തിരുത്തൽ സന്ദേശം

തി​രു​വ​ന​ന്ത​പു​രം: പു​തു​പ്പ​ള്ളി ഫ​ലം പ്ര​തീ​ക്ഷി​ച്ച​തു​​ത​ന്നെ​യെ​ങ്കി​ലും സ​ഹ​താ​പ​ത്തി​ന​പ്പു​റം സ​ർ​ക്കാ​റി​ന്‍റെ ന​യ നി​ല​പാ​ടു​ക​ളി​ൽ തി​രു​ത്ത​ൽ വേ​ണ​മെ​ന്ന സ​ന്ദേ​ശ​മാ​ണ്​​ റെ​ക്കോ​ഡ്​ ഭൂ​രി​പ​ക്ഷം ന​ൽ​കു​​ന്ന​ത്. നി​ഷ്പ​ക്ഷ​മ​തി​ക​ളു​ടെ​യും സി.​പി.​എ​മ്മി​ന്‍റെ ത​ന്നെ ചി​ല ഉ​റ​ച്ച വോ​ട്ടു​ക​ളും ചാ​ണ്ടി ഉ​മ്മ​ന്‍റെ പെ​ട്ടി​യി​ൽ വീ​ണു. അ​ടി​ത്ത​റ​ക്ക്​ അ​ശേ​ഷം ഇ​ള​ക്കം​ത​ട്ടി​യി​ട്ടി​ല്ലെ​ന്ന​ പ​തി​വ്​ അ​വ​കാ​ശ​വാ​ദ​ത്തി​ന​പ്പു​റം ശ​ക്ത​മാ​യ ഭ​ര​ണ​വി​രു​ദ്ധ വി​കാ​രം പ്ര​തി​ഫ​ലി​പ്പി​ക്കു​ന്ന പു​തു​പ്പ​ള്ളി ഫ​ലം ഇ​ട​തു​മു​ന്ന​ണി​ക്കും സ​ർ​ക്കാ​റി​നും ശ​ക്ത​മാ​യ താ​ക്കീ​ത്​ കൂ​ടി​യാ​ണ്. ലോ​ക്സ​ഭ തെ​ര​ഞ്ഞെ​ടു​പ്പ്​ പ​ടി​വാ​തി​ൽ​ക്ക​ൽ നി​ൽ​ക്കെ, ഏ​ഴു വ​ർ​ഷ​മാ​യി ഭ​ര​ണ​ത്തി​ന്​ പു​റ​ത്തു​ള്ള യു.​ഡി.​എ​ഫ്​ ക്യാ​മ്പി​ന്​ ആ​ത്മ​വി​ശ്വാ​സം പ​ക​രു​ന്നു ഈ​ ​ഫ​ലം. മോ​ദി സ​ർ​ക്കാ​റി​ന്‍റെ നേ​ട്ട​ങ്ങ​ൾ ഉ​യ​ർ​ത്തി​യ ബി.​ജെ.​പി​ക്ക്​ സ്വ​ന്തം വോ​ട്ട്​ പോ​ലും പെ​ട്ടി​യി​ലാ​ക്കാ​ൻ ക​ഴി​ഞ്ഞി​ല്ല. ക്രൈ​സ്ത​വ സ​മൂ​ഹ​ത്തെ ഒ​പ്പം നി​ർ​ത്തി കേ​ര​ളം പി​ടി​ക്കാ​ൻ മോ​ഹി​ച്ചി​റ​ങ്ങി​യ ബി.​ജെ.​പി​ക്ക്​ മ​ണി​പ്പൂ​ർ അ​ട​ക്കം മു​ന്നി​ൽ നി​ൽ​ക്കെ ക​ന​ത്ത ആ​ഘാ​ത​മാ​ണു​ണ്ടാ​യ​ത്.

