കക്കാടംപൊയിൽ വാട്ടർ പാർക്കിൽ  റൈഡർ പൊട്ടിവീണ് ബാലികക്ക്​ പരിക്ക്

തിരുവമ്പാടി: കക്കാടംപൊയിൽ വാട്ടർ തീം പാർക്കിൽ റൈഡർ പൊട്ടിവീണ് പെൺകുട്ടിക്ക് പരിക്ക്​. ബാലുശ്ശേരി സ്വദേശി അബ്​ദുൽ റശീദി​​​െൻറ മകൾ നഷ(ഏഴ്​)ക്കാണ് പരിക്കേറ്റത്. കുട്ടിയെ ഓമശ്ശേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. കൂടെയുണ്ടായിരുന്ന ആൺകുട്ടി പരിക്കില്ലാതെ രക്ഷപ്പെട്ടു. 

തിങ്കളാഴ്ച ഉച്ച ഒരുമണിയോടെയാണ് അപകടം. കുടുംബത്തോടൊപ്പം പാർക്കിലെത്തിയതായിരുന്നു പരിക്കേറ്റ കുട്ടി. റൈഡർ വീണല്ല പരിക്കെന്നും കുട്ടി സ്വയം വീണതാണെന്നു​ം വാട്ടർ തീം പാർക്ക് അധികൃതർ പറഞ്ഞു. എന്നാൽ, റൈഡർ പൊട്ടിവീണാണ് പരിക്കേറ്റതെന്നും ഇതു സംബന്ധിച്ച് പൊലീസിൽ പരാതി നൽകുമെന്നും ബന്ധുക്കൾ അറിയിച്ചു.