കോവിഡി​െൻറ മറവിൽ കേന്ദ്ര സർക്കാർ രാജ്യത്തെ വിൽക്കുന്നു -ചെന്നിത്തല

തിരുവനന്തപുരം: കോവിഡി​​​െൻറ മറവിൽ കേന്ദ്ര സർക്കാർ രാജ്യത്തെ വിൽക്കുകയാണെന്ന്​ പ്രതിപക്ഷ നേതാവ്​ രമേശ്​ ചെന്നിത്തല.കേന്ദ്രസർക്കാർ പ്രഖ്യാപിച്ച സാമ്പത്തിക പാക്കേജ്​ കൊണ്ട്​ സാധാരണക്കാർക്ക്​ ഗുണമുണ്ടാവില്ല. ജനങ്ങളെ വായ്​പയുടെ കുരുക്കിലാക്കുകയാണ്​​ പാക്കേജിലൂടെ സർക്കാർ ലക്ഷ്യമിടുന്നത്​. വായ്​പ തിരിച്ചടക്കേണ്ടതാണ്​. ഇത്തരത്തിൽ തിരിച്ചടക്കു​​േമ്പാൾ പലിശയും പിഴപലിശയും നൽകണമെന്നും അദ്ദേഹം പറഞ്ഞു.

ദേശസുരക്ഷയും രാജ്യതാൽപര്യവും അപകടത്തിലാക്കുന്നതാണ്​ പാക്കേജ്​. അവശ്യസാധന നിയമം എടുത്ത്​ കളഞ്ഞത്​ കരിഞ്ചന്തക്ക്​ കാരണമാകും. 6000 രൂപ നേരിട്ട്​ ജനങ്ങൾക്ക്​ നൽകണമെന്നാണ്​ രാഹുൽ ഗാന്ധി ആവശ്യപ്പെട്ടത്​​. 

സാമ്പത്തിക വിദഗ്​ധരുമായി ചർച്ച നടത്തിയാണ്​ രാഹുൽ ആവശ്യമുന്നയിച്ചത്​. ഈയൊരു ഘട്ടത്തിൽ ജനങ്ങളുടെ കൈകളിലേക്ക്​ പണമെത്തിക്കുകയാണ്​ വേണ്ടതെന്നും ചെന്നിത്തല ചൂണ്ടിക്കാട്ടി.