കരാറുകാരുടെ ലൈസൻസ് ഫീസും സെക്യൂരിറ്റിയും മൂന്നിരട്ടിയാക്കിയത് പിൻവലിച്ചു

കൊ​ച്ചി: ക​രാ​റു​കാ​രു​ടെ ലൈ​സ​ൻ​സ് ഫീ​സും സെ​ക്യൂ​രി​റ്റി​യും വ​ർ​ധി​പ്പി​ച്ച ധ​ന​വ​കു​പ്പി​ന്റെ ജ​നു​വ​രി 20ലെ ​ഉ​ത്ത​ര​വ് പി​ൻ​വ​ലി​ക്കാ​ൻ ധാ​ര​ണ​യാ​യി. ലൈ​സ​ൻ​സ്​ പു​തു​ക്കാ​നു​ള്ള സ​മ​യം മേ​യ് 31വ​രെ ദീ​ർ​ഘി​പ്പി​ച്ചു. മാ​ർ​ച്ച് 31ന് ​കാ​ലാ​വ​ധി അ​വ​സാ​നി​ക്കു​ന്ന ലൈ​സ​ൻ​സി​ന്​ മേ​യ് 31വ​രെ കാ​ലാ​വ​ധി ഉ​ണ്ടാ​യി​രി​ക്കും.

പൊ​തു​മ​രാ​മ​ത്ത് മ​ന്ത്രി പി.​എ. മു​ഹ​മ്മ​ദ് റി​യാ​സി​ന്‍റെ അ​ധ്യ​ക്ഷ​ത​യി​ൽ തി​ങ്ക​ളാ​ഴ്ച ന​ട​ന്ന ച​ർ​ച്ച​യി​ലാ​ണ്​ ധാ​ര​ണ​യാ​യ​ത്. പ്ര​ശ്ന​ങ്ങ​ളു​ടെ തു​ട​ർ​ന​ട​പ​ടി വി​ല​യി​രു​ത്താ​നും ഉ​ത്ത​ര​വു​ക​ൾ വേ​ഗ​ത്തി​ലാ​ക്കാ​നും വേ​ണ്ടി ഏ​കോ​പ​ന സ​മി​തി പ്ര​തി​നി​ധി​ക​ളു​മാ​യി വ്യാ​ഴാ​ഴ്ച വി​ശ​ദ​മാ​യ ച​ർ​ച്ച ന​ട​ത്തും. ബു​ധ​നാ​ഴ്ച ക​രാ​റു​കാ​ർ ന​ട​ത്താ​ൻ നി​ശ്ച​യി​ച്ചി​രു​ന്ന നി​യ​മ​സ​ഭ മാ​ർ​ച്ച് ഉ​പേ​ക്ഷി​ച്ചു.

എ, ​ബി, സി, ​ഡി ക്ലാ​സു​ക​ളി​ൽ​പെ​ട്ട സ​ർ​ക്കാ​ർ ക​രാ​റു​കാ​രു​ടെ ലൈ​സ​ൻ​സു​ക​ൾ​ക്കു​ള്ള സെ​ക്യൂ​രി​റ്റി യ​ഥാ​ക്ര​മം ആ​റ് ല​ക്ഷം, മൂ​ന്ന് ല​ക്ഷം, ഒ​ന്ന​ര ല​ക്ഷം, 75,000 എ​ന്നി​ങ്ങ​നെ​യാ​ണ് വ​ർ​ധി​പ്പി​ച്ച​ത്. ഉ​ത്ത​ര​വ്​ പി​ൻ​വ​ലി​ച്ച​തോ​ടെ ഇ​ത്​ പ​ഴ​യ നി​ര​ക്കാ​യ ര​ണ്ട്​ ല​ക്ഷം, ഒ​രു ല​ക്ഷം, അ​ര​ല​ക്ഷം, കാ​ൽ ല​ക്ഷം എ​ന്ന​തി​ലേ​ക്ക്​ മാ​റി. ലൈ​സ​ൻ​സ് ഫീ​സ്​ 9000, 6000, 3000, 1500 എ​ന്ന​ത്​ 3000, 2000, 1000, 500 എ​ന്നി​ങ്ങ​നെ​യു​മാ​യി മാ​റി. ടോ​റ​സ്, ടി​പ്പ​ർ എ​ന്നി​വ​യി​ൽ പ​ര​മാ​വ​ധി ക​യ​റ്റാ​വു​ന്ന ലോ​ഡി​ന്‍റെ ഭാ​ര​പ​രി​ധി (ട​ണ്ണേ​ജ്) ഉ​യ​ർ​ത്ത​ണ​മെ​ന്ന ക​രാ​റു​കാ​രു​ടെ ആ​വ​ശ്യം പ​രി​ഗ​ണി​ച്ചി​ല്ല.

