ചിങ്കണ്ണിപ്പാലിയിലെ തടയണ പൊളിച്ചുനീക്കണമെന്ന്​ ഹൈകോടതി

കൊ​ച്ചി: മ​ല​പ്പു​റം ഓ​ര്‍ങ്ങാ​ട്ടേ​രി പ​ഞ്ചാ​യ​ത്തി​ലെ ചി​ങ്ക​ണ്ണി​പ്പാ​ലി​യി​ല്‍ പി.​വി. അ​ന്‍വ​ര്‍ എം.​എ​ല്‍.​എ​യു​ടെ ഭാ​ര്യ​പി​താ​വ്​ അ​ബ്​​ദു​ൽ ല​ത്തീ​ഫി​​െൻറ സ്ഥ​ല​ത്ത് സ്ഥാ​പി​ച്ച ത​ട​യ​ണ പൊ​ളി​ച്ചു​നീ​ക്കാ​ൻ കോ​ട​തി നി​ർ​ദേ​ശി​ച്ചു.

ത​ട​യ​ണ പൊ​ളി​ച്ചു​നീ​ക്കു​മെ​ന്നും വെ​ള്ളം കെ​ട്ടി​നി​ൽ​ക്കു​ന്ന സാ​ഹ​ച​ര്യം ഒ​ഴി​വാ​ക്കു​മെ​ന്നു​മു​ള്ള ഉ​ട​മ​സ്​​ഥ​​െൻറ ഉ​റ​പ്പ്​ രേ​ഖ​പ്പെ​ടു​ത്തി​യാ​ണ്​ നി​ർ​ദേ​ശം. ത​ട​യ​ണ പൊ​ളി​ച്ചു​നീ​ക്ക​ണ​മെ​ന്നും അ​ല്ലാ​ത്ത​പ​ക്ഷം ഗു​രു​ത​ര പ്ര​ത്യാ​ഘാ​ത​മു​ണ്ടാ​കു​മെ​ന്നു​മു​ള്ള വി​ദ​ഗ്​​ധ​സ​മി​തി റി​പ്പോ​ർ​ട്ട്​ ന​ട​പ്പാ​ക്കു​ന്ന​തി​നെ​തി​രെ അ​ബ്​​ദു​ൽ ല​ത്തീ​ഫ് ന​ൽ​കി​യ ഹ​ര​ജി​യാ​ണ് കോ​ട​തി പ​രി​ഗ​ണി​ച്ച​ത്.

ക​ഴി​ഞ്ഞ മ​ഴ​ക്കാ​ല​ത്ത് നാ​ലു​ത​വ​ണ ഉ​രു​ൾ​പൊ​ട്ട​ലു​ണ്ടാ​യ മേ​ഖ​ല​യാ​ണി​തെ​ന്നും ചെ​ക്ക് ഡാം ​ത​ക​ർ​ന്നാ​ൽ താ​ഴെ​യു​ള്ള ആ​ദി​വാ​സി​ക്കോ​ള​നി ത​ക​ർ​ന്ന് വ​ൻ നാ​ശ​മു​ണ്ടാ​കു​മെ​ന്ന് റി​പ്പോ​ർ​ട്ടി​ൽ വ്യ​ക്ത​മാ​ക്കി​യി​രു​ന്നു. ഇ​ത​നു​സ​രി​ച്ച് ത​ട​യ​ണ തു​റ​ന്നു​വി​ട്ടെ​ങ്കി​ലും വെ​ള്ളം വീ​ണ്ടും കെ​ട്ടി​നി​ൽ​ക്കു​ന്ന സാ​ഹ​ച​ര്യ​മു​ണ്ടെ​ന്ന് അ​ധി​കൃ​ത​ർ വ്യ​ക്ത​മാ​ക്കി.

ത​ട​യ​ണ​യി​ൽ വെ​ള്ളം കെ​ട്ടി​നി​ൽ​ക്കു​ന്നു​ണ്ടോ​യെ​ന്ന കാ​ര്യ​ത്തി​ൽ അ​വ്യ​ക്ത​ത​യു​ണ്ടെ​ന്ന് ചീ​ഫ് ജ​സ്​​റ്റി​സ് ഉ​ൾ​പ്പെ​ട്ട ഡി​വി​ഷ​ൻ ബെ​ഞ്ച് വ്യ​ക്ത​മാ​ക്കി. തു​ട​ർ​ന്നാ​ണ് ചെ​ക്ക് ഡാം ​തു​റ​ന്നു​വി​ട്ട് വെ​ള്ളം കെ​ട്ടി​നി​ൽ​ക്കു​ന്നി​ല്ലെ​ന്ന് ഉ​റ​പ്പാ​ക്കു​മെ​ന്ന ഹ​ര​ജി​ക്കാ​രു​ടെ അ​ഭി​ഭാ​ഷ​ക​​െൻറ ഉ​റ​പ്പ്​ രേ​ഖ​പ്പെ​ടു​ത്താ​ൻ കോ​ട​തി നി​ർ​ദേ​ശം ന​ൽ​കി​യ​ത്.