സർക്കാറിന്​ താക്കീത്

പു​തു​പ്പ​ള്ളി​യി​ൽ ഇ​ട​തു​മു​ന്ന​ണി​യു​ടെ തോ​ൽ​വി ക​ടു​ത്ത പു​ന​രാ​ലോ​ച​ന​ക​ൾ​ക്ക് കാ​ര​ണ​മാ​കു​മെ​ന്നു​റ​പ്പ്. വെ​റും സ​ഹ​താ​പ ത​രം​ഗ​മോ ബി.​ജെ.​പി​യി​ൽ​നി​ന്ന് അ​ട​ർ​ന്നു​പോ​യ ​വോ​ട്ടു​ക​ളോ അ​ല്ല ചാ​ണ്ടി ഉ​മ്മ​​ന്റെ വ​ൻ ഭൂ​രി​പ​ക്ഷ​ത്തി​നു​പി​ന്നി​ലെ​ന്ന്​ മ​റ്റേ​തു​പാ​ർ​ട്ടി​യേ​ക്കാ​ൾ വ്യ​ക്ത​മാ​യി സി.​പി.​എ​മ്മി​ന് അ​റി​യാം. അ​തി​നാ​ൽ​ത്ത​ന്നെ പാ​ർ​ട്ടി​യു​ടെ രീ​തി​ക​ളി​ൽ മാ​റ്റം വ​ര​ണ​മെ​ന്ന​തി​ൽ സി.​പി.​എ​മ്മി​ൽ കാ​ര്യ​മാ​യ ച​ർ​ച്ച​യു​ണ്ടാ​കും. രാ​ജ്യം പാ​ർ​ല​മെൻറ്​ തെ​ര​ഞ്ഞെ​ടു​പ്പി​​ലേ​ക്ക്​ പോ​കു​​മ്പോ​ൾ പ്ര​തി​ബ​ദ്ധ​ത​യു​ള്ള ഒ​രു പാ​ർ​ട്ടി​ക്കും ഈ ​തി​രി​ച്ച​ടി ക​ണ്ടി​ല്ലെ​ന്നു​ ന​ടി​ക്കാ​നാ​വി​ല്ല. സ​ർ​ക്കാ​റി​നെ​തി​രാ​യ ജ​ന​വി​കാ​രം ശ​ക്ത​മാ​യി നി​ല​വി​ലു​ണ്ടെ​ന്ന്​ പ​ഠി​പ്പി​ക്കു​ന്ന​താ​ണ്​ തോ​ൽ​വി​യെ​ന്ന്​ പാ​ർ​ട്ടി​യു​ടെ വി​വി​ധ ഘ​ട​ക​ങ്ങ​ളി​ലും ച​ർ​ച്ച​യു​ണ്ടാ​കും. പ്ര​ത്യേ​കി​ച്ചും സ​ർ​ക്കാ​റി​നും മു​ഖ്യ​മ​ന്ത്രി​ക്കു​മെ​തി​രെ വ​ലി​യ ആ​രോ​പ​ണ​ങ്ങ​ൾ ഉ​യ​ർ​ന്നു​നി​ന്ന സാ​ഹ​ച​ര്യ​ത്തി​ൽ. സ​ർ​ക്കാ​റി​ന്​ ഈ ​ജ​യ​വും ​തോ​ൽ​വി​യും ബാ​ധ​ക​മാ​കി​​ല്ലെ​ങ്കി​ൽ​പോ​ലും മു​ഖ്യ​മ​ന്ത്രി ത​ന്നെ മു​ന്നി​ൽ​നി​ന്ന്​ പ്ര​ചാ​ര​ണം ന​യി​ച്ച തെ​ര​ഞ്ഞെ​ടു​പ്പി​നെ പാ​ർ​ട്ടി​യും മു​ന്ന​ണി​യും ഏ​റെ ഗൗ​ര​വ​മാ​യാ​ണ്​ നേ​രി​ട്ട​ത്.

