ആരേയും വ്യക്തിപരമായി ആക്ഷേപിക്കുന്നത്​ എൻെറ പ്രവർത്തന ശൈലിയല്ല​ -രമ്യ ഹരിദാസ്​

കോഴിക്കോട്​: തൻെറ പേരിലുള്ള വ്യാജ പ്രൊഫൈലിൽ നിന്ന്​ താൻ മനസ്സിൽ പോലും വിചാരിക്കാത്ത കാര്യങ്ങളാണ്​​ വരുന ്നതെന്ന്​ ആലത്തൂർ ലോകസഭാ മണ്ഡലത്തിൽ നിന്ന്​ വിജയിച്ച കോൺഗ്രസ്​ സ്ഥാനാർഥി രമ്യ ഹരിദാസ്​. രമ്യ വിജയിച്ചതോടെ തന്നെ പരിഹസിച്ച അധ്യാപികയായ ദീപ നിശാന്തിനെതിരെ ‘ടീച്ചർക്ക്​ നന്ദി’ എന്ന്​ ഹാസ്യാത്​മകമായ പോസ്​റ്റ്​ രമ്യ ഹരിദാസി​ൻെറ പേരിലുള്ള ഫേസ്​ബുക്ക്​ അക്കൗണ്ടിൽ വന്നിരുന്നു. എന്നാൽ ഇൗ പോസ്​റ്റ്​ പ്രത്യക്ഷപ്പെട്ട അക്കൗണ്ട്​ ത​േൻറതല്ലെന്നും അത്​ ദൗർഭാഗ്യകരമായിപ്പോയെന്നും​ വ്യക്തമാക്കിയിരിക്കുകയാണ്​ രമ്യ​.

ആരേയും വ്യക്തിപരമായി ആക്ഷേപിക്കാനല്ല ആലത്തൂരിലെ ജനങ്ങൾ ഇത്രേം വലിയൊരു സ്നേഹം നൽകിയതെന്ന പൂർണ്ണ ബോധ്യം തനിക്കുണ്ട്. അത്​ തൻെറ പൊതുപ്രവർത്തനത്തിൻെറ ശൈലിയല്ല. പല ആക്ഷേപങ്ങൾക്കും പരിഹാസങ്ങൾക്കുമുള്ള മറുപടി കൂടിയായിരുന്നു തൻെറ വിജയം. അതുകൊണ്ട് തന്നെ ആരേയും ആക്ഷേപിക്കാനോ പരിഹസിക്കാനോ ഇല്ലെന്നും ഇത്തരത്തിലുള്ള എല്ലാ പ്രൊഫൈലുകളും പേജുകളും ദയവായി അത് ഉപയോഗിക്കുന്നവർ പിൻവലിക്കണമെന്നും രമ്യ ഹരിദാസ്​ തൻെറ ഫേസ്​ബുക്ക്​ പേജിലൂടെ അഭ്യർത്ഥിച്ചു.

ആലത്തൂരിന് വേണ്ടി നമ്മുക്ക് ഒന്നിച്ചു മുന്നേറാമെന്നും ഒരിക്കൽ കൂടി വാക്കുകൾക്ക് അതീതമായ നന്ദി അറിയിക്കുന്നുവെന്നും പറഞ്ഞാണ്​ രമ്യ ഹരിദാസ്​ ​േഫസ്​ബുക്ക്​ പോസ്​റ്റ്​ അവസാനിപ്പിച്ചത്​. താൻ ഉപയോഗിക്കുന്ന ഫേസ്​ബുക്ക്​ അക്കൗണ്ടി​േൻറയും പേജി​േൻറയും ലിങ്കുകളും രമ്യ നൽകിയിട്ടുണ്ട്​.