മനമുരുകി ഉയര​െട്ട പശ്ചാത്താപത്തി​െൻറ കൈകൾ

ജീവിതത്തി​​​െൻറ ഏതോ സാഹചര്യങ്ങളിൽ ചെയ്​തുപോയ പാപങ്ങളെക്കുറിച്ച്​ കുറ്റബോധ​​േത്താടെ ചിന്തിക്കുന്ന മനസ്സ്​ ഏതു വിശ്വാസിക്കുമുണ്ടാകും. അങ്ങനെ പാപമോചനം ആഗ്രഹിക്കുന്നവ​​​െൻറ മുന്നിൽ ഇസ്​ലാം വാതിലുകൾ കൊട്ടിയട​ക്കുന്നില്ല. അല്ലാഹു പറയുന്നു:  ‘‘സത്യവിശ്വാസികളേ, നിങ്ങൾ അല്ലാഹുവിലേക്ക്​ നിഷ്​കളങ്കമായ പശ്ചാത്താപം കൈക്കൊണ്ട്​ മടങ്ങുക. നിങ്ങളുടെ രക്ഷിതാവ്​ പാപങ്ങൾ മായ്​ച്ചുകളയുകയും താഴ്​ഭാഗത്തുകൂടി അരുവികളൊഴുകുന്ന സ്വർഗത്തോപ്പുകളിൽ നിങ്ങളെ പ്രവേശിപ്പിക്കുകയും ചെയ്​തേക്കാം’’ (വി.ഖു: 66:8). ഒരു കൃത്യം പാപമാണെന്ന്​ തിരിച്ചറിയുന്ന നിമിഷം അതിൽനിന്ന്​ വിരമിക്കണം. കുറ്റബോ​ധത്തോടെ അല്ലാഹുവിലേക്ക്​ പശ്ചാത്തപിച്ച്​ അതിൽനിന്ന്​ പിന്തിരിയണം.

എം. സലാഹുദ്ദീൻ മദനി

 

 

ആ പാപത്തിലേക്ക്​ ഇനി തിരിച്ചുപോകില്ലെന്ന്​ ദൃഢനിശ്ചയം ചെയ്യണം. മാത്രമല്ല, പ്രസ്​തുത പാപത്തി​​​െൻറ പ്രേരകങ്ങളിൽനിന്നു കഴിയുംവിധം മാറിനിൽക്കാൻ പരിശ്രമിക്കുകയും സൽക്കർമങ്ങളിൽ മുഴുകുകയും വേണം.ഏതു പാപിക്കും അല്ലാഹുവിനോട്​ നേരിട്ട്​ പാപമോചനത്തിന്​ അർഥിക്കാം. ആരുടെ മുന്നിലും കുമ്പസരിക്കേണ്ടതില്ല. ഏത്​ പാപങ്ങളിൽനിന്നും ​േമാചനത്തിനുള്ള സുപ്രധാന മാർഗം നിഷ്​കളങ്കമായ പശ്ചാത്താപമാണ്​. പാപങ്ങൾ ഗൗരവപൂർവം വീക്ഷിക്കപ്പെടണം. അത്​ നിസ്സാരമാക്കുന്നതും അവഗണിക്കുന്നതും പാപങ്ങളുടെ ആധിക്യത്തിനും തന്മൂലം ജീവിതനാശത്തിനും ഇടയാക്കും. പാപങ്ങളെ ചെറുത്​, വലുത്​, മഹാപാപങ്ങൾ എന്നിങ്ങനെ വേർതിരിച്ചിട്ടുണ്ടല്ലോ. ചെറുപാപങ്ങളാണെങ്കിൽപോലും അത്​ കുമിഞ്ഞുകൂടി പശ്ചാത്തപിച്ചുമടങ്ങാതെ വിറകി​​​െൻറ ശേഖരം പോലെ അവശേഷിക്കുന്നത്​ നരകശിക്ഷക്ക്​ ഇടയാക്കുമെന്ന്​ പ്രവാചകൻ താക്കീത്​ ചെയ്​തിട്ടുണ്ട്​​.

