മരംമുറി: റവന്യു മ​ന്ത്രി ഫയൽ പൂഴ്​ത്തിവെച്ചിരിക്കുകയാണെന്ന്​ ചെന്നിത്തല

ആലപ്പുഴ: മരംമുറിയുമായി ബന്ധപ്പെട്ട ഫയലുകൾ റവന്യുമന്ത്രി കെ.രാജൻ പൂഴ്​ത്തിവെച്ചിരിക്കുകയാണെന്ന്​ കോൺഗ്രസ്​ നേതാവ്​ രമേശ്​ ചെന്നിത്തല. മരം മുറിയുമായി ബന്ധപ്പെട്ട്​ സർക്കാർ സ്വീകരിച്ച കളളത്തരങ്ങൾ പുറത്തു വരുമെന്നുള്ളതിനാലാണ്​ ഇത്തരത്തിൽ ഫയൽ പൂഴ്​ത്തിവെച്ചിരിക്കുന്നതെന്നും ചെന്നിത്തല ആരോപിച്ചു. മരം മുറിയുമായി ബന്ധപ്പെട്ട്​ വിശദമായ അന്വേഷണം ആവശ്യപ്പെട്ട്​ ആലപ്പുഴ കലക്​ട്രേറ്റിന്​ മുന്നിൽ കോൺഗ്രസ്​ നടത്തിയ പ്രതിഷേധ സമരം ഉദ്​ഘാടനം ചെയ്​ത്​ സംസാരിക്കുകയായിരുന്നു അദ്ദേഹം.

വയനാട്​ കലക്​ടർ ഡോ.അദീല അബ്​ദുല്ലയുടെ നോട്ടിനേയും റവന്യു ഉദ്യോഗസ്ഥരുടെ നിലപാടും മറച്ചുവെച്ചാണ്​ ഉത്തരവുണ്ടായത്​. ഇത്​ രാഷ്​ട്രീയ തീരുമാനമാണെന്നാണ്​ സി.പി.ഐ സംസ്ഥാന സെക്രട്ടറി കാനം രാജേന്ദ്രൻ വിശദീകരിക്കുന്നത്​. താൻ അറിഞ്ഞുകൊണ്ടാണോ ഇതുമായി ബന്ധപ്പെട്ട ഉത്തരവിറങ്ങിയതെന്ന്​ വ്യക്​തമാക്കാൻ മുഖ്യമന്ത്രി തയാറാകണമെന്നും ചെന്നിത്തല ആവശ്യപ്പെട്ടു.

മുട്ടിൽ മരംകൊള്ള കേസിലെ പ്രതി ആ​േന്‍റാ അ​ഗസ്റ്റിനുമായി കൂടിക്കാഴ്ച്ച നടത്തിയെന്ന് സമ്മതിച്ച് മുൻ വനം മന്ത്രിയുടെ പേഴ്സണ്ൽ സ്റ്റാഫ് ജി. ശ്രീകുമാർ രംഗത്തെത്തിയിരുന്നു. സെക്രട്ടറിയേറ്റിൽ വെച്ചാണ് കൂടിക്കാഴ്ച്ച നടന്നത്. ചാനൽ മുതലാളിയെന്ന് പറഞ്ഞാണ് പരിചയപ്പെട്ടതെന്നും ശ്രീകുമാർ വ്യക്തമാക്കിയിരുന്നു.