രമ്യ ഹരിദാസ് കുന്ദമംഗലം ബ്ലോക്ക് പഞ്ചായത്ത് പ്രസിഡൻറ് പദവി രാജിവെച്ചു
text_fieldsകുന്ദമംഗലം (കോഴിക്കോട്): ലോക്സഭ തെരഞ്ഞെടുപ്പിൽ ആലത്തൂർ മണ്ഡലത്തിൽ യു.ഡി.എഫ് സ്ഥാനാർഥിയായിരുന്ന കുന്ദമംഗല ം ബ്ലോക്ക് പഞ്ചായത്ത് പ്രസിഡൻറ് രമ്യ ഹരിദാസ് സ്ഥാനം രാജിവെച്ചു. ഒന്നരവർഷം ബാക്കിയിരിക്കെയാണ് രാജി. തിങ ്കളാഴ്ച വൈകീട്ട് അഞ്ചിന് സെക്രട്ടറി വി.കെ. ജയപ്രകാശനാണ് രാജിക്കത്ത് നൽകിയത്.
കോൺഗ്രസ് ഏൽപിച്ച വലിയ ഉത്തരവാദിത്തം മൂന്നര വർഷം ഭംഗിയായി നിറവേറ്റിയതിൽ സംതൃപ്തിയുണ്ടെന്നും രാഷ്ട്രീയ ധാർമികതയുടെ പേരിലാണ് രാജിയെന്നും രമ്യ പറഞ്ഞു. ആലത്തൂരിൽ സ്ഥാനാർഥിയായപ്പോൾതന്നെ രാജിവെക്കാൻ അനുവദിക്കണമെന്ന് പാർട്ടിയോട് ആവശ്യപ്പെട്ടിരുന്നു. വലിയ പിന്തുണയാണ് ആലത്തൂരിലെ ജനങ്ങൾ നൽകിയത്. തുടർന്നും ആലത്തൂർ കേന്ദ്രീകരിച്ച് പ്രവർത്തിക്കണമെന്നാണ് ആഗ്രഹമെന്നും നാളെത്തന്നെ അങ്ങോട്ടുപോകുമെന്നും പുവ്വാട്ടുപറമ്പ് സ്വദേശിയായ രമ്യ വ്യക്തമാക്കി.
ബ്ലോക്ക് പഞ്ചായത്ത് പ്രസിഡൻറുപദവി പട്ടികജാതി സ്ത്രീസംവരണമാണ്. 19 അംഗ പഞ്ചായത്തിൽ യു.ഡി.എഫിന് പത്തും എൽ.ഡി.എഫിന് ഒമ്പതും പേരാണുള്ളത്. ആലത്തൂരിൽ രമ്യ ജയിച്ചാൽ പ്രസിഡൻറു സ്ഥാനവും അംഗത്വവും ഒന്നിച്ച് ഒഴിയേണ്ടിവരും. അങ്ങനെ പ്രസിഡൻറ് തെരഞ്ഞെടുപ്പുണ്ടായാൽ ഇരുഭാഗത്തും ഒമ്പത് വീതം അംഗങ്ങളാണുണ്ടാവുക.
തുടർന്ന് നറുക്കെടുപ്പ് വേണ്ടിവരും. ഇത് ഒഴിവാക്കാനാണ് ഇപ്പോൾതന്നെ രമ്യ രാജിവെച്ചത്. ലോക്സഭ തെരഞ്ഞെടുപ്പ് ഫലപ്രഖ്യാപനത്തിനു മുമ്പ് പ്രസിഡൻറ് തെരഞ്ഞെടുപ്പ് നടന്നാൽ രമ്യക്ക് അംഗത്വം നിലനിർത്തി യു.ഡി.എഫ് സ്ഥാനാർഥിയുടെ ജയം ഉറപ്പിക്കാമെന്നാണ് പാർട്ടിയുടെ കണക്കുകൂട്ടൽ.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.