ക​ട​ലി​ൽ വീ​ണ​വ​ൻ ര​ക്ഷ​പ്പെ​ടാ​ൻ എ​ല്ലാ വ​ഴി​യും നോ​ക്കി​ല്ലേ, അതിനാണ് എ.​ഡി.​ജി.​പി നാ​ലു​ദി​വ​സം അ​വ​ധി​യെ​ടു​ത്ത​ത് -പി.വി. അൻവർ

കോ​ഴി​ക്കോ​ട്: ക​ട​ലി​ൽ വീ​ണ​വ​ൻ ര​ക്ഷ​പ്പെ​ടാ​ൻ എ​ല്ലാ വ​ഴി​യും നോ​ക്കി​ല്ലേ, ആ ​വ​ഴി​തേ​ടി​യാ​ണ് നാ​ലു​ദി​വ​സം എ.​ഡി.​ജി.​പി എം.​ആ​ര്‍. അ​ജി​ത്കു​മാർ അ​വ​ധി​യെ​ടു​ത്ത​തെന്ന് പി.​വി. അ​ന്‍വ​ര്‍ എം.​എ​ല്‍.​എ. കോഴിക്കോട് ന​ഗ​ര​ത്തി​ല്‍നി​ന്ന് ഒ​രു​കൊ​ല്ലം മു​മ്പ് കാ​ണാ​താ​യ വ്യ​വ​സാ​യി ബാ​ലു​ശ്ശേ​രി എ​ര​മം​ഗ​ലം കോ​ക്ക​ല്ലൂ​ർ മു​ഹ​മ്മ​ദ് ആ​ട്ടൂ​രി​ന്റെ (മാ​മി -56) വെ​ള്ളി​മാ​ട്കു​ന്നി​ലെ വീ​ട്ടി​ലെ​ത്തി ബ​ന്ധു​ക്ക​ളെ സ​ന്ദ​ർ​ശി​ച്ച​ശേ​ഷം മാ​ധ്യ​മ​ങ്ങ​ളോ​ട് സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

തി​രോ​ധാ​ന​ത്തി​ന് പി​ന്നി​ല്‍ എ.​ഡി.​ജി.​പി എം.​ആ​ര്‍. അ​ജി​ത്കു​മാ​റി​ന്റെ ക​റു​ത്ത കൈ​ക​ളാ​ണ്. തി​രോ​ധാ​ന​വു​മാ​യി ബ​ന്ധ​പ്പെ​ട്ട് ഒ​ളി​ഞ്ഞും തെ​ളി​ഞ്ഞും എ.​ഡി.​ജി.​പി​ക്ക് പ​ങ്കു​ണ്ട്. വി​വാ​ദ​ത്തി​നു പി​ന്നാ​ലെ അ​ജി​ത്കു​മാ​ർ അ​വ​ധി​യി​ൽ പോ​യ​ത് തെ​ളി​വു​ക​ൾ ന​ശി​പ്പി​ക്കാ​നു​ള്ള ശ്ര​മ​ത്തി​ന്റെ ഭാ​ഗ​മാ​ണ്. അ​ദ്ദേ​ഹ​മൊ​രു നൊ​ട്ടോ​റി​യ​സ് ക്രി​മി​ന​ലാ​ണ്. കാ​ല​ച​ക്രം തി​രി​ക്കാ​ൻ നോ​ക്കു​ന്ന അ​യാ​ൾ​ക്ക് സു​ജി​ത് ദാ​സി​ന്റെ ഗ​തി​വ​രും.

