റാഗിങ്ങും എസ്.എഫ്.ഐയും നാടിന് ആപത്ത്; തെമ്മാടിക്കൂട്ടത്തെ നിരോധിക്കേണ്ട കാലം കഴിഞ്ഞു -രാഹുൽ മാങ്കൂട്ടത്തിൽ

കോഴിക്കോട്: കോട്ടയം നഴ്സിങ് കോളജിലെ റാഗിങ്ങിൽ എസ്.എഫ്.ഐക്ക് രൂക്ഷ വിമർശനവുമായി യൂത്ത് കോൺഗ്രസ് സംസ്ഥാന അധ്യക്ഷൻ രാഹുൽ മാങ്കൂട്ടത്തിൽ. റാഗിങ്ങും എസ്.എഫ്.ഐയും നാടിന് ആപത്താണെന്നും എസ്.എഫ്.ഐ എന്ന തെമ്മാടിക്കൂട്ടത്തെ നിരോധിക്കേണ്ട കാലം കഴിഞ്ഞുവെന്നും രാഹുൽ മാങ്കൂട്ടത്തിൽ ഫേസ്ബുക്കിൽ കുറിച്ചു.

രാഹുൽ മാങ്കൂട്ടത്തിലന്‍റെ ഫേസ്ബുക്ക് പോസ്റ്റ്:

വിദ്യാർത്ഥി രാഷ്ട്രീയത്തിനു എതിരെ പൊതുസമൂഹത്തിൽ പലരും നിലപാട് പറയുമ്പോൾ, അതിനെ പ്രതിരോധിക്കാൻ നമ്മൾ ആദ്യം പറയുന്ന വാദമാണ് വിദ്യാർത്ഥി രാഷ്ട്രീയമുള്ളയിടത്ത് റാഗിംഗ് എന്ന സാമൂഹിക വിപത്ത് ഇല്ല എന്ന്. അത്തരം സാമൂഹിക വിരുദ്ധരെ തടയാൻ ക്യാമ്പസിൽ വിദ്യാർത്ഥി നേതാക്കൾ കാവലുണ്ട്, അവരുടെ കരുതലുണ്ട്.

എന്നാൽ, ആ സാമൂഹിക വിരുദ്ധരുടെ നേതാക്കളായി SFI എന്ന അരാജക കൂട്ടം മാറുന്ന കാഴ്ചയാണ് സിദ്ധാർത്ഥന്റെ കൊലപാതകത്തിലും, ഏറ്റവും പുതിയ കോട്ടയം നഴ്സിംഗ് കോളജിലും കാണുന്നത്.

തിരഞ്ഞെടുപ്പ് ജയിക്കാൻ KSU പ്രവർത്തകരെ ആക്രമിച്ചു തുടങ്ങിയ ഈ ക്വട്ടേഷൻ സംഘം ഇപ്പോൾ എല്ലാ വിദ്യാർത്ഥികൾക്കും ഭീഷണിയാണ്…

SFI എന്ന തെമ്മാടിക്കൂട്ടത്തെ നിരോധിക്കേണ്ട കാലം എന്നെ കഴിഞ്ഞതാണ്.

റാഗിങ്ങും SFI യും നാടിനു ആപത്താണ്.

കോ​ട്ട​യം ഗ​വ. മെ​ഡി​ക്ക​ൽ കോ​ള​ജി​ലെ ന​ഴ്‌​സി​ങ്​ കോ​ള​ജ്​ ഹോ​സ്റ്റ​ലി​ൽ ആ​റ് ജൂ​നി​യ​ർ വി​ദ്യാ​ർ​ഥി​കളെ ക്രൂ​ര​മാ​യി റാ​ഗി​ങ് ചെയ്ത കേസിൽ എസ്.എഫ്.ഐയുടെ നഴ്‌സിങ് സംഘടനയായ കെ.ജി.എസ്.എൻ.എയുടെ സംസ്ഥാന ഭാരവാഹി അടക്കം അ​ഞ്ച്​ സീ​നി​യ​ർ വി​ദ്യാ​ർ​ഥി​ക​ളെയാണ് അ​റ​സ്റ്റ് ചെ​യ്തത്. കേസിലെ ഒന്നാം പ്രതിയായ രാഹുൽ രാജ് കെ.ജി.എസ്.എൻ.എയുടെ സ്റ്റേറ്റ് സെക്രട്ടറിയും എസ്.എഫ്.ഐ വണ്ടൂർ ലോക്കൽ കമ്മറ്റി ഭാരവാഹിയുമാണ്.