സ​ർ​ക്കാ​റി​ന്റെ​ ക​ഴി​ഞ്ഞ ഏ​ഴു വ​ർ​ഷ​ത്തി​നി​ട​യി​ലെ ഏ​റ്റ​വും മോ​ശ​മാ​യ കാ​ല​ഘ​ട്ട​ത്തി​ലാ​ണ്​ തെ​ര​ഞ്ഞെ​ടു​പ്പ് ന​ട​ന്ന​ത്. സ്വ​ജ​ന​പ​ക്ഷ​പാ​ത​ത്തി​​ന്റെ പേ​രി​ലും അ​ഴി​മ​തി​യു​ടെ പേ​രി​ലും ഇ​ത്ര​മാ​ത്രം ആ​രോ​പ​ണ​ങ്ങ​ൾ നേ​രി​ട്ട കാ​ലം ഉ​ണ്ടാ​യി​ട്ടി​ല്ല. എ​ന്നി​ട്ടു​പോ​ലും സി.​പി.​എ​മ്മി​​ന്റെ പാ​ർ​ട്ടി​വോ​ട്ടു​ക​ളി​ൽ കു​റ​വു​വ​ന്നി​ട്ടി​ല്ലെ​ന്ന​ത്​ നേ​തൃ​ത്വ​ത്തി​ന്​ ആ​ശ്വാ​സ​ക​ര​മാ​ണ്. സി.​പി.​എം പ്ര​വ​ർ​ത്ത​ക​ർ​പോ​ലും ചാ​ണ്ടി ഉ​മ്മ​ന്​ വോ​ട്ട് ചെ​യ്തു​വെ​ന്ന കോ​ൺ​ഗ്ര​സ്​ അ​വ​കാ​ശ​വാ​ദ​ത്തി​ൽ ക​ഴ​മ്പി​ല്ലെ​ന്ന്​ സാ​രം. അ​തേ​സ​മ​യം, സ​ർ​ക്കാ​റി​നെ​തി​രാ​യ ജ​ന​വി​കാ​രം പ്ര​തി​ഫ​ലി​ക്കു​ന്നു​വെ​ന്ന​ത്​ വ്യ​ക്തം.

തെ​ര​ഞ്ഞെ​ടു​പ്പി​ൽ ഉ​മ്മ​ൻ ചാ​ണ്ടി​യോ​ടു​ള്ള സ​ഹ​താ​പ ത​രം​ഗം മു​ഖ്യ​ഘ​ട​ക​മാ​യി​രു​ന്നു​വെ​ങ്കി​ലും ഇ​ത്ര​വ​ലി​യ ഭൂ​രി​പ​ക്ഷം യു.​ഡി.​എ​ഫ്​ പോ​ലും പ്ര​തീ​ക്ഷി​ച്ചി​ല്ല. സ​ർ​ക്കാ​റി​നെ​തി​രെ ജ​ന​വി​കാ​ര​മു​ണ്ടെ​ങ്കി​ൽ മാ​ത്ര​മേ ഭൂ​രി​പ​ക്ഷം ഉ​യ​രൂ​വെ​ന്നും അ​വ​ർ ക​ണ​ക്കാ​ക്കി. 53 വ​ർ​ഷം നി​​യോ​ജ​ക മ​ണ്ഡ​ല​ത്തി​​ന്റെ അ​ധി​പ​നാ​യി​രു​ന്ന ഉ​മ്മ​ൻ ചാ​ണ്ടി​ക്ക്​ ഒ​രി​ക്ക​ലും ല​ഭി​ച്ചി​ട്ടി​ല്ലാ​ത്ത ഭൂ​രി​പ​ക്ഷം ചാ​ണ്ടി ഉ​മ്മ​ന് കി​ട്ട​ണ​മെ​ങ്കി​ൽ ഉ​മ്മ​ൻ ചാ​ണ്ടി ഫാ​ക്​​ട​ർ മാ​ത്രം മ​തി​യാ​കി​​ല്ലെ​ന്ന്​ ​ആ​ർ​ക്കും മ​ന​സ്സി​ലാ​കും. ഉ​മ്മ​ൻ ചാ​ണ്ടി​ക്ക്​ ഏ​റ്റ​വും വ​ലി​യ ഭൂ​രി​പ​ക്ഷം ല​ഭി​ച്ച 2011ലും (33,255 ​വോ​ട്ട്) തു​ട​ർ​ന്ന്​ 2016ലും (27,092 ​വോ​ട്ട്) യു.​ഡി.