കോ​ൺ​ട്രാ​ക്ടർമാർ​ക്ക്​ എ​ടു​ക്കാ​വു​ന്ന ഒ​രു ജോ​ലി​യു​ടെ പ​ര​മാ​വ​ധി അ​ട​ങ്ക​ൽ (ബി​ഡ്​ ക​പ്പാ​സി​റ്റി) തു​ക​യും പ​ഴ​യ​പ​ടി തു​ട​രും. എ ​ക്ലാ​സു​കാ​ർ​ക്ക്​ മു​ൻ​കൂ​ർ യോ​ഗ്യ​ത​യി​ല്ലാ​തെ അ​ഞ്ച്​ കോ​ടി, ബി ​ക്ലാ​സ് 2.5 കോ​ടി, സി ​ക്ലാ​സ് ഒ​രു കോ​ടി, ഡി ​ക്ലാ​സ് 25 ല​ക്ഷം ​ആണ് ബി​ഡ് ക​പ്പാ​സി​റ്റി. വ്യാ​ഴാ​ഴ്ച ന​ട​ക്കു​ന്ന ച​ർ​ച്ച​ക​ളു​ടെ അ​ടി​സ്ഥാ​ന​ത്തി​ൽ തു​ട​ർ​സ​മ​രത്തിന്‍റെ കാ​ര്യ​ത്തി​ൽ തീ​രു​മാ​ന​മെ​ടു​ക്കു​മെ​ന്ന്​ ഗ​വ. കോ​ൺ​ട്രാ​ക്ടേ​ഴ്സ് ഏ​കോ​പ​ന സ​മി​തി ക​ൺ​വീ​ന​ർ വ​ർ​ഗീ​സ് ക​ണ്ണ​മ്പ​ള്ളി പ​റ​ഞ്ഞു.

മ​ന്ത്രി​യു​ടെ അ​ധ്യ​ക്ഷ​ത​യി​ൽ ന​ട​ന്ന ച​ർ​ച്ച​യി​ൽ പൊ​തു​മ​രാ​മ​ത്ത് സെ​ക്ര​ട്ട​റി, ചീ​ഫ് എ​ൻ​ജി​നീ​യ​ർ​മാ​ർ, ഏ​കോ​പ​ന സ​മി​തി ഭാ​ര​വാ​ഹി​ക​ളാ​യ കെ.​ജെ. വ​ർ​ഗീ​സ്, രാ​ജേ​ഷ് മാ​ത്യു, സ​ണ്ണി ചെ​ന്നി​ക്ക​ര, പോ​ൾ ടി. ​മാ​ത്യു, എം.​കെ. ഷാ​ജ​ഹാ​ൻ, പി.​വി. കൃ​ഷ്ണ​ൻ, കെ. ​അ​നി​ൽ കു​മാ​ർ, വ​ർ​ഗീ​സ് ക​ണ്ണ​മ്പ​ള്ളി എ​ന്നി​വ​ർ പ​ങ്കെ​ടു​ത്തു.