ഘാനയിൽ നി​ന്ന് തി​രി​ച്ചെ​ത്തിയ പി.വി അ​ൻ​വ​റിന് കരിപ്പൂരിൽ വൻ സീകരണം

കോ​ഴി​ക്കോ​ട്: നി​ല​മ്പൂ​ർ എം.​എ​ൽ​.എ പി.​വി. അ​ൻ​വ​ർ ഘാനയിൽ നി​ന്ന് തി​രി​ച്ചെ​ത്തി. വ്യാ​ഴാ​ഴ്ച ഉ​ച്ച​യോ​ടെ ക​രി​പ്പൂ​ർ വി​മാ​ന​ത്താ​വ​ള​ത്തി​ലാ​ണ് അ​ദ്ദേ​ഹം എത്തിയത്. നി​ര​വ​ധി പ്ര​വ​ർ​ത്ത​കർ അ​ദ്ദേ​ഹ​ത്തി​ന്‍റെ വ​ര​വും കാ​ത്ത് രാ​വി​ലെ മു​ത​ൽ വിമാനത്താവളത്തിൽ എ​ത്തി​യി​രു​ന്നു.

വ​ൻ സ്വീ​ക​ര​ണ​മാണ് കരിപ്പൂർ വിമാനത്താവളത്തിൽ ഒരുക്കിയിരുന്നത്. വിമാനമിറങ്ങിയ ഉടൻ അ​ദ്ദേ​ഹം നി​ല​മ്പൂ​രി​ലേ​ക്ക് പു​റ​പ്പെ​ട്ടു. നിരവധി വാഹനങ്ങൾ നി​ല​മ്പൂ​ർ ച​ന്ത​ക്കു​ന്ന് വ​രെ അൻവറിനെ അനുഗമിക്കും. വി​ദേ​ശ​ത്തു​നി​ന്ന് വ​രു​ന്ന​തി​നാ​ൽ കാറിൽ നിന്ന് പുറത്തിറങ്ങാതെയാണ് അ​ൻ​വ​ർ സ്വീ​ക​ര​ണം ഏ​റ്റു​വാ​ങ്ങിയത്. വീട്ടിൽത്തന്നെയാണ് ഇദ്ദേഹം ക്വാറന്‍റീനിൽ കഴിയുക.

ത​ദ്ദേ​ശ തെ​ര​ഞ്ഞെ​ടു​പ്പി​ന്‍റെ ഫ​ലം വ​ന്ന​തി​ന് പി​ന്നാ​ലെ വി​ദേ​ശത്തേക്ക് പോ​യതാണ് പി.വി. അൻവർ. ഇദ്ദേഹത്തെ കാ​ണാ​നി​ല്ലെ​ന്ന യൂ​ത്ത് കോ​ണ്‍​ഗ്ര​സ് നിയോജകമണ്ഡലത്തിൽ പ്രചാരണം നടത്തിയിരുന്നു. എം.​എ​ല്‍.​എ ഘാ​ന​യി​ലെ ജ​യി​ലി​ലാ​ണെ​ന്നും അ​ദ്ദേ​ഹ​ത്തെ വി​ട്ട​യ​ക്ക​ണ​മെ​ന്നു​ം ആവശ്യപ്പെട്ട് ഘാ​ന പ്ര​സി​ഡ​ന്‍റിന്‍റെ ഫെയ്സ്ബുക്ക് പേ​ജി​ല്‍ മ​ല​യാ​ള​ത്തി​ല്‍ പോസ്റ്റുകളും ഇട്ടതും വലി‍യ വാർത്തയായി. ക​ഴി​ഞ്ഞ ദി​വ​സം ഐ​ശ്വ​ര്യ കേ​ര​ള​യു​ടെ നി​ല​മ്പൂ​രി​ലെ സ്വീ​ക​ര​ണ​ത്തി​ല്‍ പ്ര​തി​പ​ക്ഷ നേ​താ​വും എം.​എ​ല്‍​.എ​യെ മ​ണ്ഡ​ല​ത്തി​ല്‍ കാ​ണാ​നി​ല്ലെ​ന്ന വി​മ​ര്‍​ശ​നം ഉ​ന്ന​യി​ച്ചി​രു​ന്നു.