​എ​ഫി​ൽ മാ​ണി ഗ്രൂ​പ് നി​റ​സാ​ന്നി​ധ്യ​മാ​യി​രു​ന്നു. 2021ൽ ​മാ​ണി ഗ്രൂ​പ്പി​ല്ലാ​തെ യു.​ഡി.​എ​ഫ്​ മ​ത്സ​രി​ച്ച​പ്പോ​ൾ ഭൂ​രി​പ​ക്ഷം കു​ത്ത​നെ ഇ​ടി​ഞ്ഞു (9044 വോ​ട്ട്). മാ​ണി ഗ്രൂ​പ്പി​ല്ലാ​ത്ത അ​വ​സ്ഥ​യി​ൽ, കോ​ൺ​ഗ്ര​സി​ന്​ വേ​ണ്ട​ത്ര സം​ഘ​ട​ന സം​വി​ധാ​ന​മി​ല്ലാ​ത്ത മ​ണ്ഡ​ല​ത്തി​ൽ ഉ​മ്മ​ൻ ചാ​ണ്ടി​യു​ടെ സ​ഹ​താ​പ ത​രം​ഗം ആ​ഞ്ഞ​ടി​ച്ചാ​ൽ​പോ​ലും ചാ​ണ്ടി ഉ​മ്മ​ന് ക​ഷ്ടി​ച്ചൊ​രു വി​ജ​യ​മേ ഉ​ണ്ടാ​കാ​നി​ട​യു​ള്ളൂ​വെ​ന്നാ​ണ്​ ഇ​ട​തു​മു​ന്ന​ണി നേ​തൃ​ത്വ​വും ക​ണ​ക്കാ​ക്കി​യി​രു​ന്ന​ത്. അ​തി​​നെ മ​റി​ക​ട​ക്കാ​ൻ സ​ർ​ക്കാ​റി​ന്റെ മു​ഴു​വ​ൻ സം​വി​ധാ​ന​വും മ​ന്ത്രി​മാ​രും വി​ന്യ​സി​ക്ക​പ്പെ​ട്ടു. തെ​ര​ഞ്ഞെ​ടു​പ്പി​നെ രാ​ഷ്​​ട്രീ​യ പോ​രാ​ട്ട​മാ​ക്കി​മാ​റ്റാ​നും ഉ​മ്മ​ൻ ചാ​ണ്ടി​യു​ടെ ചി​കി​ത്സാ വി​വാ​ദം​പോ​ലും ച​ർ​ച്ചാ​വി​ഷ​യ​മാ​ക്കാ​നും ഇ​ട​തു​മു​ന്ന​ണി ശ്ര​മി​ച്ചി​ട്ടും ഫ​ല​മു​ണ്ടാ​യി​ല്ല.

സി.​പി.​എ​മ്മി​ന് കി​ട്ടി​യ​തി​നേ​ക്കാ​ൾ വ​ലി​യ തി​രി​ച്ച​ടി മാ​ണി ഗ്രൂ​പ്പി​നാ​ണ്. കോ​ട്ട​യം ജി​ല്ല​യി​ൽ പൊ​തു​വേ​യും പു​തു​പ്പ​ള്ളി​യി​ൽ പ്ര​ത്യേ​കി​ച്ചും വ​ലി​യ സ്വാ​ധീ​ന​മു​ണ്ടെ​ന്ന്​ ക​രു​ത​​പ്പെ​ടു​ന്ന പാ​ർ​ട്ടി​യാ​ണ​ത്. ര​ണ്ടു​പ​ഞ്ചാ​യ​ത്തു​ക​ളി​ൽ നി​ർ​ണാ​യ​ക സ്വാ​ധീ​ന​മു​ണ്ടെ​ന്നാ​ണ്​ ക​രു​ത​​പ്പെ​ട്ടി​രു​ന്ന​ത്. എ​ന്നാ​ൽ, ഈ ​പ​ഞ്ചാ​യ​ത്തു​ക​ളി​ലും ഇ​ട​തു​മു​ന്ന​ണി​യു​ടെ പ്ര​ക​ട​നം ദ​യ​നീ​യ​മാ​യി. പാ​ർ​ട്ടി​യു​ടെ പ്ര​സ​ക്തി പോ​ലും ചോ​ദ്യം ചെ​യ്യ​​പ്പെ​ടു​ക​യും വി​ല​പേ​ശ​ൽ ശ​ക്തി​യെ കാ​ര്യ​മാ​യി ബാ​ധി​ക്കു​ക​യും ചെ​യ്യും.

