രാ​ജീ​വ് ച​ന്ദ്ര​ശേ​ഖ​ര്‍ ബി.​ജെ.​പി​ സം​സ്ഥാ​ന അധ്യക്ഷനായി ചുമതലയേറ്റു

തി​രു​വ​ന​ന്ത​പു​രം: ബി.​ജെ.​പി​ സം​സ്ഥാ​ന അധ്യക്ഷനായി മു​ന്‍ കേ​ന്ദ്ര​മ​ന്ത്രി രാ​ജീ​വ് ച​ന്ദ്ര​ശേ​ഖ​ര്‍ ചുമതലയേറ്റു. ക​വ​ടി​യാ​ർ ഉ​ദ​യ് പാ​ല​സ് ക​ൺ​വെ​ൻ​ഷ​ൻ സെ​ന്റ​റി​ൽ നടന്ന പ്രതിനിധി സ​മ്മേ​ള​നത്തിലാണ് പ്ര​ഖ്യാ​പ​നവും ചുമതലയേൽക്കലും നടന്നത്. അ​ഞ്ചു വ​ർ​ഷം പൂ​ർ​ത്തി​യാ​ക്കി​യ കെ. ​സു​രേ​ന്ദ്ര​ന്​ പ​ക​ര​മാ​ണ്​ രാ​ജീ​വ്​ ച​ന്ദ്ര​ശേ​ഖ​ർ പ്ര​സി​ഡ​ന്‍റാ​കു​ന്ന​ത്.

ഞാ​യ​റാ​ഴ്ച ചേ​ർ​ന്ന കോ​ർ​ ക​മ്മി​റ്റി യോ​ഗ​ത്തി​ലാണ് ബി.ജെ.പി ദേ​ശീ​യ നേ​തൃ​ത്വം രാ​ജീ​വ്​ ച​ന്ദ്ര​ശേ​ഖ​റി​നെ പ്ര​സി​ഡ​ന്‍റാ​യി നി​ർ​ദേ​ശി​ച്ചത്. ജ​ന​റ​ൽ സെ​ക്ര​ട്ട​റി എം.​ടി. ര​മേ​ഷ്, ദേ​ശീ​യ നി​ർ​വാ​ഹ​ക സ​മി​തി അം​ഗം ശോ​ഭ സു​രേ​ന്ദ്ര​ൻ എ​ന്നി​വ​രും അ​വ​സാ​നം ​വ​രെ പ​രി​ഗ​ണ​ന​യി​ലു​ണ്ടാ​യി​രു​ന്നു.

ക​ര്‍ണാ​ട​ക​യി​ല്‍ നി​ന്ന് മൂ​ന്നു ത​വ​ണ രാ​ജ്യ​സ​ഭാം​ഗ​മാ​യ രാ​ജീ​വ്​ ര​ണ്ടാം മോ​ദി സ​ർ​ക്കാ​റി​ൽ ഐ.​ടി വ​കു​പ്പ്​ ചു​മ​ത​ല​യു​ള്ള സ​ഹ​മ​ന്ത്രി​യാ​യി​രു​ന്നു. സം​ഘ്​​പ​രി​വാ​ർ സം​ഘ​ട​ന​ക​ളി​ൽ പ്ര​വ​ർ​ത്തി​ച്ച്​ പ​രി​ച​യ​മി​ല്ലാ​ത്ത ഒ​രാ​ൾ സം​സ്ഥാ​ന​ ബി.​ജെ.​പി അ​ധ്യ​ക്ഷ​നാ​കു​ന്ന​ത്​ ആ​ദ്യ​മാ​ണ്.

മ​റു​നാ​ട​ൻ മ​ല​യാ​ളി കു​ടും​ബ​ത്തി​ൽ ഗു​ജ​റാ​ത്തി​ൽ ജ​നി​ച്ച്​ വി​ദേ​ശ വി​ദ്യാ​ഭ്യാ​സം നേ​ടി ഐ.​ടി ജോ​ലി​യി​ലും ബി​സി​ന​സി​ലും ​നേ​ട്ട​ങ്ങ​ൾ സ്വ​ന്ത​മാ​ക്കി​ 2006ൽ ​സ്വ​ത​ന്ത്ര​നാ​യി രാ​ജ്യ​സ​ഭാം​ഗ​മാ​യ​ ശേ​ഷ​മാ​ണ് രാ​ജീ​വ്​​ ബി.​ജെ.​പി​യി​ൽ ചേ​ർ​ന്ന​ത്.