ത​ദ്ദേ​ശ സ്ഥാ​പ​ന​ങ്ങ​ളി​ലെ മേ​ൽ​​ക്കൈ​യും ഉ​മ്മ​ൻ ചാ​ണ്ടി​യെ ക​ഴി​ഞ്ഞ ത​വ​ണ വെ​ള്ളം കു​ടി​പ്പി​ച്ച ജെ​യ്ക്കി​ന്‍റെ സ്ഥാ​നാ​ർ​ഥി​ത്വ​വും സ​ഭാ​ത​ർ​ക്കം അ​ട​ക്കം ഘ​ട​ക​ങ്ങ​ളും ഉ​പ​യോ​ഗ​പ്പെ​ടു​ത്തി ഒ​രു കൈ ​നോ​ക്കാ​നാ​ണ്​ സി.​പി.​എം ശ്ര​മി​ച്ച​ത്. വി​ക​സ​ന​ വാ​യ്​​ത്താ​രി​ക​ൾ വി​ല​പ്പോ​യി​ല്ല. പു​തു​പ്പ​ള്ളി​ക്ക്​ വി​ക​സ​ന​മി​ല്ലെ​ന്ന പ്ര​ചാ​ര​ണം, അ​ച്ചു ഉ​മ്മ​നെ​തി​രാ​യ സൈ​ബ​ർ ആ​ക്ര​മ​ണം, ചി​കി​ത്സാ വി​വാ​ദം എ​ന്നി​വ​യൊ​ന്നും ഗു​ണ​മു​ണ്ടാ​ക്കി​യി​ല്ലെ​ന്ന്​ മാ​ത്ര​മ​ല്ല, തി​രി​ച്ച​ടി​ക്കു​ക​യും ചെ​യ്തു.

ഉ​പ​തെ​ര​ഞ്ഞെ​ടു​പ്പ്​ ഘ​ട്ട​ത്തി​ൽ സ്വാ​ഭാ​വി​ക​മാ​യും ഭ​ര​ണ വി​ല​യി​രു​ത്ത​ലാ​കും ഫ​ല​മെ​ന്ന്​ ഭ​ര​ണ​പ​ക്ഷ​ത്തി​ന്​ പ​റ​യേ​ണ്ടി​വ​രും. അ​ങ്ങ​നെ​യൊ​രു സാ​ഹ​സ​ത്തി​ന്​ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ മു​തി​ർ​ന്നി​ല്ലെ​ങ്കി​ലും സി.​പി.​എം സം​സ്ഥാ​ന സെ​ക്ര​ട്ട​റി പ​റ​ഞ്ഞി​രു​ന്നു. സ​ർ​ക്കാ​റി​നെ​തി​രാ​യ വി​ധി​യെ​ഴു​ത്തെ​ന്ന്​ അ​തു​കൊ​ണ്ടു​ത​ന്നെ പ്ര​തി​പ​ക്ഷ​ത്തി​ന്​ അ​വ​കാ​ശ​പ്പെ​ടാം. അ​ടി​ത്ത​റ​യെ ബാ​ധി​ച്ചി​ല്ല, പ​രാ​ജ​യ കാ​ര​ണം സ​ഹ​താ​പം, ബി.​ജെ.​പി​ക്ക്​ അ​വ​രു​ടെ വോ​ട്ട്​ കി​ട്ടി​യി​ട്ടി​ല്ല തു​ട​ങ്ങി തൃ​ക്കാ​ക്ക​ര​ക്ക്​ സ​മാ​ന​മാ​യി സി.​പി.​എം ന്യാ​യ​ങ്ങ​ൾ ആ​വ​ർ​ത്തി​ക്കു​ന്നു​ണ്ട്. തൃ​ക്കാ​ക്ക​ര​യി​ൽ​നി​ന്ന്​ അ​വ​ർ പാ​ഠ​മൊ​ന്നും പ​ഠി​ച്ചി​ല്ലെ​ന്ന്​ ക​രു​ത​ണം.

ആ​രോ​പ​ണ​ങ്ങ​ളും ദു​സ്സ​ഹ​മാ​യ വി​ല​ക്ക​യ​റ്റ​വും ന​ടു​വൊ​ടി​ച്ച നി​കു​തി വ​ർ​ധ​ന​യും വൈ​ദ്യു​തി-​വെ​ള്ള​ക്ക​ര വ​ർ​ധ​ന​യും നേ​താ​ക്ക​ളു​ടെ ജ​ന​ങ്ങ​​ളോ​ടു​ള്ള സ​മീ​പ​ന​വു​മൊ​ക്കെ പ​രാ​ജ​യ​ത്തി​ന്‍റെ ആ​ഘാ​തം വ​ർ​ധി​പ്പി​ച്ചി​ട്ടു​ണ്ട്.

