പുതുപ്പള്ളി ഉ​പ​തെ​ര​ഞ്ഞെ​ടു​പ്പ്: പാമ്പാടി മുന്നണികൾക്ക് നിർണായകം

കോ​ട്ട​യം: സ​ഭാ​ത​ർ​ക്കം ക​ഴി​ഞ്ഞ നി​യ​മ​സ​ഭ- ത​ദ്ദേ​ശ തെ​ര​ഞ്ഞെ​ടു​പ്പു​ക​ളി​ൽ നി​ഴ​ലി​ച്ച പാ​മ്പാ​ടി പ​ഞ്ചാ​യ​ത്ത് മു​ന്ന​ണി​ക​ൾ​ക്ക് നി​ർ​ണാ​യ​കം. 2016ല്‍ ​ഉ​മ്മ​ൻ ചാ​ണ്ടി മൂ​വാ​യി​ര​ത്തി​ല​ധി​കം വോ​ട്ടി​ന്‍റെ ലീ​ഡ് നേ​ടി​യ പാ​മ്പാ​ടി​യി​ല്‍ 2021ല്‍ ​ലീ​ഡ് കു​ത്ത​നെ കു​റ​ഞ്ഞു. ഉ​മ്മ​ൻ ചാ​ണ്ടി​യു​ടെ ഭൂ​രി​പ​ക്ഷം പ​തി​നാ​യി​ര​ത്തി​ൽ താ​ഴെ​പോ​കാ​നു​ള്ള കാ​ര​ണ​വും പാ​മ്പാ​ടി​യി​ലെ വോ​ട്ടു​ചോ​ർ​ച്ച​യാ​യി​രു​ന്നു.

ഉ​പ​തെ​ര​ഞ്ഞെ​ടു​പ്പി​ൽ എ​ൽ.​ഡി.​എ​ഫി​ന് ഈ ​ക​ണ​ക്കു​ക​ൾ പ്ര​തീ​ക്ഷ​യാ​കു​മ്പോ​ൾ, ഇ​ത്ത​വ​ണ ക​ളം മാ​റു​മെ​ന്ന് യു.​ഡി.​എ​ഫ് പ​റ​യു​ന്നു. പു​തു​പ്പ​ള്ളി നി​യോ​ജ​ക​മ​ണ്ഡ​ല​ത്തി​ന്‍റെ രാ​ഷ്ട്രീ​യ ത​ല​സ്ഥാ​നം കൂ​ടി​യാ​യ പാ​മ്പാ​ടി​യാ​ണ് എ​ക്കാ​ല​വും തെ​ര​ഞ്ഞെ​ടു​പ്പ് പ്ര​ചാ​ര​ണ​പ്ര​വ​ർ​ത്ത​ന​ങ്ങ​ളു​ടെ കേ​ന്ദ്രം. ഉ​പ​തെ​ര​ഞ്ഞെ​ടു​പ്പി​ലും ഇ​ട​ത്-​വ​ല​ത് മു​ന്ന​ണി​ക​ളു​ടെ മു​ഖ്യ​തെ​ര​ഞ്ഞെ​ടു​പ്പ് ക​മ്മി​റ്റി ഓ​ഫി​സു​ക​ൾ പ്ര​വ​ർ​ത്തി​ക്കു​ന്ന​ത് പാ​മ്പാ​ടി​യി​ലാ​ണ്. നേ​താ​ക്ക​ളെ​ല്ലാം ത​മ്പ​ടി​ക്കു​ന്ന​തും പാ​മ്പാ​ടി കേ​ന്ദ്രീ​ക​രി​ച്ചാ​ണ്.

വ​ല​തി​ന്‍റെ ശ​ക്തി​കേ​ന്ദ്ര​മെ​ന്ന വി​ശേ​ഷ​ണ​മു​ള്ള പാ​മ്പാ​ടി ക​ഴി​ഞ്ഞ ത​ദ്ദേ​ശ​തെ​ര​ഞ്ഞെ​ടു​പ്പി​ൽ ഇ​ട​തി​നൊ​പ്പ​മാ​ണ് നി​ല​യു​റ​പ്പി​ച്ച​ത്. 20 വ​ർ​ഷ​ത്തെ ഇ​ട​വേ​ള​ക്കു​ശേ​ഷ​മാ​യി​രു​ന്നു പ​ഞ്ചാ​യ​ത്ത് ചു​വ​ന്ന​ത്. 20 അം​ഗ ഭ​ര​ണ​സ​മി​തി​യി​ൽ എ​ല്‍.​ഡി.​എ​ഫ് - 12, യു.​ഡി.​എ​ഫ് -എ​ട്ട് എ​ന്നി​ങ്ങ​നെ​യാ​ണ് ക​ക്ഷി​നി​ല. പ​ഞ്ചാ​യ​ത്തി​ൽ നി​ർ​ണാ​യ​ക സ്വാ​ധീ​ന​മു​ള്ള യാ​ക്കോ​ബാ​യ വോ​ട്ടു​ക​ൾ ഇ​ട​തി​നൊ​പ്പം നി​ല​യു​റ​പ്പി​ച്ച​താ​ണ് അ​വ​ർ ഭ​ര​ണ​ത്തി​ലെ​ത്താ​ൻ കാ​ര​ണം.

നി​യ​മ​സ​ഭ തെ​ര​ഞ്ഞെ​ടു​പ്പി​ൽ ഉ​മ്മ​ൻ ചാ​ണ്ടി പി​ന്നി​ൽ പോ​കാ​നും കാ​ര​ണ​മി​താ​യി​രു​ന്നു. ച​ർ​ച്ച് ബി​ല്ല് കൊ​ണ്ടു​വ​രു​മെ​ന്നും ഇ​തി​ലൂ​ടെ യാ​ക്കോ​ബാ​യ സ​ഭ​ക്ക് ഭൂ​രി​പ​ക്ഷ​മു​ള്ള പ​ള്ളി​ക​ൾ ന​ഷ്ട​പ്പെ​ടു​ന്ന സാ​ഹ​ച​ര്യം ഒ​ഴി​വാ​ക്കു​മെ​ന്നു​മാ​യി​രു​ന്നു എ​ൽ.​ഡി.​എ​ഫ് പ്ര​ചാ​ര​ണം. ഇ​ത് യാ​ക്കോ​ബാ​യ വി​ശ്വാ​സി​ക​ളി​ൽ വ​ലി​യ സ്വാ​ധീ​നം ചെ​ലു​ത്തി​യി​രു​ന്നു.