പി.വി. അൻവറിന്റെ മിച്ചഭൂമി: ഉദ്യോഗസ്ഥ ഒത്താശയെന്ന്​ ആക്ഷേപം

കോ​ഴി​ക്കോ​ട്: പി.​വി. അ​ൻ​വ​ർ എം.​എ​ൽ.​എ​യു​ടെ 6.2 ഏ​ക്ക​ർ മാ​ത്രം മി​ച്ച​ഭൂ​മി​യാ​യി തി​രി​ച്ചു​പി​ടി​ക്കാ​നു​ള്ള ഉ​ത്ത​ര​വി​നാ​യി ഉ​ദ്യോ​ഗ​സ്ഥ​ത​ല​ത്തി​ൽ ഒ​ത്താ​ശ ല​ഭി​ച്ച​താ​യി പ​രാ​തി​ക്കാ​ര​ൻ. താ​മ​ര​ശ്ശേ​രി താ​ലൂ​ക്ക് ലാ​ൻ​ഡ് ബോ​ർ​ഡ് മ​തി​യാ​യ പ​രി​ശോ​ധ​ന ന​ട​ത്താ​തെ​യും ച​ട്ട​ങ്ങ​ൾ പാ​ലി​ക്കാ​തെ​യു​മാ​ണ് ഉ​ത്ത​ര​വി​റ​ക്കി​യ​ത് എ​ന്നാ​ണ് ആ​രോ​പ​ണം. അ​ൻ​വ​റി​ന്റെ തോ​ട്ടം ഭൂ​മി​ക​ൾ മാ​ത്ര​മാ​ണ് ക​ണ്ടു​കെ​ട്ടേ​ണ്ട​തി​ന്റെ പ​ട്ടി​ക​യി​ലു​ൾ​പ്പെ​ടു​ത്തി​യ​ത്.

വി​ഷ​യ​ത്തി​ൽ ലാ​ൻ​ഡ് ബോ​ർ​ഡ് സ്വ​ത​ന്ത്ര അ​ന്വേ​ഷ​ണം ന​ട​ത്തി​യി​ല്ലെ​ന്നും ല​ഭ്യ​മാ​യ വി​വ​ര​ങ്ങ​ളു​ടെ അ​ടി​സ്ഥാ​ന​ത്തി​ൽ അ​ൻ​വ​റി​ന് ‘വ​ലി​യ പ​രി​ക്കേ​ൽ​ക്കാ​ത്ത ത​ര​ത്തി​ൽ’ ഉ​ത്ത​ര​വി​റ​ക്കു​ക​യാ​ണു​ണ്ടാ​യ​തെ​ന്നു​മാ​ണ് പ​രാ​തി​ക്കാ​ര​നാ​യ, വി​വ​രാ​വ​കാ​ശ​പ്ര​വ​ർ​ത്ത​ക​ൻ കൂ​ടി​യാ​യ കെ.​വി. ഷാ​ജി പ​റ​യു​ന്നു. എം.​എ​ൽ.​എ​യു​ടെ ആ​കെ ഭൂ​മി​യു​ടെ വി​ശ​ദാം​ശ​ങ്ങ​ൾ (ക​മ്പ​നി​യു​ടെ പേ​രി​ൽ, സ്വ​ന്തം പേ​രി​ൽ, കു​ടും​ബാം​ഗ​ങ്ങ​ളു​ടെ പേ​രി​ൽ) ഇ​നം തി​രി​ച്ച് ലാ​ൻ​ഡ് ബോ​ർ​ഡ് വാ​ങ്ങു​ക​യോ പ​രി​ശോ​ധി​ക്കു​ക​യോ ചെ​യ്തി​ട്ടി​ല്ല. മൊ​ത്തം ഭൂ​മി​യു​ടെ​യും അ​ള​വ് പ​രി​ശോ​ധി​ക്കാ​തെ എ​ങ്ങ​നെ​യാ​ണ് മി​ച്ച​ഭൂ​മി​യു​ടെ അ​ള​വ് നി​ശ്ച​യി​ക്കു​ക എ​ന്നും ഷാ​ജി ചോ​ദി​ക്കു​ന്നു.