ബി.​ജെ.​പി​യു​ടെ ത​ക​ർ​ച്ച പ്ര​ക​ട​മാ​ണ്. 2016ൽ ​പു​തു​പ്പ​ള്ളി​യി​ൽ 15,993 വോ​ട്ട് നേ​ടി​യ പാ​ർ​ട്ടി​യാ​ണ​ത്. 2021ൽ 11,624 ​ആ​യി കു​റ​ഞ്ഞു. ഇ​ക്കു​റി​യാ​ക​​ട്ടെ 6558 മാ​ത്രം. വോ​ട്ടു​ചോ​ർ​ച്ച എ​ങ്ങോ​ട്ടാ​ണെ​ന്ന ച​ർ​ച്ച ന​ട​ക്കു​​മ്പോ​ൾ​ത്ത​ന്നെ പാ​ർ​ട്ടി​യു​ടെ ഘ​ട്ടം​ഘ​ട്ട​മാ​യു​ള്ള ശ​ക്തി​ക്ഷ​യം മ​ണ്ഡ​ല​ത്തി​ൽ പ്ര​ക​ട​മാ​ണ്. അ​തേ​സ​മ​യം, മ​ധ്യ തി​രു​വി​താം​കൂ​ർ മേ​ഖ​ല​യി​ൽ ഇ​ട​ക്കാ​ല​ത്തു​ണ്ടാ​യ ശ​ക്തി​ക്ഷ​യം ഈ ​തെ​ര​ഞ്ഞെ​ടു​​പ്പോ​ടെ പ​രി​ഹ​രി​ക്ക​പ്പെ​ട്ടു​വെ​ന്ന ച​ർ​ച്ച യു.​ഡി.​എ​ഫി​ൽ ഉ​യ​ർ​ന്നു​തു​ട​ങ്ങി​യി​ട്ടു​ണ്ട്. അ​തി​നാ​ൽ മു​ന്ന​ണി​യു​ടെ ആ​ത്മ​വി​ശ്വാ​സം വ​ർ​ധി​ക്കു​ക​യും ഘ​ട​ക​ക​ക്ഷി​ക​ളു​ടെ കെ​ട്ടു​റ​പ്പ്​ കൂ​ടു​ക​യും ചെ​യ്യു​മെ​ന്ന പ്ര​തീ​ക്ഷ കോ​ൺ​ഗ്ര​സ്​ നേ​തൃ​ത്വ​ത്തി​നു​ണ്ട്. പ്ര​വ​ർ​ത്ത​ക സ​മി​തി പു​നഃ​സം​ഘ​ട​ന സം​ബ​ന്ധി​ച്ച അ​സം​തൃ​പ്തി നി​ല​നി​ൽ​ക്കു​​മ്പോ​ൾ പോ​ലും കോ​ൺ​ഗ്ര​സ്​ നേ​തൃ​ത്വം കാ​ട്ടി​യ ഒ​രു​മ​യി​ൽ ഘ​ട​ക​ക​ക്ഷി​ക​ൾ പ്ര​ത്യേ​കി​ച്ച്,​ മു​സ്‍ലിം ലീ​ഗ്​ തൃ​പ്​​ത​രാ​ണ്.