഴി​വു​ക​ൾ പൂ​ഴ്ത്തി​വെ​ച്ച​തോ​ടെ ലാ​സ്റ്റ് ഗ്രേ​ഡ് സ​ർ​വ​ന്‍റ്സ് (എ​ൽ.​ജി.​എ​സ്) നി​യ​മ​ന​ത്തി​നു​ള്ള മു​ഖ്യ​പ​ട്ടി​ക​യി​ൽ ഉ​ദ്യോ​ഗാ​ർ​ഥി​ക​ളെ വെ​ട്ടി​നി​ര​ത്തി പി.​എ​സ്.​സി. 48,513 പേ​ർ മു​ഖ്യ​പ​രീ​ക്ഷ എ​ഴു​തി​യ​തി​ൽ കേ​വ​ലം 1099 പേ​രെ​മാ​ത്ര​മാ​ണ്​ മു​ഖ്യ​പ​ട്ടി​ക​യി​ൽ ഉ​ൾ​പ്പെ​ടു​ത്തി​യ​ത്. അ​ടു​ത്ത മൂ​ന്നു​വ​ർ​ഷ​ത്തി​നി​ടെ 13 സ​ർ​വ​ക​ലാ​ശാ​ല​ക​ളി​ൽ കു​റ​ഞ്ഞ​ത് 2000 ഒ​ഴി​വു​ക​ൾ​ക്ക് സാ​ധ്യ​ത ഉ​ണ്ടാ​യി​രി​ക്കെ​യാ​ണ് സ​ർ​വ​ക​ലാ​ശാ​ല ഒ​ഴി​വു​ക​ൾ റി​പ്പോ​ർ​ട്ട് ചെ​യ്തി​ല്ലെ​ന്ന കാ​ര​ണം പ​റ​ഞ്ഞ്​ മു​ഖ്യ​പ​ട്ടി​ക​യി​ൽ വെ​ട്ടി​നി​ര​ത്ത​ൽ ന​ട​ന്ന​ത്.

നേ​ര​ത്തേ സ​ർ​വ​ക​ലാ​ശാ​ല​ക​ൾ നേ​രി​ട്ട് ന​ട​ത്തി​യ പ​രീ​ക്ഷ​ക​ളി​ലൂ​ടെ​യാ​യി​രു​ന്നു അ​ന​ധ്യാ​പ​ക ത​സ്തി​ക​ക​ളി​ലേ​ക്ക് നി​യ​മ​നം ന​ട​ന്ന​ത്. ഇ​ത്ത​രം നി​യ​മ​ന​ങ്ങ​ളി​ൽ സ​ർ​വ​ക​ലാ​ശാ​ല ഭ​ര​ണ​സ​മി​തി​യു​ടെ രാ​ഷ്ട്രീ​യ താ​ൽ​പ​ര്യ​ങ്ങ​ളും ബ​ന്ധു​ബ​ല​വും അ​ഴി​മ​തി​യും ക​ട​ന്നു​കൂ​ടു​ന്നെ​ന്ന് ക​ണ്ട​തി​നെ തു​ട​ർ​ന്നാ​ണ് അ​ന​ധ്യാ​പ​ക നി​യ​മ​ന​ങ്ങ​ൾ 2016ൽ ​പി.​എ​സ്.​സി​ക്ക് വി​ട്ട​ത്. ഇ​തോ​ടെ എ​ൽ.​ജി.​എ​സ് ത​സ്തി​ക​യി​ൽ താ​ൽ​ക്കാ​ലി​ക ജീ​വ​ന​ക്കാ​രെ ഉ​പ​യോ​ഗി​ച്ചാ​യി​രു​ന്നു സ​ർ​വ​ക​ലാ​ശാ​ല​ക​ൾ പ്ര​വ​ർ​ത്തി​ച്ച​ത്.

