പു​ൽ​പ്പ​ള്ളി ബാ​ങ്ക് വാ​യ്പ​ത്ത​ട്ടി​പ്പ്: റിമാൻഡിലായ കെ.​കെ. അ​ബ്ര​ഹാമിന്‍റെ വീട്ടിൽ ഇ.ഡി റെയ്ഡ്

ക​ൽപ​റ്റ: പു​ൽ​പ്പ​ള്ളി സ​ഹ​ക​ര​ണ ബാ​ങ്ക് വാ​യ്പ​ത്ത​ട്ടി​പ്പ് കേ​സി​ൽ കോൺഗ്രസ് നേതാവും ബാ​ങ്ക് മു​ൻ പ്ര​സി​ഡ​ന്റു​മാ​യ കെ.​കെ. അ​ബ്ര​ഹാമിന്‍റെ വീട്ടിൽ എൻഫോഴ്സ്മെന്‍റ് ഡയറക്ടറേറ്റിന്‍റെ (ഇ.ഡി) റെയ്ഡ്. ബാങ്കിലെ വായ്പാ തട്ടിപ്പുമായി ബന്ധപ്പെട്ട് നേരത്തെ ലഭിച്ച പരാതിയിലാണ് ഇ.ഡി പരിശോധന. വായ്പാ തട്ടിപ്പുമായി ബന്ധപ്പെട്ട് കർഷകൻ ആത്മഹത്യ ചെയ്ത സംഭവത്തിൽ അബ്രഹാം നിലവിൽ മാനന്തവാടി ജില്ലാ ജയിലിൽ റിമാൻഡിലാണ്. ഇതിനിടെയാണ് പുൽപ്പള്ളി മുണ്ടക്കൊല്ലിയിലെ വീട്ടിൽ ഇ.ഡിയുടെ റെയ്ഡ് നടക്കുന്നത്.

അ​ബ്ര​ഹാമിന്‍റെ ബിനാമിയായി അറിയപ്പെടുന്ന കൊല്ലപ്പള്ളി സജീവൻ, മുൻ ബാങ്ക് സെക്രട്ടറി കെ.​ടി. രമാദേവി എന്നിവരുടെ വീട്ടിലും പരിശോധന നടത്താൻ ഇ.ഡി തീരുമാനിച്ചിട്ടുണ്ട്. പു​ൽ​പ്പ​ള്ളി സ​ഹ​ക​ര​ണ ബാ​ങ്ക് വാ​യ്പ​ത്ത​ട്ടി​പ്പ് കേ​സി​ൽ കെ.​കെ. അ​ബ്ര​ഹാമിനെ ഒന്നാം പ്രതിയാക്കി വി​ജി​ല​ൻ​സ് വെ​ള്ളി​യാ​ഴ്ച കു​റ്റ​പ​ത്രം സ​മ​ർ​പ്പി​ച്ചിരുന്നു. കെ.​കെ. അ​ബ്ര​ഹാം അ​ട​ക്കം പ​ത്തു പ്ര​തി​ക​ളാ​ണ് വി​ജി​ല​ൻ​സ് പ​ട്ടി​ക​യി​ലു​ള്ള​ത്.

ബാ​ങ്ക് മു​ന്‍ സെ​ക്ര​ട്ട​റി കെ.​ടി. ര​മാ​ദേ​വി, ഡ​യ​റ​ക്ട​ര്‍മാ​രാ​യി​രു​ന്ന ടി.​എ​സ്. കു​ര്യ​ന്‍, ബി​ന്ദു ത​ങ്ക​പ്പ​ന്‍, സു​ജാ​ത ദി​ലീ​പ്, വി.​എം. പൗ​ലോ​സ്, മ​ണി പാ​മ്പ​നാ​ല്‍, സി.​വി. വേ​ലാ​യു​ധ​ന്‍, ബാ​ങ്ക് വാ​യ്പ വി​ഭാ​ഗം മേ​ധാ​വി​യാ​യി​രു​ന്ന പി.​യു. തോ​മ​സ്, വാ​യ്പ ഇ​ട​പാ​ടു​ക​ളി​ല്‍ ഇ​ട​നി​ല​ക്കാ​ര​നാ​യി​രു​ന്ന കൊ​ല്ല​പ്പ​ള്ളി സ​ജീ​വ​ന്‍ എ​ന്നി​വ​രാ​ണ് മ​റ്റു പ്ര​തി​ക​ള്‍. 5.62 കോ​ടി രൂ​പ​യു​ടെ ത​ട്ടി​പ്പ് ന​ട​ന്ന​താ​യാ​ണ് റി​പ്പോ​ർ​ട്ടി​ലു​ള്ള​ത്.