മി​ക​ച്ച സ്ഥാ​നാ​ർ​ഥി​യാ​യി​ട്ടും രാ​ഷ്ട്രീ​യ ജീ​വി​ത​ത്തി​ൽ ഓ​ർ​ക്കാ​ൻ ഇ​ഷ്ട​പ്പെ​ടാ​ത്ത തോ​ൽ​വി​യാ​ണ്​ ഒ​രേ മ​ണ്ഡ​ല​ത്തി​ൽ മൂ​ന്നാം ത​വ​ണ​യും ജെ​യ്ക്​​​ സി. ​തോ​മ​സി​നു​ണ്ടാ​യ​ത്. ഇ​ട​തു​പ​ക്ഷം വി​ക​സ​ന​മാ​ണ്​ പ്ര​ധാ​ന​മാ​യി ഉ​യ​ർ​ത്തി​യ​തെ​ങ്കി​ലും കൃ​ത്യ​മാ​യ പ​ദ്ധ​തി​ക​ൾ മു​ന്നോ​ട്ട്​ വെ​ക്കാ​നാ​യി​ല്ല.

മ​ധ്യ​കേ​ര​ള​ത്തി​ൽ കേ​ര​ള കോ​ൺ​ഗ്ര​സി​ന്‍റെ മു​ന്ന​ണി മാ​റ്റം ഉ​ണ്ടാ​ക്കി​യ പ്ര​തി​ഫ​ല​നം ക​ഴി​ഞ്ഞ തെ​ര​ഞ്ഞെ​ടു​പ്പി​ൽ വ്യ​ക്ത​മാ​യി​രു​ന്നു. എ​ന്നാ​ൽ, കേ​ര​ള കോ​ൺ​ഗ്ര​സ്​ കോ​ട്ട​ക​ളൊ​ന്നും ഇ​ക്കു​റി ഇ​ട​തി​നെ തു​ണ​ച്ചി​ല്ല. സ​ഭാ ത​ർ​ക്ക​മാ​ണ്​ ഉ​മ്മ​ൻ ചാ​ണ്ടി​ക്ക്​ 2021ൽ ​വ​ലി​യ ആ​ഘാ​ത​മാ​യ​ത്. ഇ​ക്കു​റി ഇ​ട​തു​​മു​ന്ന​ണി​ക്ക്​ അ​തി​ന്‍റെ ഗു​ണ​ഭോ​ക്താ​വാ​കാ​ൻ സാ​ധി​ച്ചി​ല്ല.

തുടക്കം മുതൽ ഒടുക്കംവരെ ചാണ്ടി ഉമ്മൻ

കോ​ട്ട​യം: വോ​ട്ടെ​ണ്ണ​ലി​ന്‍റെ ഒ​രു​ഘ​ട്ട​ത്തി​ലും പി​ന്നി​ൽ പോ​കാ​തെ യു.​ഡി.​എ​ഫ്​ സ്ഥാ​നാ​ർ​ഥി ചാ​ണ്ടി ഉ​മ്മ​ൻ. ആ​ദ്യം എ​ണ്ണി​യ അ​യ​ർ​ക്കു​ന്നം പ​ഞ്ചാ​യ​ത്തി​ൽ​ത​ന്നെ ചാ​ണ്ടി ഉ​മ്മ​ൻ ബ​ഹു​ദൂ​രം മു​ന്നി​ലെ​ത്തി. തു​ട​ർ റൗ​ണ്ടു​ക​ളി​ലും മു​ന്നേ​റ്റം തു​ട​ർ​ന്ന​തോ​ടെ എ​ല്ലാ ക​ണ്ണു​ക​ളും ക​ഴി​ഞ്ഞ ത​വ​ണ എ​ൽ.​ഡി.​എ​ഫ്​ സ്ഥാ​നാ​ർ​ഥി ജെ​യ്ക്​ സി. ​തോ​മ​സ്​ മു​ന്നി​ലെ​ത്തി​യ മ​ണ​ർ​കാ​ട്​ പ​ഞ്ചാ​യ​ത്തി​ലേ​ക്കാ​യി. എ​ന്നാ​ൽ, ഇ​വി​ടെ​യും ചാ​ണ്ടി കു​തി​പ്പ്​ തു​ട​ർ​ന്ന​തോ​ടെ എ​ൽ.​ഡി.​എ​ഫ്​ പ്ര​തീ​ക്ഷ​ക​ളും അ​സ്ത​മി​ച്ചു.

