രാഹുൽ ഗാന്ധിയുടെ ഓഫിസ് ആക്രമണം: പൊലീസിന് വീഴ്ചയെന്ന് പ്രാഥമിക കണ്ടെത്തൽ
text_fieldsകൽപറ്റ: രാഹുൽ ഗാന്ധി എം.പിയുടെ കൽപറ്റയിലെ ഓഫിസ് ആക്രമിക്കപ്പെട്ടതിൽ പൊലീസിന് വീഴ്ചയുണ്ടായെന്ന് അന്വേഷണ ഉദ്യോഗസ്ഥനായ എ.ഡി.ജി.പിയുടെ പ്രാഥമിക കണ്ടെത്തൽ.
എസ്.എഫ്.ഐ മാർച്ചിനെ പ്രതിരോധിക്കാൻ ആവശ്യമായ സുരക്ഷ ഒരുക്കുന്നതിൽ ഉദ്യോഗസ്ഥവീഴ്ചയുണ്ടായി, ദേശീയ നേതാവിന്റെ ഓഫിസാണെന്ന പ്രാധാന്യത്തോടെ സുരക്ഷ നൽകിയില്ല തുടങ്ങിയ കാര്യങ്ങൾ എ.ഡി.ജി.പി മനോജ് എബ്രഹാം നടത്തിയ അന്വേഷണത്തിൽ കണ്ടെത്തി.
വിഡിയോ ദൃശ്യങ്ങളും പൊലീസുകാരുടെയും സാക്ഷികളുടെയും മൊഴികളടക്കം പരിശോധിച്ച് വിശദ അന്വേഷണ റിപ്പോർട്ട് ഒരാഴ്ചക്കുള്ളിൽ മുഖ്യമന്ത്രിക്ക് സമർപ്പിക്കുമെന്ന് അദ്ദേഹം മാധ്യമങ്ങളോട് വ്യക്തമാക്കി. സംഭവത്തിൽ പൊലീസിന് വീഴ്ചയുണ്ടായോ എന്നത് പരിശോധിക്കാൻ എ.ഡി.ജി.പി ഞായറാഴ്ചയാണ് വയനാട്ടിലെത്തിയത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.