കെ റെയിലിന്​ ഓശാന പാടുന്ന സംവാദം പ്രഹസനമാണെന്ന് ചെന്നിത്തല

ആലപ്പുഴ:​ കെ-റെയിലിന്​ ഓശാനപാടുന്ന സംവാദം പ്രഹസനമാണെന്ന് രമേശ്​ ചെന്നിത്തല എം.എൽ.എ. സർക്കാറിന്​ മംഗളപത്രം എഴുതുന്ന സംവാദത്തിൽ എന്തുചർച്ചയാണ്​ നടക്കുന്നത്​​. ചർച്ചയിൽ പ​ങ്കെടുക്കാൻ ജോസഫ്​ സി. മാത്യുവിനെ ക്ഷണിച്ചിട്ട്​ വേണ്ടെന്നുവെക്കുകയായിരുന്നു. അദ്ദേഹം ആരാണെന്നാണ്​ ​കോടിയേരി ചോദിക്കുന്നതെന്നും ചെന്നിത്തല വ്യക്തമാക്കി

അദ്ദേഹത്തിന്​ ഇപ്പോൾ പലകാര്യങ്ങളും അറിയില്ല. സിൽവർലൈൻ പദ്ധതി കൊലറെയിലാണ്​. ജനങ്ങൾ തള്ളിക്കളഞ്ഞ പദ്ധതി നടപ്പാക്കാമെന്ന വ്യാമോഹം സർക്കാറിനുവേണ്ട. ഇതിനെ സർവശക്തിയും ഉപയോഗിച്ച്​ യു.ഡി.എഫ്​ എതിർക്കും. അധികാരത്തിന്‍റെ ഹുങ്കിലാണ്​ ആളുകളുടെ പല്ല്​ അടിച്ചുപൊളിക്കുമെന്ന്​ പറയുന്നതെന്നും അദ്ദേഹം മാധ്യമപ്രവർത്തകരോട്​ പ്രതികരിച്ചു.