വാളയാർ​ കേസിൽ പ​ബ്ലി​ക് പ്രോ​സി​ക്യൂ​ട്ട​ർ നിയമനം; മാതാവിന്‍റെ നിവേദന​വും പരിഗണിക്കണം –ഹൈകോടതി

കൊ​ച്ചി: വാ​ള​യാ​റി​ൽ പീ​ഡ​ന​ത്തി​നി​ര​യാ​യ പ്രാ​യ​പൂ​ർ​ത്തി​യാ​കാ​ത്ത ദ​ലി​ത് പെ​ൺ​കു​ട്ടി​ക​ളെ പി​ന്നീ​ട് മ​രി​ച്ച നി​ല​യി​ൽ ക​ണ്ടെ​ത്തി​യ സം​ഭ​വ​ത്തി​ൽ കു​ട്ടി​ക​ളു​ടെ മാ​താ​വി​ന്‍റെ നി​വേ​ദ​ന​വും കൂ​ടി പ​രി​ഗ​ണി​ച്ചു​വേ​ണം പ​ബ്ലി​ക് പ്രോ​സി​ക്യൂ​ട്ട​റെ നി​യ​മി​ക്കാ​നെ​ന്ന്​ ഹൈ​കോ​ട​തി. ഈ ​ആ​വ​ശ്യം ഉ​ന്ന​യി​ച്ച് മാ​താ​വ് ഫ​യ​ൽ ചെ​യ്​​ത ഹ​ര​ജി തീ​ർ​പ്പാ​ക്കി​യാ​ണ് ജ​സ്റ്റി​സ് എ.​ബ​ദ​റു​ദ്ദീ​ന്‍റെ നി​ർ​ദേ​ശം. അ​ഡ്വ. രാ​ജേ​ഷ് എം. ​മേ​നോ​നെ പ​ബ്ലി​ക് പ്രോ​സി​ക്യൂ​ട്ട​റാ​ക്ക​ണ​മെ​ന്നാ​ണ് ആ​വ​ശ്യം.

13 വ​യ​സ്സു​ള്ള കു​ട്ടി​യെ 2014 ജ​നു​വ​രി 13നും ​ഒ​മ്പ​തു വ​യ​സ്സു​ള്ള കു​ട്ടി​യെ 2014 മാ​ർ​ച്ച് നാ​ലി​നും തൂ​ങ്ങി​മ​രി​ച്ച നി​ല​യി​ൽ ക​ണ്ടെ​ത്തു​ക​യാ​യി​രു​ന്നു.

എ​ന്നാ​ൽ, പ്ര​തി​ക​ളെ വി​ചാ​ര​ണ​ക്കോ​ട​തി വെ​റു​തെ​വി​ട്ടു. ഇ​ത്​ റ​ദ്ദാ​ക്കി​യ ഹൈ​കോ​ട​തി, പു​ന​ർ​വി​ചാ​ര​ണ ന​ട​ത്താ​നും പ്രോ​സി​ക്യൂ​ഷ​ൻ ആ​വ​ശ്യ​പ്പെ​ട്ടാ​ൽ തു​ട​ര​ന്വേ​ഷ​ണം അ​നു​വ​ദി​ക്കാ​നും പോ​ക്സോ കോ​ട​തി​ക്ക് നി​ർ​ദേ​ശ​വും ന​ൽ​കി. പി​ന്നീ​ട് പെ​ൺ​കു​ട്ടി​ക​ളു​ടെ അ​മ്മ ന​ൽ​കി​യ ഹ​ര​ജി​യി​ലെ ഹൈ​കോ​ട​തി ഉ​ത്ത​ര​വ്​ പ്ര​കാ​രം സി.​ബി.​ഐ അ​ന്വേ​ഷ​ണം തു​ട​രു​ക​യാ​ണ്.

സര്‍ക്കാറിനും സി.ബി.ഐക്കും തിരിച്ചടിയെന്ന് സമരസമിതി

പാ​ല​ക്കാ​ട്: വാ​ള​യാ​ര്‍ കേ​സി​ല്‍ സ്​​പെ​ഷ​ൽ പ​ബ്ലി​ക് പ്രോ​സി​ക്യൂ​ട്ട​റെ ഏ​ക​പ​ക്ഷീ​യ​മാ​യി നി​യ​മി​ക്കാ​നു​ള്ള ശ്ര​മം ഹൈ​കോ​ട​തി ത​ട​ഞ്ഞ​ത് സി.​ബി.​ഐ​ക്കും സ​ര്‍ക്കാ​റി​നു​മേ​റ്റ തി​രി​ച്ച​ടി​യാ​ണെ​ന്ന് സ​മ​ര​സ​മി​തി. ര​ണ്ടു വ​ര്‍ഷം മു​മ്പ് സി.​ബി.​ഐ അ​ന്വേ​ഷ​ണം തു​ട​ങ്ങു​മ്പോ​ള്‍ത​ന്നെ, പെ​ണ്‍കു​ട്ടി​ക​ളു​ടെ അ​മ്മ സ്‌​പെ​ഷ​ല്‍ പ​ബ്ലി​ക് പ്രോ​സി​ക്യൂ​ട്ട​ര്‍ വേ​ണ​മെ​ന്ന ആ​വ​ശ്യ​വു​മാ​യി സ​ര്‍ക്കാ​റി​നെ​യും സി.​ബി.​ഐ​യെ​യും സ​മീ​പി​ച്ചി​രു​ന്നു. അ​ട്ട​പ്പാ​ടി മ​ധു വ​ധ​ക്കേ​സ് കൃ​ത്യ​മാ​യി വാ​ദി​ച്ച പാ​ല​ക്കാ​ട് ബാ​റി​ലെ രാ​ജേ​ഷ് എം. ​മേ​നോ​നെ പ്രോ​സി​ക്യൂ​ട്ട​റാ​ക്ക​ണ​മെ​ന്ന ആ​വ​ശ്യം പ​രി​ഗ​ണി​ക്കാ​ത്ത​തി​നാ​ലാ​ണ് ഹൈ​കോ​ട​തി​യി​ല്‍ ഹ​ര​ജി ഫ​യ​ല്‍ ചെ​യ്ത​ത്.

ര​ണ്ടാം സി.​ബി.​ഐ അ​ന്വേ​ഷ​ണ​ത്തി​ലും ആ​ദ്യ​ത്തേ​തു പോ​ലെ ആ​ത്മ​ഹ​ത്യ​യാ​ക്കി റി​പ്പോ​ര്‍ട്ട് കൊ​ടു​ക്കാ​നാ​ണ് ശ്ര​മി​ക്കു​ന്ന​തെ​ന്ന് സ​മ​ര​സ​മി​തി കു​റ്റ​പ്പെ​ടു​ത്തി. കൊ​ല​പാ​ത​ക തെ​ളി​വു​ക​ൾ കൊ​ടു​ത്തി​ട്ടും സി.​ബി.​ഐ അ​വ​യൊ​ന്നും പ​രി​ഗ​ണി​ച്ചി​ട്ടി​ല്ല. സി.​ബി.​ഐ​യു​ടെ അ​ജ​ണ്ട ന​ട​പ്പാ​ക്കാ​ന്‍ പ​റ്റി​യ അ​ഭി​ഭാ​ഷ​ക​നെ വെ​ക്കാ​നു​ള്ള ശ്ര​മ​മാ​ണ് ന​ട​ക്കു​ന്ന​തെന്നും സ​മ​ര​സ​മി​തി പ​റ​ഞ്ഞു.