''മോദിയുടേത്​​ ഹിന്ദുവിന്‍റെ ​പ്രവർത്തനങ്ങളല്ല, ധാർഷ്​ട്യത്തി​േന്‍റത്​; മനുഷ്യരുടെ ഇടയിൽ സാഹോദര്യവും സ്​നേഹവും വന്നാൽ ബി.ജെ.പി ഇല്ലാതാകും''

നേമം: പ്രധാനമന്ത്രി നരേന്ദ്ര​ മോദിക്കെതിരെ രൂക്ഷ വിമർശനവുമായി രാഹുൽ ഗാന്ധിയുടെ നേമം പ്രസംഗം. നേമം, വട്ടിയൂർക്കാവ്​, തിരുവനന്തപുരം സെൻട്രൽ, കഴക്കൂട്ടം മണ്ഡലങ്ങളിലെ സ്ഥാനാർഥികളുടെ പ്രചാരണത്തിന്‍റെ സമാപന ചടങ്ങിലായിരുന്നു രാഹുലിന്‍റെ പ്രസംഗം. പ്രധാനമന്ത്രിയുടേത്​ ഹിന്ദുവിന്‍റെ പ്രവർത്തനങ്ങളല്ലെന്നും ശുദ്ധ ധാർഷ്​ട്യമാണെന്നും രാഹുൽ പറഞ്ഞു. മനുഷ്യർക്കിടയിൽ സ്​നേഹവും സാഹോദര്യവും വന്നാൽ ബി.ജെ.പി ഇല്ലാതാകുമെന്ന്​ അവർക്കറിയാമെന്നും രാഹുൽ കൂട്ടിച്ചേർത്തു.

ഒരു സംസ്ഥാനത്തിന്‍റെയും സ്വന്തം മന്ത്രിസഭ​യുടെയും ശബ്​ദം കേൾക്കാതെയാണ്​ നരേന്ദ്ര മോദി നോട്ട്​ നിരോധനവും ജി.എസ്​.ടിയും കാർഷിക ബില്ലും നടപ്പാക്കിയത്​. പ്രധാനമന്ത്രിയുടെ ഒരു പ്രവർത്തിയിലും ഹിന്ദുവിന്‍റെ സ്വഭാവമില്ലെന്നും ഉള്ളത്​ ശുദ്ധ ധാർഷ്​ട്യമാണെന്നും രാഹുൽ പറഞ്ഞു. മനുഷ്യരുടെ ഇടയിൽ സാഹോദര്യവും സ്​നേഹവും ഉണ്ടായാൽ ബി.ജെ.പി ഇല്ലാതാകുമെന്നും രാഹുൽ കൂട്ടിച്ചേർത്തു.

ബി.ജെ.പിക്ക്​ കോൺഗ്രസ് ഇല്ലാതാകണമെന്ന ഒരൊറ്റ ലക്ഷ്യമേയുള്ളൂ​. കോൺഗ്രസ്​ ഒരു പ്രസ്ഥാനമല്ല. ഒരു​ ആശയമാണ്​. കോൺഗ്രസെന്ന ആശയത്തോടാണ്​ ബി.ജെ.പിക്ക്​ വെറുപ്പ്​. ഒത്തൊരുമയും ബഹുമാനവും സ്​നേഹവുമാണ്​​ കോൺഗ്രസ്​ പടുത്തുയർത്തിയത്​. കോൺഗ്രസും കേരളവും ​ആശയപരമായി സാമ്യമുണ്ട്​. പ്രധാനമന്ത്രി കോൺഗ്രസ്​ മുക്തമെന്ന്​ എല്ലായ്​പ്പോഴും പറയുന്നു. സി.പി.എം മുക്ത ഭാരത്​ എന്നുപറയുന്നത്​​ കേൾക്കുന്നില്ല. സെക്രട്ടറിയേറ്റിൽ യുവാക്കൾ തൊഴിലിനായി മുട്ടിലിഴയു​േമ്പാൾ അവരെ ഗൗനിക്കാതെ പോകുന്ന ഒരു കോൺഗ്രസ്​ മുഖ്യമന്ത്രിയും ഉണ്ടാകില്ലെന്നും രാഹുൽ പറഞ്ഞു.