അ​തേ​സ​മ​യം, മി​ച്ച​ഭൂ​മി​യാ​യി ക​ണ​ക്കാ​ക്കു​ന്ന​തി​ൽ​നി​ന്ന് ഒ​ഴി​വാ​ക്കാ​ൻ ആ​വ​ശ്യ​പ്പെ​ട്ട, വി​ദ്യാ​ഭ്യാ​സ സ്ഥാ​പ​ന​ങ്ങ​ളും വാ​ണി​ജ്യ സ്ഥാ​പ​ന​ങ്ങ​ളു​മു​ള്ള വ​സ്തു​വി​നെ ഒ​ഴി​വാ​ക്കി​യി​ട്ടു​മു​ണ്ട്. മു​ഴു​വ​ൻ ഭൂ​മി​യു​ടെ​യും രേ​ഖ​ക​ൾ വാ​ങ്ങി പ​രി​ശോ​ധി​ക്കു​ന്ന​തി​നു​പ​ക​രം പ​രാ​തി​ക്കാ​ര​ൻ ന​ൽ​കി​യ 56 ഏ​ക്ക​റി​ന്റെ 30 പ്ര​മാ​ണ​ങ്ങ​ൾ മാ​ത്ര​മാ​ണ് ലാ​ൻ​ഡ് ബോ​ർ​ഡ് പ​രി​ശോ​ധി​ച്ച​ത്. ഇ​ദ്ദേ​ഹ​ത്തി​ന് പ​ങ്കാ​ളി​ത്ത​മു​ള്ള പ​ല ക​മ്പ​നി​ക​ളും പ്ര​വ​ർ​ത്ത​ന​ര​ഹി​ത​മാ​ണെ​ങ്കി​ലും അ​വ​യു​ടെ ആ​സ്തി​ക​ൾ പ​രി​ശോ​ധി​ച്ചി​ട്ടി​ല്ല.

പ​ങ്കാ​ളി​ത്ത ഡീ​ഡ് ര​ജി​സ്റ്റ​ർ ചെ​യ്യേ​ണ്ട​തി​ല്ല എ​ന്ന പ​ഴ​യ ഒ​രു കോ​ട​തി​വി​ധി അ​ടി​സ്ഥാ​ന​മാ​ക്കി​യാ​ണ് 11 ഏ​ക്ക​ർ ഭൂ​മി ഒ​ഴി​വാ​ക്ക​പ്പെ​ട്ട​ത്. എ​ന്നാ​ൽ, ആ ​കോ​ട​തി​വി​ധി അ​വ​കാ​ശ​ത​ർ​ക്ക​വു​മാ​യി ബ​ന്ധ​പ്പെ​ട്ട കേ​സി​ലേ​താ​ണെ​ന്നും ഇ​ത് മി​ച്ച​ഭൂ​മി കൈ​വ​ശം വെ​ക്കു​ന്ന കേ​സി​ൽ അ​ടി​സ്ഥാ​ന​മാ​ക്കാ​നാ​വി​ല്ല എ​ന്നു​മാ​ണ് പ​രാ​തി​ക്കാ​ര​ന്റെ പ​ക്ഷം. ഇ​തെ​ല്ലാം ചൂ​ണ്ടി​ക്കാ​ട്ടി വീ​ണ്ടും കോ​ട​തി​യെ സ​മീ​പി​ക്കാ​നു​ള്ള ഒ​രു​ക്ക​ത്തി​ലാ​ണ് കെ.​വി. ഷാ​ജി.

കു​റ​ച്ചു​ഭൂ​മി മാ​ത്രം തി​രി​ച്ചു​പി​ടി​ക്കാ​നു​ള്ള ഉ​ത്ത​ര​വ് എം.​എ​ൽ.​എ​യും ഉ​ദ്യോ​ഗ​സ്ഥ​രും ഒ​ത്തു​ക​ളി​ച്ച​തി​ന്റെ തെ​ളി​വാ​യാ​ണ് വി​ല​യി​രു​ത്തു​ന്ന​ത്. ഭൂ​മി തി​രി​ച്ചു​പി​ടി​ക്കു​ന്ന ന​ട​പ​ടി വൈ​കു​ന്ന​തി​ലെ കോ​ട​തി​യ​ല​ക്ഷ്യ കേ​സി​ന്റെ ക​ഴി​ഞ്ഞ സി​റ്റി​ങ്ങി​ൽ ലാ​ൻ​ഡ് ബോ​ർ​ഡ് ചെ​യ​ർ​മാ​ൻ കൂ​ടു​ത​ൽ സ​മ​യം ആ​വ​ശ്യ​പ്പെ​ട്ടെ​ങ്കി​ലും അ​നു​വ​ദി​ച്ചി​രു​ന്നി​ല്ല. ഇ​തോ​ടെ​യാ​ണ് കേ​സ് വ​ന്ന​തി​നു​ശേ​ഷ​മു​ള്ള 18ാമ​ത് ഉ​ദ്യോ​ഗ​സ്ഥ​ൻ ഏ​റ​നാ​ട്, താ​മ​ര​ശ്ശേ​രി, ആ​ല​ത്തൂ​ർ താ​ലൂ​ക്കു​ക​ളി​ലെ മി​ച്ച​ഭൂ​മി തി​രി​ച്ചു​ന​ൽ​കാ​നാ​വ​ശ്യ​പ്പെ​ട്ട് ഉ​ത്ത​ര​വി​റ​ക്കി​യ​ത്.