2022ലാ​ണ് പി.​എ​സ്.​സി ആ​ദ്യ​മാ​യി എ​ൽ.​ജി.​എ​സ് ത​സ്തി​ക​യി​ലേ​ക്ക് വി​ജ്ഞാ​പ​നം ഇ​റ​ക്കി​യ​ത്. 2.23 ല​ക്ഷം ഉ​ദ്യോ​ഗാ​ർ​ഥി​ക​ൾ പ​രീ​ക്ഷ എ​ഴു​തി. ഏ​ഴാം ക്ലാ​സ് അ​ടി​സ്ഥാ​ന യോ​ഗ്യ​ത​യാ​യി​ട്ടും ര​ണ്ടു​ഘ​ട്ട പ​രീ​ക്ഷ​യാ​ണ് ന​ട​ത്തി​യ​ത്. 2023ൽ ​അ​ഞ്ച് ഘ​ട്ട​ങ്ങ​ളി​ലാ​യി പ്രാ​ഥ​മി​ക പ​രീ​ക്ഷ​യും ഫെ​ബ്രു​വ​രി​യി​ൽ മു​ഖ്യ​പ​രീ​ക്ഷ​യും ന​ട​ത്തി. മു​ഖ്യ​പ​ട്ടി​ക​യി​ൽ 2500 പേ​രെ​യെ​ങ്കി​ലും ഉ​ൾ​പ്പെ​ടു​ത്തു​മെ​ന്ന പ്ര​തീ​ക്ഷ​യി​ലാ​യി​രു​ന്നു ഉ​ദ്യോ​ഗാ​ർ​ഥി​ക​ൾ. എ​ന്നാ​ൽ, സം​സ്ഥാ​ന സ​ർ​ക്കാ​റി​ന്‍റെ സാ​മ്പ​ത്തി​ക പ്ര​തി​സ​ന്ധി​യെ തു​ട​ർ​ന്ന് നി​ല​വി​ലെ ഒ​ഴി​വു​ക​ളും പ്ര​തീ​ക്ഷി​ത ഒ​ഴി​വു​ക​ളും റി​പ്പോ​ർ​ട്ട് ചെ​യ്യാ​ൻ സ​ർ​വ​ക​ലാ​ശാ​ല​ക​ൾ മ​ടി​ച്ച​തോ​ടെ പി.​എ​സ്.​സി​ക്ക് മു​ന്നി​ലെ​ത്തി​യ​ത് കേ​വ​ലം 213 ഒ​ഴി​വു​ക​ൾ മാ​ത്രം.

എ​ട്ട് സ​ർ​വ​ക​ലാ​ശാ​ല​ക​ളാ​ണ് പേ​രി​നെ​ങ്കി​ലും ഒ​ഴി​വു​ക​ൾ റി​പ്പോ​ർ​ട്ട് ചെ​യ്ത​ത്. കൂ​ടു​ത​ൽ ഒ​ഴി​വു​ക​ൾ ഉ​ണ്ടാ​കാ​ൻ സാ​ധ്യ​ത​യു​ള്ള കേ​ര​ള സ​ർ​വ​ക​ലാ​ശാ​ല ഒ​രു ഒ​ഴി​വു​പോ​ലും റി​പ്പോ​ർ​ട്ട് ചെ​യ്തി​ല്ല. കേ​ര​ള​ക്ക് പി​ന്നാ​ലെ കു​സാ​റ്റ്, മ​ല​യാ​ളം, സാ​ങ്കേ​തി​കം, നി​യ​മം (നു​വാ​ൽ​സി​ൽ) സ​ർ​വ​ക​ലാ​ശാ​ല​ക​ളും ഒ​ഴി​വു​ക​ൾ പി.​എ​സ്.​സി​യെ അ​റി​യി​ച്ചി​ല്ല. റി​പ്പോ​ർ​ട്ട് ചെ​യ്ത ഒ​ഴി​വു​ക​ൾ​ക്ക് അ​നു​സൃ​ത​മാ​യി സാ​ധ്യ​ത​പ​ട്ടി​ക​യും മു​ഖ്യ​പ​ട്ടി​ക​യും ത​യാ​റാ​ക്കു​ന്ന പി.​എ​സ്.​സി​യാ​ക​ട്ടെ നി​ജ​സ്ഥി​തി മ​ന​സ്സി​ലാ​ക്കി ഉ​ദ്യോ​ഗാ​ർ​ഥി​ക​ൾ​ക്ക് അ​നു​കൂ​ല ന​ട​പ​ടി സ്വീ​ക​രി​ക്കു​ന്ന​തി​നു പ​ക​രം വെ​ട്ടി​നി​ര​ത്ത​ലി​ൽ ശ്ര​ദ്ധ​കേ​ന്ദ്രീ​ക​രി​ച്ച​തും തി​രി​ച്ച​ടി​യാ​യി. ഒ​ഴി​വു​ക​ൾ റി​പ്പോ​ർ​ട്ട് ചെ​യ്യാ​ത്ത സ​ർ​വ​ക​ലാ​ശാ​ല​ക​ൾ​ക്കെ​തി​രെ ഗ​വ​ർ​ണ​റെ സ​മീ​പി​ക്കാ​നൊ​രു​ങ്ങു​ക​യാ​ണ് ഉ​ദ്യോ​ഗാ​ർ​ഥി​ക​ൾ.