വോ​ട്ടെ​ണ്ണ​ലി​ന്‍റെ നാ​ലാം റൗ​ണ്ടി​ൽ ക​ഴി​ഞ്ഞ ത​വ​ണ​ത്തെ ഉ​മ്മ​ൻ ച​ണ്ടി​യു​ടെ ഭൂ​രി​പ​ക്ഷം ചാ​ണ്ടി ഉ​മ്മ​ൻ മ​റി​ക​ട​ന്നി​രു​ന്നു. 9044 വോ​ട്ടി​ന്‍റെ ഭൂ​രി​പ​ക്ഷ​മാ​യി​രു​ന്നു ക​ഴി​ഞ്ഞ ത​വ​ണ ഉ​മ്മ​ൻ ചാ​ണ്ടി നേ​ടി​യ​ത്. 12ാം റൗ​ണ്ടി​ൽ ഉ​മ്മ​ൻ ചാ​ണ്ടി​യു​ടെ റെ​ക്കോ​ഡ്​ ഭൂ​രി​പ​ക്ഷ​വും ചാ​ണ്ടി ഉ​മ്മ​ൻ പി​ന്നി​ട്ടു. 2011ൽ ​സു​ജ സൂ​സ​ൻ ജോ​ർ​ജി​നെ​തി​രെ നേ​ടി​യ 33,255 വോ​ട്ടാ​യി​രു​ന്നു ഉ​മ്മ​ൻ ചാ​ണ്ടി​യു​ടെ ഏ​റ്റ​വും ഉ​യ​ർ​ന്ന ഭൂ​രി​പ​ക്ഷം. മ​ണ്ഡ​ല​ത്തി​ൽ ആ​കെ 182 ബൂ​ത്തി​ൽ 181 ഇ​ട​ത്തും യു.​ഡി.​എ​ഫി​നാ​ണ്​ ഭൂ​രി​പ​ക്ഷം. ഒ​രി​ട​ത്തു​മാ​ത്ര​മാ​ണ്​ എ​ൽ.​ഡി.​എ​ഫ്​ മു​ന്നി​ലെ​ത്തി​യ​ത്.

ആവേശാരവങ്ങ​ളിൽ ഇളകിമറിഞ്ഞ്​ ഇന്ദിര ഭവൻ

തി​രു​വ​ന​ന്ത​പു​രം:​ പു​തു​പ്പ​ള്ളി​യി​ലെ ​വി​ജ​യ​ത്തി​ൽ പ​ട​ർ​ന്നു​നി​റ​ഞ്ഞ ആ​വേ​ശാ​ര​വ​ങ്ങ​​ളി​ൽ ഇ​ള​കി​മ​റി​ഞ്ഞ്​ കെ.​പി.​സി.​സി ആ​സ്ഥാ​ന​മാ​യ ഇ​ന്ദി​ര ഭ​വ​ൻ. ഫ​ല​പ്ര​ഖ്യാ​പ​നം തു​ട​ങ്ങി​യ​ത് മു​ത​ല്‍ നേ​താ​ക്ക​ളു​ടെ​യും പ്ര​വ​ര്‍ത്ത​ക​രു​ടെ​യും ഒ​ഴു​ക്കാ​യി​രു​ന്നു. പ​ട​ക്കം പൊ​ട്ടി​ച്ചും മ​ധു​രം വി​ത​ര​ണം ചെ​യ്തു​മ​ട​ക്കം ഉ​ത്സ​വ​നി​റ​വ്.

