അധ്യാപക, പൊലീസ്​ കോൺസ്റ്റബിൾ അടക്കം 31 തസ്​തികകളിലേക്ക് പി.എസ്​.സി വിജ്ഞാപനം പ്രസിദ്ധീകരിക്കും

തിരുവനന്തപുരം: ഇംഗ്ലീഷ്, മലയാളം ഹൈസ്‌കൂള്‍ അധ്യാപകര്‍, പോലീസ് കോണ്‍സ്​റ്റബിള്‍ (ടെലികമ്യൂണിക്കേഷന്‍) തുടങ്ങി 31 തസ്​തികകളിലേക്ക് പുതിയ വിജ്ഞാപനം പ്രസിദ്ധീകരിക്കാന്‍ പി.എസ്.സി തീരുമാനിച്ചു.

ഈ മാസം അവസാനത്തെ ഗസറ്റില്‍ പ്രസിദ്ധീകരിക്കും. ഫാക്​ടറീസ് ആൻഡ്​ ബോയ്‌ലേഴ്‌സ് ഇന്‍സ്‌പെക്​ടര്‍, ഫിഷറീസ് അസിസ്​റ്റൻറ്, ബോട്ട് ലാസ്‌കര്‍, ആയുര്‍വേദ തെറപ്പിസ്​റ്റ് തുടങ്ങിയവക്കും വിജ്ഞാപനമുണ്ടാകും.

ഭിന്നശേഷിക്കാരുടെ സംവരണം നാലു ശതമാനമാക്കി കേന്ദ്രം ഉയര്‍ത്തിയെങ്കിലും സംസ്ഥാനത്ത് പി.എസ്.സി നിയമനങ്ങളില്‍ ഇതു മൂന്നായി തുടരുകയാണ്. കഴിഞ്ഞ വര്‍ഷത്തെ സംസ്ഥാന സര്‍ക്കാറി​ൻെറ വിജ്ഞാപനം അനുസരിച്ച് 49 തസ്​തികകളില്‍ നാലു ശതമാനം സംവരണം അനുവദിച്ചിട്ടുണ്ട്. അവക്ക്​ കൂട്ടിച്ചേര്‍ക്കല്‍ വിജ്ഞാപനം പ്രസിദ്ധീകരിച്ച് കുറവുള്ള ഭിന്നശേഷി സംവരണം നികത്താന്‍ തിങ്കളാഴ്​ച ചേർന്ന യോഗം തീരുമാനിച്ചു. തയാറാകുന്ന മുറക്ക് ഈ വിജ്ഞാപനങ്ങള്‍ പ്രസിദ്ധീകരിക്കും.