വി.ഡി. സതീശന്‍റെ മ​ല​യോ​ര സ​മ​രയാ​ത്രയിൽ പങ്കെടുക്കാൻ പി.വി. അൻവർ

മലപ്പുറം: പ്രതിപക്ഷ നേതാവ് വി.ഡി സതീശന്‍ നയിക്കുന്ന മ​ല​യോ​ര സ​മ​രയാ​ത്രയിൽ പി.വി. അൻവർ പങ്കെടുക്കും. ജാഥയുടെ നിലമ്പൂരിൽ നടക്കുന്ന പരിപാടിയിലാണ് അൻവർ പങ്കെടുക്കുക.

മുസ്‍ലിം ലീഗ് സംസ്ഥാന കമ്മറ്റി കവളപ്പാറയില്‍ നിർമിച്ച വീടുകള്‍ കൈമാറുന്ന ചടങ്ങിൽ പങ്കെടുത്ത ശേഷം മാധ്യമങ്ങളോട് സംസാരിക്കവെയാണ് അന്‍വർ ഇക്കാര്യം പറഞ്ഞത്. എന്നാൽ, യു.ഡി.എഫ് ഔദ്യോഗികമായി ക്ഷണിച്ചോ എന്ന ചോദ്യത്തിന് അന്‍വർ മറുപടി നൽകിയില്ല. ഇന്നലെ മാനന്തവാടിയിൽവെച്ച് വി.ഡി സതീശനുമായി പി.വി അൻവർ കൂടിക്കാഴ്ച നടത്തിയിരുന്നു.

മുസ്‍ലിം ലീഗിന്റെ പ്രളയ പുനരധിവാസ പദ്ധതിയുടെ ഭാഗമായുള്ള പത്ത് വീടുകളുടെ താക്കോല്‍ ദാനത്തിലാണ് പി.വി. അന്‍വര്‍ പങ്കെടുത്തത്. പി.കെ. കുഞ്ഞാലിക്കുട്ടി, സാദിഖലി ശിഹാബ് തങ്ങള്‍ എന്നീ നേതാക്കള്‍ക്കൊപ്പമാണ് അന്‍വര്‍ പങ്കെടുത്തത്.

വ​ന്യ​മൃ​ഗ​ങ്ങ​ളു​ടെ ആ​ക്ര​മ​ണ​ത്തി​ൽ​ നി​ന്ന് മ​ല​യോ​ര ക​ർ​ഷ​ക​രെ​യും ജ​ന​ങ്ങ​ളെ​യും ര​ക്ഷി​ക്കു​ക, കാ​ർ​ഷി​ക മേ​ഖ​ല​യി​ലെ ത​ക​ർ​ച്ച​ക്ക് പ​രി​ഹാ​രം ഉ​ണ്ടാ​ക്കു​ക, ബ​ഫ​ർ സോ​ൺ വി​ഷ​യ​ത്തി​ൽ കേ​ന്ദ്ര​സ​ർ​ക്കാ​ർ ഇ​ട​പെ​ടു​ക തു​ട​ങ്ങി​യ ആ​വ​ശ്യ​ങ്ങൾ ഉ​ന്ന​യി​ച്ചാ​ണ് കേന്ദ്ര-സംസ്ഥാന സര്‍ക്കാരുകള്‍ക്കെതിരെ പ്രതിപക്ഷ നേതാവിന്‍റെ മലയോര സമരയാത്ര. ഇരിക്കൂരിലെ ക​രു​വ​ഞ്ചാ​ലി​ൽ നിന്നും ആരംഭിച്ച യാത്ര ഫെബ്രുവരി 5ന് തിരുവനന്തപുരം അമ്പൂരിയില്‍ സമാപിക്കും.