ത​ല​ശേ​രി നഗരസഭ പൂട്ടിയ രാജ് കബീറിന്‍റെ ഫർണീച്ചർ കട വീണ്ടും തുറന്നു

ത​ല​ശേ​രി: കൈ​യ്യേ​റ്റം ആ​രോ​പി​ച്ച് ത​ല​ശേ​രി നഗരസഭ ലൈ​സ​ൻ​സ് റ​ദ്ദാ​ക്കി അടച്ചുപൂട്ടിയ രാ​ജ് ക​ബീ​റിന്‍റെ ഫർണീച്ചർ നി​ർ​മാ​ണ യൂ​നി​റ്റ് വീണ്ടും തുറന്നു. നഗരസഭ ഉദ്യോഗസ്ഥർ നേരിട്ടെത്തിയാണ് ഫർണീച്ചർ നി​ർ​മാ​ണ യൂ​നി​റ്റ് വീണ്ടും തുറക്കാനുള്ള ഉത്തരവും താക്കോലും കൈമാറിയത്. ഹൈകോടതി നിർദേശ പ്രകാരം പിഴയായി 41,000 രൂപ രാ​ജ് ക​ബീ​ർ നഗരസഭയിൽ കെട്ടിവെച്ചു.

സ്ഥാപനം വീണ്ടും തുറന്നു കിട്ടിയതിൽ സന്തോഷമുണ്ടെന്ന് രാ​ജ് ക​ബീ​ർ മാധ്യമങ്ങളോട് പ്രതികരിച്ചു. കഴിഞ്ഞ കുറേ ദിവസങ്ങളായി താൻ അനുവഭിച്ച ദുഃഖം മറ്റൊരു വ്യവസായിക്കും ഉണ്ടാകരുതെന്ന് ആഗ്രഹിക്കുന്നു. സ്ഥാപനത്തിന്‍റെ നടത്തിപ്പ് മകന് കൈമാറുകയാണ്. നഗരസഭയുമായി ഏറ്റുമുട്ടലിനില്ലെന്ന് പറഞ്ഞ രാ​ജ് ക​ബീ​ർ മാധ്യമങ്ങൾക്ക് നന്ദി അറിയിക്കുകയും ചെയ്തു.

മി​ക​ച്ച വ്യ​വ​സാ​യ സം​രം​ഭ​ക​നു​ള്ള പു​ര​സ്കാ​ര ജേ​താ​വ് ക​ബീ​റി​ന്റെ മ​ക​ൻ രാ​ജ് ക​ബീ​ർ ത​ല​ശേ​രി ക​ണ്ടി​ക്ക​ലി​ലെ മി​നി വ്യ​വ​സാ​യ പാ​ർ​ക്കി​ൽ 18 വ​ർ​ഷ​മാ​യി ന​ട​ത്തി​വന്ന ബ്ലൂ​ചി​പ് ഫ​ർ​ണി​ച്ച​ർ നി​ർ​മാ​ണ യൂ​നി​റ്റ് ആണ് നഗരസഭ അടച്ചുപൂട്ടിയത്. കൈ​യ്യേ​റ്റം ആ​രോ​പി​ച്ച് 34 ദി​വ​സം മു​ൻ​പാ​ണ് ന​ഗ​ര​സ​ഭ സം​രം​ഭ​ത്തി​ന്റെ ലൈ​സ​ൻ​സ് റ​ദ്ദാ​ക്കി പൂ​ട്ടി​ട്ട​ത്. അ​തോ​ടൊ​പ്പം നാ​ല് ല​ക്ഷം രൂ​പ പി​ഴ​യും ചു​മ​ത്തി.

ഇ​തി​നെ​തി​രെ ഹൈ​കോ​ട​തി​യി​ൽ കേ​സ് ഫ​യ​ൽ ചെ​യ്യു​ക​യും ക​ബീ​റി​ന് അ​നു​കൂ​ല​മാ​യി വി​ധി വ​രി​ക​യും ചെ​യ്തു. ഹൈ​കോ​ട​തി പി​ഴ സം​ഖ്യ 10 ശ​ത​മാ​നം കു​റ​ക്കു​ക​യും ത​വ​ണ​ക​ളാ​യി അ​ട​ക്കാൻ സ​മ്മ​തി​ക്കു​ക​യും ചെ​യ്തി​രു​ന്നു. എ​ന്നി​ട്ടും നഗരസഭ ഉ​ദ്യോ​ഗ​സ്ഥ​ർ അ​യ​ഞ്ഞി​ല്ല.

നഗരസഭയുടെ നടപടിയിൽ​ മ​നം മ​ടു​ത്ത് സം​രം​ഭ​ക ദ​മ്പ​തി​ക​ളായ രാ​ജ് ക​ബീ​റും ഭാ​ര്യ ദി​വ്യ​യും കഴിഞ്ഞ ചൊ​വ്വാ​ഴ്ച നാ​ടു​വി​ട്ടു. ഇതിന് പി​ന്നാ​ലെ കു​ടും​ബാം​ഗ​ങ്ങ​ൾ പൊ​ലീ​സി​ൽ പ​രാ​തി​ നൽകി. തു​ട​ർ​ന്ന് ഫോ​ൺ ട​വ​ർ ലൊ​ക്കേ​ഷ​ൻ കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണത്തിൽ ഇരുവരും കോ​യ​മ്പ​ത്തൂ​രി​ലുണ്ടെന്ന് പൊലീസ് കണ്ടെത്തി. കോ​യ​മ്പ​ത്തൂ​രി​ലെ​ത്തിയ ത​ല​ശേ​രി​യി​ൽ നി​ന്നു​ള്ള പൊ​ലീ​സ് സം​ഘം ദമ്പതികളെ കഴിത്ത ദിവസം നാട്ടിൽ തിരിച്ചെത്തിച്ചു.

അ​തിനിടെ, ക​ബീ​റി​ന്റെ സ​ഹോ​ദ​ര​ൻ രാ​ജേ​ന്ദ്ര​ൻ താ​യാ​ട്ട് ത​ല​ശ്ശേ​രി ന​ഗ​ര​സ​ഭ​ അധികൃത​രു​മാ​യി സം​സാ​രി​ക്കു​ക​യും ശ​നി​യാ​ഴ്ച ഉ​ദ്യോ​ഗ​സ്ഥരെത്തി തു​റ​ന്നു നൽകാമെ​ന്നും ധാ​ര​ണ​യാകുകയും ചെയ്തു.