മൂ​ന്നാം​ വ​ർ​ഷ വി​ദ്യാ​ർ​ഥി​ക​ളാ​യ മ​ല​പ്പു​റം വ​ണ്ടൂ​ർ ക​രു​മാ​ര​പ്പ​റ്റ വീ​ട്ടി​ൽ രാ​ഹു​ൽ രാ​ജ് (22), മ​ല​പ്പു​റം മ​ഞ്ചേ​രി പ​യ്യ​നാ​ട് ക​ച്ചേ​രി​പ്പ​ടി വീ​ട്ടി​ൽ റി​ജി​ൽ​ജി​ത്ത് (20), മൂ​ന്നി​ല​വ് വാ​ള​കം ക​ര​പ്പ​ള്ളി ഭാ​ഗ​ത്ത് കീ​രി​പ്ലാ​ക്ക​ൽ വീ​ട്ടി​ൽ സാ​മു​വ​ൽ (20), വ​യ​നാ​ട് ന​ട​വ​യ​ൽ പു​ൽ​പ​ള്ളി ഞാ​വ​ല​ത്ത് വീ​ട്ടി​ൽ ജീ​വ (19), കോ​രു​ത്തോ​ട് മ​ടു​ക്ക നെ​ടു​ങ്ങാ​ട് വീ​ട്ടി​ൽ വി​വേ​ക് (21) എ​ന്നി​വ​രാ​ണ്​ കേസിലെ പ്രതികൾ.

ശ​രീ​ര​മാ​സ​ക​ലം വ​ര​ഞ്ഞ് മു​റി​വു​ണ്ടാ​ക്കി അ​തി​ൽ സ്പി​രി​റ്റ്​ പു​ര​ട്ടി വേ​ദ​ന​യി​ൽ പു​ള​യു​ന്ന​ത്​ നോ​ക്കി ര​സി​ക്കു​ന്ന ക്രൂ​ര ​വി​നോ​ദ​മാ​യി​രു​ന്നു പ​ല ദി​വ​സ​ങ്ങ​ളി​ലും അ​ര​ങ്ങേ​റി​യി​രു​ന്ന​ത്. വാ​യി​ലും ശ​രീ​ര​ഭാ​ഗ​ങ്ങ​ളി​ലും ക്രീം ​തേ​ച്ചു​പി​ടി​പ്പി​ക്ക​ൽ, ന​ഗ്​​ന​രാ​ക്കി നി​ർ​ത്ത​ൽ, സ്വ​കാ​ര്യ ഭാ​ഗ​ങ്ങ​ളി​ൽ ഡം​ബ​ൽ (വ്യാ​യാ​മ ഉ​പ​ക​ര​ണം) തൂ​ക്ക​ൽ, ക​ഴു​ത്തി​ൽ ക​ത്തി​െ​വ​ച്ച് ഭീ​ഷ​ണി​പ്പെ​ടു​ത്ത​ൽ, ദേ​ഹോ​പ​ദ്ര​വം ഏ​ൽ​പി​ക്ക​ൽ, മ​ദ്യ​പി​ക്കാ​ൻ ഭീ​ഷ​ണി​പ്പെ​ടു​ത്തി പ​ണം വാ​ങ്ങ​ൽ തു​ട​ങ്ങി​യ പീ​ഡ​ന​ങ്ങ​ളും പ​തി​വാ​യി​രു​ന്നെ​ന്ന്​ വി​ദ്യാ​ർ​ഥി​ക​ൾ പൊ​ലീ​സി​ൽ ന​ൽ​കി​യ പ​രാ​തി​യി​ൽ പ​റ​യു​ന്നു.

ക​ഴി​ഞ്ഞ ന​വം​ബ​ർ മു​ത​ലാ​ണ്​ റാ​ഗി​ങ്ങി​ന്‍റെ മ​റ​വി​ൽ ക്രൂ​ര​പീ​ഡ​നം തു​ട​ങ്ങി​യ​ത്. പ​രാ​തി​പ്പെ​ടു​ക​യോ പു​റ​ത്തു ​പ​റ​യു​ക​യോ ചെ​യ്താ​ൽ ഗു​രു​ത​ര ഭ​വി​ഷ്യ​ത്തു​ണ്ടാ​കു​മെ​ന്ന്​ ഭീ​ഷ​ണി​പ്പെ​ടു​ത്തി​യി​രു​ന്നു. ലി​ബി​ൻ, അ​ജി​ത്, ദി​ലീ​പ്, ആ​ദ​ർ​ശ്, അ​രു​ൺ, അ​മ​ൽ എ​ന്നി​വ​രാ​ണ്​ ക​ഴി​ഞ്ഞ മൂ​ന്നു​മാ​സ​മാ​യി നി​ര​ന്ത​ര റാ​ഗി​ങ്ങി​ന്​​ ഇ​ര​യാ​യ​ത്. ജാ​മ്യ​മി​ല്ലാ വ​കു​പ്പു​ക​ൾ ചു​മ​ത്തി​യാ​ണ് പ്രതികൾക്കെതിരെ കേ​സെ​ടു​ത്തി​രി​ക്കു​ന്ന​ത്.