വലിയ വീടുകളുടെ ആഡംബര നികുതി ഒറ്റതവണയാക്കി പരിമിതപ്പെടുത്തണമെന്ന് പി.ടി.എ റഹീം എം.എൽ.എ
text_fieldsപി.ടി.എ. റഹീം
വലിയ വീടുകൾക്ക് ആഡംബര നികുതി അടക്കേണ്ടി വരുന്നത് പലർക്കും ദുരിതമാകുന്നുണ്ടെന്ന് നിയമസഭയിൽ പി.ടി.എ റഹീം എം.എൽ.എ. നിയമസഭയിൽ ബജറ്റ് പൊതുചർച്ചയിൽ സംസാരിക്കുകയായിരുന്നു അദ്ദേഹം.
നല്ല ധനസ്ഥിതി ഉള്ളപ്പോൾ പ്രവാസികളടക്കം വലിയ വീടുകൾ നിർമിച്ചിട്ടുണ്ട്. എന്നാൽ, ഇപ്പോൾ അവരുടെ അവസ്ഥ വളരെ മോശമാണ്. സ്ഥിരമായി ആഡംബര നികുതി അടക്കേണ്ടി വരുന്നത് ഇവരിൽ പലർക്കും ദുരിതമാകുന്നുണ്ട്. അച്ഛൻ നിർമിച്ച വലിയ വീടുകൾ ഇളയ മക്കൾക്ക് പിൽകാലത്ത് ലഭിക്കുകയും അവർ ആഡംബര നികുതി അടക്കാൻ പ്രയാസപ്പെടുകയും ചെയ്യുന്ന അവസ്ഥയുമുണ്ട്.
വാഹന നികുതി മാതൃകയിൽ ആഡംബര നികുതി ഒറ്റതവണയായി ക്രമപ്പെടുത്തിയാൽ ഈ ബാധ്യത മറ്റുള്ളവരിേലക്ക് വരുന്നത് ഒഴിവാക്കാനാകുമെന്നും റഹീം എം.എൽ.എ പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.