​യു.എ.പി.എ തടവുകാരൻ ഇ​ബ്രാ​ഹിമിനെ സന്ദർശിക്കുമെന്ന്​ രമേശ്​ ചെന്നിത്തല

തിരുവനന്തപുരം: മാവോവാദിയാണെന്നാരോപിച്ച്​ യു.എ.പി.എ ചുമത്തി ആ​റു​ വ​ർ​ഷ​മാ​യി വി​ചാ​ര​ണ ത​ട​വു​കാ​ര​നാ​യി ജയിലിൽ കഴിയുന്ന ഇ​ബ്രാ​ഹിമിനെ സന്ദർശിക്കുമെന്ന്​ കോൺഗ്രസ്​ നേതാവും മുൻ പ്രതിപക്ഷ നേതാവുമായ രമേശ്​ ചെന്നിത്തല. 67 കാ​ര​നാ​യ ഇബ്രാഹി​മിന്‍റെ വിഷയം സർക്കാർ ഗൗരവമായി പരിഗണിക്കണം. മനുഷ്യത്വപരമായ ഇടപെടലുകൾ ഉണ്ടാകണമെന്നും ​ ചെന്നിത്തല പറഞ്ഞു.

ഹൃ​ദ്​​രോ​ഗ​ത്തി​നൊ​പ്പം ക​ടു​ത്ത പ്ര​മേ​ഹ​വും കാ​ര​ണം ആ​രോ​ഗ്യം ക്ഷ​യി​ച്ച്​ പ​ല്ലു​ക​ൾ ന​ഷ്​​ട​പ്പെ​ട്ട്​​ ആ​ഹാ​രം പോ​ലും ക​ഴി​ക്കാ​നാ​കാ​തെ​യാ​ണ്​ 2015 മു​ത​ൽ ഇ​ബ്രാ​ഹി​മി​െൻറ ന​ര​ക ജീ​വി​തം ജ​യി​ലി​ൽ തു​ട​രു​ന്ന​ത്​. യു.​എ.​പി.​എ ചു​മ​ത്ത​പ്പെ​ട്ട്​ സം​സ്ഥാ​ന​ത്ത്​ ത​ട​വി​ലു​ള്ള ഒ​മ്പ​തു​പേ​രി​ൽ ഏ​റ്റ​വും പ്രാ​യം​കൂ​ടി​യ ത​ട​വു​കാ​ര​ൻ കൂ​ടി​യാ​ണി​ദ്ദേ​ഹം. വ​യ​നാ​ട്​ മേ​പ്പാ​ട്​ സ്വ​ദേ​ശി​യാ​യ ഇ​ബ്രാ​ഹി​മി​നെ 2015 ജൂ​ലൈ 13ന്​ ​കോ​ഴി​ക്കോ​ട്​ പ​യ്യോ​ളി​യി​ൽ​നി​ന്നാ​ണ്​ മാ​വോ​വാ​ദി​ ബ​ന്ധം ആ​രോ​പി​ച്ച്​ അ​റ​സ്​​റ്റ്​ ചെ​യ്​​ത​ത്.

ആ​റു​വ​ർ​ഷ​മാ​യി വി​ചാ​ര​ണ ത​ട​വു​കാ​ര​നാ​യ ഇ​ദ്ദേ​ഹ​ത്തി​ന്​ ജാ​മ്യ​മോ പ​രോ​ളോ അ​നു​വ​ദി​ക്കാ​ൻ എ​ൽ.​ഡി.​എ​ഫ്​ സ​ർ​ക്കാ​ർ ന​ട​പ​ടി സ്വീ​ക​രി​ച്ചി​ട്ടി​ല്ല. കോ​വി​ഡ്​ ബാ​ധ വ​ർ​ധി​ച്ച സാ​ഹ​ച​ര്യ​ത്തി​ൽ പ​രോ​ളി​നി​ട​പെ​ട​ണ​മെ​ന്ന്​ മ​നു​ഷ്യാ​വ​കാ​ശ സം​ഘ​ട​ന​ക​ൾ ആ​വ​ശ്യ​പ്പെ​​ട്ടെ​ങ്കി​ലും സ​ർ​ക്കാ​ർ അ​ന​ങ്ങി​യി​ല്ല.

തു​ട​ർ​ന്ന്​ സ​ച്ചി​ദാ​ന​ന്ദ​ൻ, ബി.​ആ​ർ.​പി. ഭാ​സ്​​ക​ർ അ​ട​ക്കം 16 സാ​ഹി​ത്യ, സാം​സ്​​കാ​രി​ക, രാ​ഷ്​​ട്രീ​യ, സാ​മൂ​ഹി​ക പ്ര​വ​ർ​ത്ത​ക​ർ ആ​വ​ശ്യ​പ്പെ​​ട്ടെ​ങ്കി​ലും ന​ട​പ​ടി​യു​ണ്ടാ​യി​ല്ല. മാ​നു​ഷി​ക പ​രി​ഗ​ണ​ന ന​ൽ​കി ഇ​ട​ക്കാ​ല ജാ​മ്യം അ​നു​വ​ദി​ക്ക​ണ​മെ​ന്നാ​വ​ശ്യ​െ​പ്പ​ട്ട്​​ ഇ​ബ്രാ​ഹി​മി​െൻറ ഭാ​ര്യ ജ​മീ​ല​യും ജ​യി​ൽ വി​ഭാ​ഗം ഡി.​ജി.​പി​ക്ക്​ നി​വേ​ദ​നം ന​ൽ​കി.

ഇ​ബ്രാ​ഹി​മി​െൻറ പേ​രി​ൽ എ​ൻ.​െ​എ.​എ കേ​സ്​ മാ​ത്ര​മാ​ണ്​ ഇ​​പ്പോ​ഴു​ള്ള​ത്. മ​റ്റു ക്രി​മി​ന​ൽ കേ​സു​ക​ളി​ൽ പ്ര​തി​യു​മ​ല്ല. ഇ​ട​ക്കാ​ല ജാ​മ്യം അ​നു​വ​ദി​ച്ചി​ല്ലെ​ങ്കി​ൽ പ്ര​മേ​ഹ​വും ഹൃ​ദ്​​രോ​ഗ​വു​മു​ള്ള ഇ​ദ്ദേ​ഹം ഇൗ ​കോ​വി​ഡ്​ കാ​ല​ത്തെ അ​തി​ജീ​വി​ക്കി​ല്ലെ​ന്ന ഭ​യ​ത്തി​ലാ​ണ്​ കു​ടും​ബം. ജ​യി​ലി​നു​ള്ളി​ൽ ന​ട​ക്കു​ന്ന വി​ഡി​യോ കോ​ൺ​ഫ​റ​ൻ​സ്​ വി​ചാ​ര​ണ​ക്കാ​യി ഹാ​ജ​രാ​കാ​ൻ പോ​ലും ക​ഴി​യാ​ത്ത​വ​ണ്ണം അ​വ​ശ​നാ​ണെ​ന്ന്​ ക​ഴി​ഞ്ഞ​ദി​വ​സം ഇ​ബ്രാ​ഹിം സു​ഹൃ​ത്തു​ക്ക​ളെ അ​റി​യി​ച്ചി​രു​ന്നു.