അ​ച്ച​ട​ക്ക​വും ന​ന്മ​യും ല​ക്ഷ്യ​മി​ട്ട് വിദ്യാർഥികളെ ശിക്ഷിക്കുന്നത് ക്രിമിനൽ കുറ്റമല്ല -ഹൈകോടതി

കൊ​ച്ചി: സ്ഥാ​പ​ന​ത്തി​ന്‍റെ അ​ച്ച​ട​ക്ക​വും കു​ട്ടി​ക​ളു​ടെ ന​ന്മ​യും ല​ക്ഷ്യ​മി​ട്ട് അ​ധ്യാ​പ​ക​ർ വി​ദ്യാ​ർ​ഥി​ക​ളെ ശി​ക്ഷി​ക്കു​ന്ന​ത് ക്രി​മി​ന​ൽ കു​റ്റ​മാ​യി ക​രു​താ​നാ​വി​ല്ലെ​ന്ന് ഹൈ​കോ​ട​തി. അ​തേ​സ​മ​യം, പെ​ട്ടെ​ന്നു​ണ്ടാ​യ കോ​പ​ത്തെ തു​ട​ർ​ന്ന് കു​ട്ടി​യു​ടെ ആ​രോ​ഗ്യ​ത്തെ ബാ​ധി​ക്കും​വി​ധം മ​ർ​ദി​ക്കു​ന്ന​ത്​ അ​ധ്യാ​പ​ക​ന്റെ അ​വ​കാ​ശ​മാ​യി ക​രു​താ​നോ അം​ഗീ​ക​രി​ക്കാ​നോ ആ​വി​ല്ല.

സാ​ഹ​ച​ര്യ​ങ്ങ​ളും ശി​ക്ഷ​യു​ടെ ആ​ഴ​വും ഗൗ​ര​വ​വും​കൂ​ടി ക​ണ​ക്കി​ലെ​ടു​ത്ത്​ മാ​ത്ര​മേ ഇ​ത്ത​രം സം​ഭ​വ​ങ്ങ​ളി​ൽ ക്രി​മി​ന​ൽ കു​റ്റം നി​ർ​ണ​യി​ക്കാ​നാ​വൂ. മാ​ർ​ക്ക് കു​റ​ഞ്ഞ​തി​ന്റെ പേ​രി​ലോ സ്ഥാ​പ​ന​ത്തി​ന്റെ അ​ച്ച​ട​ക്ക​ത്തി​ന്റെ ഭാ​ഗ​മാ​യോ ചു​മ​ത​ല​പ്പെ​ട്ട അ​ധ്യാ​പ​ക​ൻ വി​ദ്യാ​ർ​ഥി​യെ ശി​ക്ഷി​ക്കു​ന്ന​ത് ബാ​ല​നീ​തി നി​യ​മ​ത്തി​ന്‍റെ ലം​ഘ​ന​മ​ല്ലെ​ന്നും ജ​സ്റ്റി​സ്​ എ. ​ബ​ദ​റു​ദ്ദീ​ൻ വ്യ​ക്ത​മാ​ക്കി. ക്ലാ​സ് പ​രീ​ക്ഷ​യി​ൽ മാ​ർ​ക്ക് കു​റ​ഞ്ഞ​തി​ന്റെ പേ​രി​ൽ പെ​രു​മ്പാ​വൂ​ർ തോ​ട്ടു​വ സ്‌​കൂ​ളി​ലെ എ​ട്ടാം ക്ലാ​സ് വി​ദ്യാ​ർ​ഥി​നി​യെ ത​ല്ലി​യ ഇം​ഗ്ലീ​ഷ് അ​ധ്യാ​പ​ക​ൻ ജോ​മി​ക്കെ​തി​രെ കോ​ട​നാ​ട്​ പൊ​ലീ​സ്​ ര​ജി​സ്റ്റ​ർ ചെ​യ്ത കേ​സി​ലെ ന​ട​പ​ടി​ക​ൾ റ​ദ്ദാ​ക്കി​യാ​ണ്​ കോ​ട​തി​യു​ടെ നി​രീ​ക്ഷ​ണം.

ഒ​രു ദു​രു​ദ്ദേ​ശ്യ​വു​മി​ല്ലാ​തെ അ​ധ്യാ​പ​ക​ൻ എ​ന്ന നി​ല​യി​ൽ മാ​ത്രം കു​ട്ടി​യെ ശി​ക്ഷി​ച്ച​തി​ന്‍റെ പേ​രി​ൽ പെ​രു​മ്പാ​വൂ​ർ ജു​ഡീ​ഷ്യ​ൽ ഫ​സ്റ്റ് ക്ലാ​സ് മ​ജി​സ്‌​ട്രേ​റ്റ് കോ​ട​തി​യു​ടെ പ​രി​ഗ​ണ​ന​യി​ലി​രി​ക്കു​ന്ന കേ​സ്​ നി​ല​നി​ൽ​ക്കു​ന്ന​ത​ല്ലെ​ന്നാ​യി​രു​ന്നു ഹ​ര​ജി​ക്കാ​ര​ന്‍റെ വാ​ദം. ചി​ൽ​ഡ്ര​ൻ​സ് ഹോം, ​ഷെ​ൽ​റ്റ​ർ, സ്‌​പെ​ഷ​ൽ ഹോം ​തു​ട​ങ്ങി​യ​വ​യു​ടെ ഗ​ണ​ത്തി​ൽ​പെ​ടു​ന്ന​ത​ല്ല സ്‌​കൂ​ളു​ക​ളെ​ന്നും ത​നി​ക്കെ​തി​രെ ചു​മ​ത്തി​യ വ​കു​പ്പ്​ പ്ര​കാ​രം കേ​സെ​ടു​ക്കാ​നാ​വി​​ല്ലെ​ന്നു​മു​ള്ള ഹ​ര​ജി​ക്കാ​ര​ന്‍റെ വാ​ദം കോ​ട​തി അം​ഗീ​ക​രി​ച്ചു.