രാ​വി​ലെ എ​ട്ടോ​ടെ വോ​ട്ട്​ എ​ണ്ണി​ത്തു​ട​ങ്ങി​യ​​പ്പോ​ൾ ജീ​വ​ന​ക്കാ​രും ഏ​താ​നും പ്ര​വ​ർ​ത്ത​ക​രും മാ​ത്ര​മാ​ണ്​ ഉ​ണ്ടാ​യി​രു​ന്ന​ത്. ന​ല്ല ആ​ത്മ​വി​ശ്വാ​സ​ത്തി​ലാ​യി​രു​ന്നു യു.​ഡി.​എ​ഫ്​ ക്യാ​മ്പ്. ഓ​ഫി​സി​ലെ പ്ര​ധാ​ന ഹാ​ളി​ൽ​ത​ന്നെ ടി.​വി​യും നേ​താ​ക്ക​ൾ​ക്ക്​ ഇ​രി​ക്കാ​ൻ ക്ര​മീ​ക​ര​ണ​ങ്ങ​ളും സ​ജ്ജ​മാ​ക്കി​യി​രു​ന്നു. ക്ര​മേ​ണ പ്ര​വ​ർ​ത്ത​ക​ർ കൂ​ടി​വ​ന്നു. ര​മേ​ശ്​ ചെ​ന്നി​ത്ത​ല​യും എം.​എം. ഹ​സ​നും കൊ​ടി​ക്കു​ന്നി​ല്‍ സു​രേ​ഷ് എം.​പി​യു​മ​ട​ക്കം നേ​താ​ക്ക​ൾ ടി.​വി​ക്ക്​ മു​ന്നി​ൽ ക​ണ്ണും ന​ട്ടി​രു​ന്നു. അ​നു​നി​മി​ഷം ചാ​ണ്ടി ഉ​മ്മ​ന്റെ ലീ​ഡ് വ​ര്‍ധി​ക്കു​മ്പോ​ൾ മു​ദ്രാ​വാ​ക്യം വി​ളി​ക​ളു​യ​ർ​ന്നു, ആ​ര​വ​ങ്ങ​ൾ ക​നം​വെ​ച്ചു. പി​ന്നാ​ലെ പൂ​ത്തി​രി​യും പ​ട​ക്ക​വും മ​ധു​ര​പ​ല​ഹാ​ര​വും. ആ​ഘോ​ഷ​ങ്ങ​ളി​ൽ നേ​താ​ക്ക​ളും ഒ​പ്പം കൂ​ടി. വി​ജ​യം പ്ര​ഖ്യാ​പി​ച്ച​തോ​ടെ പ്ര​വ​ർ​ത്ത​ക​ർ പ്ര​ക​ട​ന​മാ​യി സെ​ക്ര​ട്ടേ​റി​യ​റ്റി​ന്​ മു​ന്നി​ലേ​ക്ക്. ഇ​വി​ടെ പാ​യ​സം വെ​ച്ച്​ വി​ത​ര​ണ​വും ന​ട​ന്നു. ഇ​തോ​ടെ സ​മ​ര​ഗേ​റ്റി​ലും ആ​ഹ്ലാ​ദ​ത്തി​ന്‍റെ പൊ​ടി​പൂ​രം.

ആഹ്ലാദാരവങ്ങളിലും പ്രാർഥനയിലും നിറഞ്ഞ്​ വീടും പള്ളിയും

കോ​ട്ട​യം: മു​ൻ വ​ർ​ഷ​ങ്ങ​ളി​ൽ​നി​ന്ന്​ വ്യ​ത്യ​സ്ത​മാ​യി​രു​ന്നു പു​തു​പ്പ​ള്ളി​യി​ലെ ജോ​ർ​ജി​യ​ൻ പ​ബ്ലി​ക്​ സ്കൂ​ളി​ന്​ എ​തി​ർ​വ​ശ​ത്തെ ഉ​മ്മ​ൻ ചാ​ണ്ടി​യു​ടെ സ​ഹോ​ദ​രി​യു​ടെ വീ​ടും സെൻറ്​ ജോ​ർ​ജ്​ വ​ലി​യ പ​ള്ളി​യും. സാ​ധാ​ര​ണ വോ​ട്ടെ​ടു​പ്പു​ദി​ന​ത്തി​ൽ സ​ഹോ​ദ​രി വ​ത്സ​മ്മ​യു​ടെ വീ​ട്ടി​ലെ​ത്തി​യ​ശേ​ഷം സ്കൂ​ളി​ൽ പോ​യി വോ​ട്ട്​ രേ​ഖ​പ്പെ​ടു​ത്തി​ മ​ട​ങ്ങു​ന്ന പ​തി​വാ​യി​രു​ന്നു ഉ​മ്മ​ൻ ചാ​ണ്ടി​ക്ക്​ എ​ങ്കി​ൽ വെ​ള്ളി​യാ​ഴ്ച സ്ഥി​തി ആ​കെ മാ​റി. മ​ണ​ലും​ഭാ​ഗം വീ​ട്ടി​ൽ വെ​ള്ളി​യാ​ഴ്ച രാ​വി​ലെ മു​ത​ൽ വ​ലി​യ തി​ര​ക്കാ​യി​രു​ന്നു.