ഇ​പ്പോ​ഴ​ത്തെ ഉ​ദ്യോ​ഗ​സ്ഥ​ന്മാ​ർ സ​ത്യ​സ​ന്ധ​മാ​യി അ​ന്വേ​ഷ​ണം ന​ട​ത്തി​യാ​ൽ അ​യാ​ൾ ക്രി​മി​ന​ലാ​ണെ​ന്ന് കേ​ര​ളം ക​ണ്ടി​രി​ക്കും. സ​സ്​​പെ​ൻ​ഷ​നി​ലാ​യ എ​സ്.​പി സു​ജി​ത് ദാ​സും അ​ജി​ത്കു​മാ​റും ഒ​ര​ച്ഛ​ന്റെ ര​ണ്ടു മ​ക്ക​ളാ​ണ്. അ​ജി​ത്കു​മാ​ർ ഏ​ട്ട​നാ​ണ്. മാ​മി​യെ നേ​ര​ത്തേ അ​റി​യി​ല്ല. ക​ച്ച​വ​ട ബ​ന്ധ​മു​ള്ള​യാ​ൾ എ​വി​ടെ​യെ​ങ്കി​ലും ജീ​വി​ച്ചി​രി​പ്പു​ണ്ടെ​ങ്കി​ൽ അ​ന്വേ​ഷി​ച്ചാ​ൽ സൂ​ച​ന കി​ട്ടും. മാ​മി കൊ​ല്ല​പ്പെ​ട്ടി​ട്ടു​ണ്ടോ​യെ​ന്നു സം​ശ​യി​ക്കു​ന്നു​വെ​ന്നും അ​ന്‍വ​ര്‍ പ​റ​ഞ്ഞു.

ഞാ​യ​റാ​ഴ്ച രാ​വി​ലെ 11ഓ​ടെ എ​ത്തി​യ എം.​എ​ൽ.​എ ര​ണ്ട് മ​ണി​ക്കൂ​റോ​ളം കു​ടും​ബാം​ഗ​ങ്ങ​ൾ​ക്കൊ​പ്പം ചെ​ല​വി​ട്ടു. കേ​സു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ളാ​ണ് സം​സാ​രി​ച്ച​തെ​ന്ന് ബ​ന്ധു​ക്ക​ൾ പ​റ​ഞ്ഞു. മാ​മി തി​രോ​ധാ​ന​ത്തി​ന് പി​ന്നി​ല്‍ എ.​ഡി.​ജി.​പി​യാ​ണെ​ന്ന​തി​ന് തെ​ളി​വു​ക​ളു​ണ്ട്. അ​വ ക്രൈം​ബ്രാ​ഞ്ചി​ന് കൈ​മാ​റും. ക്രൈം​ബ്രാ​ഞ്ച് അ​ന്വേ​ഷ​ണ​ത്തി​ൽ വി​ശ്വാ​സ​മു​ണ്ട്. സി.​ബി.​ഐ വ​ര​ണ​മെ​ന്ന ആ​വ​ശ്യ​ത്തി​ൽ​നി​ന്ന് ത​ൽ​ക്കാ​ലം പി​ന്മാ​റാ​ൻ കു​ടും​ബ​ത്തോ​ട് പ​റ​ഞ്ഞി​ട്ടു​ണ്ട്.

ക്രൈം​ബ്രാ​ഞ്ച് അ​ന്വേ​ഷ​ണ​ത്തി​ല്‍ പ്ര​തീ​ക്ഷ​യ​ര്‍പ്പി​ക്ക​ണ​മെ​ന്ന് അ​ന്‍വ​ര്‍ പ​റ​ഞ്ഞെ​ന്ന് മാ​മി​യു​ടെ സ​ഹോ​ദ​രി റം​ല പ്ര​തി​ക​രി​ച്ചു. ര​ണ്ട് മാ​സം ക്രൈം​ബ്രാ​ഞ്ച് അ​ന്വേ​ഷ​ണം ന​ട​ത്തി​യി​ട്ടും വി​വ​ര​മൊ​ന്നു​മി​ല്ലെ​ങ്കി​ൽ സി.​ബി.​ഐ​യെ​ക്കൊ​ണ്ട് അ​ന്വേ​ഷി​പ്പി​ക്കാ​ൻ ആ​വ​ശ്യ​മു​ന്ന​യി​ക്കാ​മെ​ന്ന് അ​ന്‍വ​ര്‍ പ​റ​ഞ്ഞ​താ​യും ബ​ന്ധു​ക്ക​ൾ അ​റി​യി​ച്ചു.