വാഹനപാർക്കിങ് ഫീസ് 30 ശതമാനം വരെ വർധിപ്പിക്കാൻ റെയിൽവേ

തി​രു​വ​ന​ന്ത​പു​രം: റെ​യി​ൽ​വേ സ്​​റ്റേ​ഷ​നു​ക​ളി​ൽ വാ​ഹ​നം പാ​ർ​ക്ക്​ ചെ​യ്യാ​ൻ ക​ഴു​ത്ത​റു​പ്പ​ൻ നി​ര​ക്ക്. പാ​ർ​ക്കി​ങ്​ നി​ര​ക്ക്​ 20 മു​ത​ൽ 30 ശ​ത​മാ​നം വ​രെ വ​ർ​ധി​പ്പി​ക്കാ​ൻ റെ​യി​ൽ​വേ തീ​രു​മാ​നി​ച്ചു. ഏ​താ​നും സ്​​റ്റേ​ഷ​നു​ക​ളി​ൽ ഇ​തി​ന​കം വ​ർ​ധ​ന പ്രാ​ബ​ല്യ​ത്തി​ലാ​യി. ഇ​രു​ച​ക്ര​വാ​ഹ​ന​ങ്ങ​ൾ​ക്ക് ര​ണ്ടു മ​ണി​ക്കൂ​ർ വ​രെ 10 രൂ​പ​യും ര​ണ്ടു മു​ത​ൽ എ​ട്ടു മ​ണി​ക്കൂ​ർ വ​രെ 20 രൂ​പ​യും എ​ട്ടു മു​ത​ൽ 24 മ​ണി​ക്കൂ​ർ വ​രെ 30 രൂ​പ​യു​മാ​ണ്​ ഈ​ടാ​ക്കു​ക. ഹെ​ൽ​മ​റ്റ് പ്ര​ത്യേ​കം സൂ​ക്ഷി​ക്ക​ണ​മെ​ങ്കി​ൽ 10 രൂ​പ കൂ​ടി ഈ​ടാ​ക്കും. 24 മു​ത​ൽ 48 മ​ണി​ക്കൂ​ർ വ​രെ ഇ​രു​ച​ക്ര വാ​ഹ​ന​ങ്ങ​ൾ​ക്ക് 50 രൂ​പ​യാ​യി​രു​ന്ന നി​ര​ക്ക്​ 60 രൂ​പ​യാ​കും. ഇ​തേ സ​മ​യ​പ​രി​ധി​യി​ൽ കാ​റി​ന്​ 100 രൂ​പ​യു​മാ​യി​രു​ന്നെ​ങ്കി​ൽ 180 രൂ​പ ന​ൽ​ക​ണം.

റെ​യി​ൽ​വേ നി​ർ​ദേ​ശി​ക്കു​ന്ന നി​ര​ക്കു​ക​ൾ​ക്ക്​ അ​നു​സൃ​ത​മാ​യാ​ണ് സ്റ്റേ​ഷ​നു​ക​ളി​ൽ പാ​ർ​ക്കി​ങ് ഫീ​സ് ഈ​ടാ​ക്കു​ന്ന​ത്. 2017 ലാ​ണ്​ റെ​യി​ൽ​വേ ഏ​റ്റ​വു​​മൊ​ടു​വി​ൽ പാ​ർ​ക്കി​ങ്​ ഫീ​സ്​ പ​രി​ഷ്ക​രി​ച്ച​ത്. ഇ​താ​ണ്​ കു​ത്ത​നെ​യു​ള്ള വ​ർ​ധ​ന​ക്ക്​ കാ​ര​ണ​മാ​യി റെ​യി​ൽ​വേ പ​റ​യു​ന്ന​ത്.

ട്രെ​യി​നു​ക​ളു​ടെ സ്​​റ്റോ​പ്​, ആ​ശ്ര​യി​ക്കു​ന്ന യാ​ത്ര​ക്കാ​രു​ടെ എ​ണ്ണം എ​ന്നി​വ അ​ടി​സ്ഥാ​ന​പ്പെ​ടു​ത്തി സ്​​​റ്റേ​ഷ​നു​ക​ളെ ര​ണ്ട്​ കാ​റ്റ​ഗ​റി​ക​ളാ​യി (ഒ​ന്ന്, ര​ണ്ട്) തി​രി​ച്ചാ​ണ്​ നി​ര​ക്ക്​ നി​ശ്ച​യി​ച്ച​ത്. കൂ​ടു​ത​ൽ ട്രെ​യി​ൻ നി​ർ​ത്തു​ക​യും കൂ​ടു​ത​ൽ യാ​ത്ര​ക്കാ​ർ ഉ​പ​യോ​ഗി​ക്കു​ക​യും ചെ​യ്യു​ന്ന സ്‌​റ്റേ​ഷ​നു​ക​ളാ​ണ്‌ കാ​റ്റ​ഗ​റി ഒ​ന്നി​ൽ. ര​ണ്ടു കാ​റ്റ​ഗ​റി​യി​ലും കാ​റു​ക​ൾ​ക്ക്‌ ഒ​രു മാ​സം പാ​ർ​ക്കി​ങ്‌ അ​നു​വ​ദി​ച്ചി​ട്ടി​ല്ല.

കാ​റ്റ​ഗ​റി ഒ​ന്നി​ൽ ഇ​രു​ച​ക്ര​വാ​ഹ​ന​ങ്ങ​ൾ​ക്ക്‌ ഒ​രു മാ​സ​ത്തെ നി​ര​ക്ക്​ 360 രൂ​പ​യി​ൽ​നി​ന്ന്‌ 600 രൂ​പ​യാ​ക്കി. തി​രു​വ​ന​ന്ത​പു​രം ഡി​വി​ഷ​നു കീ​ഴി​ൽ തി​രു​വ​ന​ന്ത​പു​രം, നാ​ഗ​ർ​കോ​വി​ൽ ജ​ങ്‌​ഷ​ൻ, ക​ന്യാ​കു​മാ​രി, തൃ​ശൂ​ർ, എ​റ​ണാ​കു​ളം ജ​ങ്‌​ഷ​ൻ, എ​റ​ണാ​കു​ളം നോ​ർ​ത്ത്‌, ആ​ല​പ്പു​ഴ, ആ​ലു​വ, ചെ​ങ്ങ​ന്നൂ​ർ, കൊ​ച്ചു​വേ​ളി, കോ​ട്ട​യം, കാ​യം​കു​ളം, കൊ​ല്ലം, തി​രു​വ​ല്ല, ച​ങ്ങ​നാ​ശ്ശേ​രി, വ​ർ​ക്ക​ല, അ​ങ്ക​മാ​ലി, ചേ​ർ​ത്ത​ല, ക​ഴ​ക്കൂ​ട്ടം, ഗു​രു​വാ​യൂ​ർ, സ്‌​റ്റേ​ഷ​നു​ക​ളാ​ണ്‌ കാ​റ്റ​ഗ​റി ഒ​ന്നി​ൽ ഉ​ൾ​പ്പെ​ടു​ന്ന​ത്.