റെയിൽവേ ലോക്കോപൈലറ്റ് സമരം നിർത്തിവെച്ചു

പാലക്കാട്: റെയിൽവേ ലോക്കോപൈലറ്റുമാർ നടത്തിവന്ന സമരം താൽക്കാലികമായി നിർത്തിവെച്ചതായി ​സംഘടന നേതാക്കൾ അറിയിച്ചു.

കഴിഞ്ഞ ദിവസം എം.പിമാരുടെ സംഘം റെയിൽവേ മന്ത്രിയെ കണ്ട് നടത്തിയ ചർച്ചയിൽ ആവശ്യങ്ങൾ പരിഹരിക്കാനുള്ള നടപടികൾ സ്വീകരിക്കുമെന്ന് ഉറപ്പു നൽകിയതിനാലാണിതെന്ന് അവർ അറിയിച്ചു.

ശിക്ഷ നടപടികൾ ഒഴിവാക്കാൻ ആവശ്യമായ ആശയ വിനിമയം നടത്തുമെന്ന് മന്ത്രി അറിയിച്ചതായും അവകാശങ്ങൾ നേടിയെടുക്കുന്നതുവരെ പ്രക്ഷോഭം തുടരുമെന്നും നേതാക്കൾ അറിയിച്ചു.