മലപ്പുറം ജില്ലയിൽ ക്വാറി ഖനനം അനിശ്ചിത കാലത്തേക്ക് നിർത്തി

മലപ്പുറം: ശക്തമായ മഴ പെയ്യുന്ന സാഹചര്യത്തിൽ മലപ്പുറം ജില്ലയിലെ ക്വാറികളുടെ പ്രവർത്തനം താൽകാലികമായി നിർത്തിവെക്കുമെന്ന് ക്രഷർ-ക്വാറി സംയുക്ത സമിതി. സമിതി കൺവീനർ വാർത്താകുറിപ്പിലാണ് ഇക്കാര്യമറിയിച്ചത്.

മലപ്പുറം ജില്ലയിൽ അതി ശക്തമായ മഴയും പലയിടങ്ങളിലും മണ്ണിടിച്ചിലും ഉണ്ടായിക്കൊണ്ടിരിക്കുകയാണ്. ഈ സാഹചര്യത്തിൽ ജില്ലയിലെ മുഴുവൻ കരിങ്കൽ ക്വാറികളിലെയും ഖനന പ്രവൃത്തികൾ കാലാവസ്ഥ അനുകൂലമാകുന്നത് വരെ അനിശ്ചിത കാലത്തേക്ക് നിർത്തിവെക്കാൻ തീരുമാനിച്ചിട്ടുണ്ട്. എല്ലാവരും പരിപൂർണമായി സഹകരിക്കണമെന്നും കൺവീനർ അറിയിച്ചു.