പു​തു​പ്പ​ള്ളി​യി​ലെ യു.​ഡി.​എ​ഫ്​ സ്ഥാ​നാ​ർ​ഥി ചാ​ണ്ടി ഉ​മ്മ​നും സ​ഹോ​ദ​ര​ങ്ങ​ളാ​യ മ​റി​യ​വും അ​ച്ചു​വും മാ​താ​വ്​ മ​റി​യാ​മ്മ​യു​മെ​ല്ലാം ഈ ​വീ​ട്ടി​ലി​രു​ന്ന്​​ ​വോ​ട്ടെ​ണ്ണ​ൽ ടി.​വി​യി​ൽ കാ​ണു​ന്ന​തി​ന്‍റെ​യും പ്രാ​ർ​ഥ​ന​യു​ടെ​യും തി​ര​ക്കി​ലാ​യി​രു​ന്നു. ഇ​വ​ർ വീ​ട്ടി​നു​ള്ളി​ലാ​യി​രു​ന്നു എ​ങ്കി​ലും പു​റ​ത്ത്​ പ്ര​വ​ർ​ത്ത​ക​ർ​ക്ക്​ അ​പ്പ​പ്പോ​ൾ ടി.​വി​യി​ൽ ഫ​ലം കാ​ണാ​നു​ള്ള സൗ​ക​ര്യ​വും ഒ​രു​ക്കി​യി​രു​ന്നു. വോ​ട്ടെ​ണ്ണ​ൽ ആ​രം​ഭി​ച്ച​തു​മു​ത​ൽ ചാ​ണ്ടി ലീ​ഡ്​ നി​ല​നി​ർ​ത്തി​യ​തോ​ടെ ആ​വേ​ശം കൂ​ടി.

പ്ര​വ​ർ​ത്ത​ക​ർ വാ​ഹ​ന​ങ്ങ​ളി​ൽ ഈ ​വീ​ട്ടി​ലേ​ക്ക്​ ഒ​ഴു​കി​യെ​ത്തി. പ്ര​വ​ർ​ത്ത​ക​ർ കൂ​ടു​ത​ലാ​യി എ​ത്തി​യ​തോ​ടെ മ​റി​യം ഉ​മ്മ​ൻ വീ​ടി​ന്​ പു​റ​ത്തി​റ​ങ്ങി പ്ര​വ​ർ​ത്ത​ക​ർ​ക്കൊ​പ്പം ടി.​വി ക​ണ്ടു. ഒ​പ്പം കൈ​യി​ൽ പി​താ​വി​ന്‍റെ ചി​ത്ര​വു​മു​ണ്ടാ​യി. ഇ​തി​നി​ട​യി​ൽ ചാ​ണ്ടി ഉ​മ്മ​നും മാ​താ​വും പ്രാ​ർ​ഥ​ന​യും തു​ട​ർ​ന്നു. ചാ​ണ്ടി ഉ​മ്മ​ന്‍റെ ഭൂ​രി​പ​ക്ഷം വ​ർ​ധി​ക്കു​ന്ന​തി​ന​നു​സ​രി​ച്ച്​ പ്ര​വ​ർ​ത്ത​ക​ർ വീ​ട്ടി​ലേ​ക്ക്​ ഒ​ഴു​കി​യെ​ത്തി. ലീ​ഡ്​ മു​പ്പ​തി​നാ​യി​ര​ത്തി​നോ​ട്​ അ​ടു​ക്കാ​റാ​യ​പ്പോ​ൾ പ്ര​വ​ർ​ത്ത​ക​രു​ടെ ആ​വേ​ശം വാ​നോ​ളം. ഇ​തി​നി​ട​യി​ൽ പു​റ​ത്തു​വ​ന്ന അ​ച്ചു ഉ​മ്മ​ൻ മാ​ധ്യ​മ​ങ്ങ​ളോ​ട്​ പ്ര​തി​ക​രി​ച്ചു. പി​ന്നാ​ലെ ചാ​ണ്ടി ഉ​മ്മ​ൻ മാ​താ​വി​ൽ​നി​ന്ന്​ അ​നു​ഗ്ര​ഹം വാ​ങ്ങി പു​റ​ത്തേ​ക്ക്. അ​പ്പോ​ഴേ​ക്കും ഉ​മ്മ​ൻ ചാ​ണ്ടി​യു​ടെ റെ​ക്കോ​ഡ്​ ഭൂ​രി​പ​ക്ഷം ഭേ​ദി​ച്ചി​രു​ന്നു.