പശ്ചാത്തപിച്ചുമടങ്ങുന്നവരെ അല്ലാഹു ഇഷ്​ടപ്പെടുന്നുണ്ടെന്നാണ്​ ഖുർആൻ വ്യക്തമാക്കുന്നത്​. ‘‘നിശ്ചയം അല്ലാഹ​ു പശ്ചാത്തപിക്കുന്ന​വരെയും വിശുദ്ധി പാലിക്കുന്നവരെയും ഇഷ്​ടപ്പെടുന്നു’’ (2: 222). മുഹമ്മദ്​ നബി പറഞ്ഞു: ‘‘പകലിൽ പാപം ചെയ്​തവ​െ​ൻറ പശ്ചാത്താപം സ്വീകരിക്കാൻ രാത്രിയിൽ അല്ലാഹു കൈനീട്ടുന്നു. രാത്രിയിൽ പാപം ചെയ്​തവ​​​െൻറ പശ്ചാത്താപം സ്വീകരിക്കാൻ പകലിൽ അല്ലാഹു കൈനീട്ടുന്നതാണ്​. സൂര്യൻ പടിഞ്ഞാറുഭാഗത്തുനിന്ന്​ ഉദയം ചെയ്യുവോളം പശ്ചാത്താപം സ്വീകരിക്കപ്പെടുന്നതാണ്​’’ (മുസ്​ലിം). പശ്ചാത്താപം സ്വീകരിക്കാമെന്ന്​ അല്ലാഹു ബാധ്യത ഏറ്റിട്ടുള്ളത്​ അറിവുകേട്​ നിമിത്തം തിന്മ ചെയ്യുകയും താമസിയാതെ പശ്ചാത്തപിക്കുകയും ചെയ്യുന്നവർക്കു മാത്രമാണ്​. തെറ്റുകൾ ചെയ്​തുകൊണ്ടിരിക്കുകയും എന്നിട്ട്​ മരണം ആസന്നമാകു​േമ്പാൾ ഞാനിതാ പശ്ചാത്തപിക്കുന്നു എന്ന്​ പറയുകയും ചെയ്യുന്നവർക്കും സത്യനിഷേധികളായി മരണപ്പെടുന്നവർക്കുമുള്ളതല്ല (വി.ഖു: 4: 17,18).
ജനങ്ങളോട്​ ചെയ്​ത തെറ്റുകൾക്ക്​ അല്ലാഹുവിലേക്ക്​ ഖേദിച്ചുമടങ്ങിയാൽ മാത്രം ​േപാരാ.

അവരുടെ ബാധ്യതകൾകൂടി പരിഹരിക്കണം. ആരുടെയെങ്കിലും അഭിമാനത്തിന്​ ക്ഷതമേൽപിക്കുകയോ ദേഹോപദ്രവം ഏൽപിക്കുകയോ സമ്പത്തോ മറ്റോ തട്ടിയെടുക്കുകയോ ചെയ്​തിട്ടുണ്ടെങ്കിൽ മാപ്പ്​ ചോദിച്ചും ബാധ്യതകൾ കൊടുത്തുവീട്ടിയും പ്രശ്​നങ്ങൾ പരിഹരിച്ച്​ അല്ലാഹുവിനോട്​ ഖേദിച്ചുമടങ്ങണം. അതിൽ അലസത​േയാ അഹങ്കാരമോ ദുരഭിമാനമോ നമ്മെ പിടികൂടിക്കൂടാ. ആത്മാർഥമായ പശ്ചാത്താപം^ തപിക്കുന്ന മനസ്സോടെ കൈകളുയർത്തിയുള്ള തൗബ^ മനസ്സിന്​ വിശുദ്ധിയും  ജീവിതത്തിൽ ശാന്തിയും ഉപജീവനത്തിൽ വിശാലതയും നേരിടാൻ വിശ്വാസിയെ സഹായിക്കുന്നു. സർവോപരി സ്രഷ്​ടാവി​​​െൻറ സംതൃപ്​തിയും പരലോകമോക്ഷവും കൈവരിക്കാൻ ഇടയാക്കുകയും ചെയ്യുന്നു.