ബി​നാ​മി ഇ​ട​പാ​ടു​ക​ൾ​വ​ഴി ധ​നാ​പ​ഹ​ര​ണ​വും വാ​യ്പ​ത്ത​ട്ടി​പ്പു​മു​ൾ​പ്പെ​ടെ​യു​ള്ള പ​രാ​തി​ക​ളി​ൽ 2019ൽ ​വി​ജി​ല​ൻ​സ് അ​ന്വേ​ഷ​ണം തു​ട​ങ്ങി​യ​ത്. ബാ​ങ്കി​ന്റെ പ​രി​ധി​വി​ട്ടും വാ​യ്പ അ​നു​വ​ദി​ച്ചു. ര​ജി​സ്റ്റ​ർ ചെ​യ്യാ​ത്ത ഭൂ​മി​ക്ക് പ​വ​ർ ഓ​ഫ് അ​റ്റോ​ണി പ്ര​കാ​ര​വും വാ​യ്പ അ​നു​വ​ദി​ച്ചു. മൂ​ല്യം കു​റ​ഞ്ഞ ഭൂ​മി​ക്ക് ഉ​യ​ർ​ന്ന മൂ​ല്യം കാ​ണി​ച്ച് രേ​ഖ​ക​ളു​ണ്ടാ​ക്കി കൂ​ടു​ത​ൽ തു​ക ത​ട്ടി​യെ​ടു​ത്തു.

ഇ​ത്ത​ര​ത്തി​ൽ നി​ര​വ​ധി ത​ട്ടി​പ്പു​ക​ൾ ന​ട​ന്ന​താ​യി കു​റ്റ​പ​ത്ര​ത്തി​ലു​ണ്ട്. കെ.​കെ. അ​ബ്ര​ഹാ​മി​നെ​തി​രാ​യ തെ​ളി​വു​ക​ൾ വി​ജി​ല​ൻ​സ് ശേ​ഖ​രി​ച്ചി​ട്ടു​​ണ്ട്. മു​മ്പ് സ​ഹ​ക​ര​ണ വ​കു​പ്പ് ന​ട​ത്തി​യ അ​ന്വേ​ഷ​ണ​ത്തി​ൽ എ​ട്ട​ര കോ​ടി​യോ​ളം രൂ​പ​യു​ടെ അ​ഴി​മ​തി ന​ട​ന്ന​താ​യി ക​ണ്ടെ​ത്തി​യി​ട്ടു​ണ്ട്. നാ​ലു​ വ​ർ​ഷം മു​മ്പ് ന​ട​ത്തി​യ അ​ന്വേ​ഷ​ണ​ത്തി​ൽ കു​റ്റ​പ​ത്രം സ​മ​ർ​പ്പി​ക്കാ​ത്ത​ത് പ്ര​തി​ക​ളെ സം​ര​ക്ഷി​ക്കാ​നെ​ന്ന ആ​രോ​പ​ണ​മു​യ​ർ​ന്നി​രു​ന്നു.

ബാ​ങ്കി​ൽ വാ​യ്പ​ത്തു​ക തി​രി​മ​റി ന​ട​ത്തി​യെ​ന്ന പ​രാ​തി​യി​ൽ കെ.​കെ. അ​ബ്ര​ഹാം, സെ​ക്ര​ട്ട​റി കെ.​ടി. ര​മാ​ദേ​വി എ​ന്നി​വ​ർ റി​മാ​ൻ​ഡി​ലാ​ണ്. ര​ണ്ടു​പേ​രും ന​ൽ​കി​യ ജ്യാ​മാ​പേ​ക്ഷ ബ​ത്തേ​രി കോ​ട​തി ത​ള്ളി​യി​രു​ന്നു. കേ​ള​ക്ക​വ​ല സ്വ​ദേ​ശി​ക​ളാ​യ പ​റ​മ്പ​ക്കാ​ട്ട് ദാ​നി​യേ​ലും ഭാ​ര്യ സാ​റ​യും മു​മ്പ് ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ലാ​ണ് ഇ​രു​വ​ർ​ക്കു​മെ​തി​രെ ന​ട​പ​ടി. ധ​നാ​പ​ഹ​ര​ണം, വ​ഞ്ച​ന, ആ​ത്മ​ഹ​ത്യ​​പ്രേ​ര​ണ തു​ട​ങ്ങി​യ വ​കു​പ്പു​ക​ളി​ലാ​ണ് കേ​സ്. വാ​യ്പ​ത്ത​ട്ടി​പ്പി​നി​ര​യാ​യ ക​ർ​ഷ​ക​ൻ രാ​ജേ​ന്ദ്ര​ൻ നാ​യ​ർ ആ​ത്മ​ഹ​ത്യ ​ചെ​യ്ത​തി​നെ തു​ട​ർ​ന്ന് വ്യാ​പ​ക​മാ​യ പ്ര​തി​ഷേ​ധ​മു​യ​ർ​ന്നി​രു​ന്നു.