രാഹുൽ ഗാന്ധിക്ക് കരിപ്പൂരിൽ സ്വീകരണം നൽകി

കൊണ്ടോട്ടി: വയനാട് മണ്ഡലത്തിലെ വിവിധ പരിപാടികൾക്കായി എത്തിയ രാഹുൽ ഗാന്ധി എം.പിക്ക് കരിപ്പൂർ വിമാനത്താവളത്തിൽ സ്വീകരണം നൽകി. ചൊവ്വാഴ്ച രാത്രി ഒമ്പതിനാണ് അദ്ദേഹം എത്തിയത്. മുതിർന്ന നേതാക്കളുടെയും പ്രവർത്തകരുടെയും നേതൃത്വത്തിൽ ഊഷ്മള വരവേൽപ്പാണ് ഒരുക്കിയിരുന്നത്.

മുതിർന്ന നേതാവ് കെ.സി. വേണുഗോപാൽ, പ്രതിപക്ഷ നേതാവ് വി.ഡി. സതീശൻ, എം.കെ. രാഘവൻ എം.പി, എം.എൽ.എമാരായ എ.പി. അനിൽകുമാർ, പി.കെ. ബഷീർ, ടി. സിദ്ദീഖ്, ഡി.സി.സി പ്രസിഡന്റ് വി.എസ്. ജോയ്, ആര്യാടൻ ഷൗക്കത്ത് തുടങ്ങിയവർ സ്വീകരിക്കാനെത്തിയിരുന്നു.