മുൻ സംസ്ഥാന പൊലീസ് മേധാവി രാജ് ഗോപാല്‍ നാരായൺ അന്തരിച്ചു

തിരുവനന്തപുരം: മുൻ സംസ്ഥാന പൊലീസ് മേധാവി രാജ് ഗോപാല്‍ നാരായൺ (86) അന്തരിച്ചു. വാർധക്യസഹജമായ അസുഖങ്ങളെതുടർന്ന് വൈകീട്ട് തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം.

ഏറെക്കാലം കേന്ദ്ര ഇൻറലിജന്‍സ് ബ്യൂറോയില്‍ പ്രവര്‍ത്തിച്ച അദ്ദേഹം കേരളത്തില്‍ മടങ്ങിയെത്തിയശേഷം ഡി.ഐ.ജി, ഐ.ജി, എ.ഡി.ജി.പി തസ്തികകളില്‍ സേവനമനുഷ്​ഠിച്ചു. 1988 ജൂണ്‍ 17 മുതല്‍ 1991 ജൂലൈ മൂന്നുവരെയാണ് സംസ്ഥാന പൊലീസ് മേധാവിയായി സേവനമനുഷ്ഠിച്ചത്. കോളിളക്കം സൃഷ്​ടിച്ച ഉരുട്ടിക്കൊലപാതകം ക്രൈംബ്രാഞ്ച് ഡി.ഐ.ജിയായിരിക്കെ ഇദ്ദേഹമാണ് ആദ്യം അന്വേഷിക്കുന്നത്.

മൃതദേഹം ഞായറാഴ്ച രാവിലെയോടെ കവടിയാർ ഇൻകംടാക്സ് ഓഫിസിനടത്തുള്ള അദ്ദേഹത്തിെൻറ വസതിയായ അശ്വതിയിലേക്ക് കൊണ്ടുവരും. തുടർന്ന് ഒരുമണിക്ക് പുത്തന്‍കോട്ട ശ്മശാനത്തില്‍ സംസ്കാരചടങ്ങുകൾ നടക്കും.

ഭാര്യ: പരേതയായ തങ്ക് രാജ് ഗോപാൽ: മക്കൾ: ഡോ. ഗോപിനാഥ് നാരായൺ (യു.കെ), ഡോ. സുചരിത (യു.കെ), രാജീവ് നാരായൺ (യു.കെ) മരുക്കൾ: ഡോ. ആശ രാമകൃഷ്ണൻ, സുചേത.

രാജ് ഗോപാല്‍ നാരായണിെൻറ നിര്യാണത്തില്‍ സംസ്ഥാന പൊലീസ്​ മേധാവി ലോക്നാഥ് ബെഹ്റ അനുശോചിച്ചു.